قعدت فتره أستوعب وبعدها على طول بعت رساله لصاحب الكومنت .. والى كان أسمه عطوه السباك !!
LinaBasyouni
و تواصلت معاه وحكالى حكايه أغرب من الخيال وأكدت رواية أدهم عن العزبه.
أتفقت مع عطوه اقابله وخدته وروحت بيه لادهم المستشفى
أول ما أدهم شافه رجع لورا ووقع تانى بالكرسى وهو بيقول :
جوجل بيرجع الموتى !!؟
وفضل يلف حوالين نفسه وهو بيقول :
صابنى الجنون ... اكيد صابنى الجنون !!!
LinaBasyouni
هداه عطوه وانا هديته معاه وقعدناه على الكرسى بس كان بيبص لعطوه بأندهاش شديد.
فعطوه قال :
انا ماموتش ولا حاجه جلالتك .. انا هربت من العزبه .
فكملت على كلام عطوه وقولت :
عطوه حكالى انه كان غطاس المجارى بتاع العزبه ومن خمس سنين هرب من صراف المجارى لما لقاكم فكرتوه غرق ومات وأتصرف مع البيبى هو كمان ...
وبصيت لعم عطوة وقولتله :
لامؤاخده ياعم عطوه.
LinaBasyouni
وكملت كلامى مع أدهم اللى لسه متنح وبيبص على عطوه بأندهاش وقولتله :
عطوه بيقول أن العزبه حقيقيه بس مايعرفش مكانها فين لانه تاه فى الصحرا لما طلع من المجارى وجماعة بدو لقوه , لو ساعدتنى يا أدهم وقولتلى مكان العزبه ساعتها هيبقي كلامك مثبوت وممكن ننقذ عزبة الخديوى .
مردش عليا وقال لعطوه :
كده ياعطوه !! أنت عارف أنك تعتبر خاين دلوقتى !!
عطوه قاله وهو موطى راسه :
LinaBasyouni
بعتذر ياجلالة الامير .. بس أنا تعبت من الظلم والافترا اللى فى العزبه وجاتلى الفرصه لما فكرونى مت وهربت ..
أنا عارف ياجلالة الامير انك كنت طيب وعمرك ما أذيت حد مننا بس جاسر والفتوات اللى قبله أفتروا علينا أوى وجلالة الملكه ناظله خلاص عجزت ومبقتش تقدر تصدهم زى الاول .
فضلت أضرب كف على كف من الاندهاش ... أدهم طلع مش مجنون !! وطلع أمير بجد !!
أدهم قالى :
LinaBasyouni
انا مندهش جدا يامودمازيل !!! أزاى عرفتى توصلى لعطوه بالسرعه دى !!؟
قولتله :
عن طريق الفيس بوك.
قالى وهو مستغرب :
فيس بوك ... كتاب الوجه ... ده سحر برده !!؟
ضحك عطوه وقاله :
LinaBasyouni
لا جلالتك ده سوشيال ميديا عادى .. كتاب وجه أيه بس ده انتوا عايشين فى البلالا.
أدهم رد عليه وقاله :
ألزم محلك يا عطوه .. انت نسيت نفسك ولا أيه !!! من امتى الرعاع بيردوا على أسيادهم !!!
عطوه قاله :
LinaBasyouni
بعتذر ياجلالة الامير.
بصيت لعطوه بأندهاش ... لسه بيقول لادهم ياجلالة الملك!!! لا وخايف منه بالرغم منه أنه عارف الحقيقه وانه مش أمير ولا حاجه!!!
وجهت كلامى لادهم
قولته :
ها قولى بقى على مكان العزبه علشان أساعدك تخرج !!
قالى :
هتصدقينى لو قولتلك أنى معرفش مكان العزبه انا زى عطوه توهت فى الصحرا لحد ماقبلت سيارة الفلاح ونمت فيها وصحيت على صوت الكروان أخوكى أبو نجوم .
LinaBasyouni
قولتله :
كده بقت مشكله كبيره لاننا كده مش هنعرف نثبت كلامك ..
ولو حتى عطوه أكد قصتك هيحطوه معاك فى المستشفى .. وهيقولوا أتنين مجانين !!
LinaBasyouni
معاد الزياره انتهى واحنا مش لاقيين حل للمعضله دى , طلعت من المستشفى مع عم عطوه.
وسألته واحنا بره :
هو انت ليه كنت خايف من أدهم وبتقوله ياجلالة الامير !!؟... مش غريبه دى وانت عارف أنه مش ملك ولاحاجه !!؟
قالى :
LinaBasyouni
ياهانم أنا أه هربت من العزبه علشان الظلم وأتفاجأت أن البلد أتغيرت .. كنت فرحان الاول بالديموقراطيه والكلام ده
بس بعد كده أكتشفت أن العالم عباره عن عزبه كبيره، واللى زينا كده كده مالهمش قيمه وأقصى أحلامهم لقمة العيش والسكن .. واحنا فى العزبة عيشتنا مرفهه كتير من حيث المعيشه الاكل والشرب والسكن بالرغم من الظلم والاستبداد اللى فيها.
انا بحب الامير أدهم علشان طيب وهفضل أقوله ياجلالة الامير .. لآنه كان فعلا أمير كان بيعدى بحصانه ويشوف طلبات أهل العزبه واللى عنده أزمه يحلهاله ..
أنا نفسى أرجع العزبه تانى ... ونفسى الامير أدهم يعرف يرجع علشان أرجع معاه.
LinaBasyouni
أستغربت جدا من وجهة نظر عطوه السباك واللى كانت عميقه زى البلاعات اللى بيسلكها.. عايز يرجع للسجن وللعبوديه تانى!!!
أستاذن عطوه علشان عنده سفر للشرقيه .. فشكرته ومشى .
روحت ناحية عربيتى وحطيت المفتاح فى العربيه وشغلتها و بعدين خبطت أيدى على راسى من غبائى ..
أدهم ممكن يخرج من المستشفى عادى بس لو نفذ فكرتى صح..
أنت تقرأ
عزبة الخديوى (مكتملة)
Acciónالعزبة فضلت معزوله عن مصر والعالم أكتر من 70 سنه . مفيش كهربا ومفيش تليفون ومفيش أى حاجه توصلنا بالعالم اللى بره , أولاد السكان القدام والاصليين كبروا على أن اللى هيطلع بره العزبه هيموت وان العزبه هيا الحاجه الوحيده اللى حمياهم . وفيه ناس أمنت أن...
