عشقت قاتل امي

الفصل الثالث عشر

الحبيب ليس من يُبهرنا من اللقاء الأول، بل من يتسلّل داخلنا دون أن نشعر وكأنّك فجأة تكتشف أنّه هو الهواء الذي تتنفّسه. أجمل زمن في ظل حبك قضيته، وأحلى قصيدة قلتها فيك ولهان، والعين تهوى كل درب تمشيه. أُحبّك لأنك أنتَ، أنتْ لا شبيه لا مثيل لا بديل لك.

💞💞💞💞💞💞💞💞💞💞💞💞

ـ اممم حلوه اوي الطعميه دي.
رزان ـ ولا السلطه المشطشطه روعه.
نهلة ـ ولا شقة الفول دي حاجه تانيه خالص.
مهرة ـ هههه شكلنا هنعمل تعاقد مع المطعم دا.
لتومئ كل من نهلة ورزان بالموافقه.
رزان ـ والله القعده دي وحشتني جداا.
مهرة ـ معاكي حق  يارزان فعلا الدردشه والاكل وكل
دا كان وحشني.
رزان ـ صحيح يامهرة مقولتليش حياتك مع فارس
عاملة ايه.
لتبتسم مهرة وهي تتزكر ما حدث في الصباح.
..............
فارس ـ يامهرة قومي بقي الساعه بقيت تمانيه
فاضل ساعه علي معاد المحاضرة.
مهرة بنوم ـ امم سبيني انام ياماسه بلا محاضرة بلا زفت علي اساس اني بحضر اوي.
فارس بضحك ـ يعني كمان فاشله يامهرة ياحببتي انا
مش ماسه يلا.
مهرة بنوم ـ طب بطل ياادم الكلب خليني انام.
فارس ـ لا كدا كتير. ليصرخ بها. مهرة مهرة.
مهرة بفزع ـ ايه في ايه يافارس ايه اللي حصل.
فارس ـ ايه اللي حصل!  ياقادرة بقالي ساعة
بصحيكي والساعة بقيت تمانيه. 
مهرة وهي تفرك راسها ـ معلش بقا يافارس نومي
تقيل شويه.
فارس وهو يضرب جبينها ـ شوية ايه قولي شويتين
تلاته يلا قومي خدي شاور واجهزي عقبال مالفطار
يجهز علشان اوصلك في طريقي.
مهرة وهي تقبل خده ـ هوي.
ليجزبها فارس ـ بت انتي شكلك مش ناويه علي مرواح وانا بتلكك علشان ماروحش الشغل لينهل من
شفتيها قبلة صغيرة.
مهرة بضحك ـ هو انا عملت ايه بس.
فارس ـ مهرة كلمه واحده قومي خدي شاور بدل ممفيش حد فينا هيخرج من الاوضه دي النهاردة.
لتركض مهرة تجاه الحمام.
..........
رزان ـ مهرة مهرة رحتي فين.
مهرة ـ هاا
رزان ـ انتي رحتي فين كدا يامهرة سالتك عمله ايه
مع فارس.
نهلة ـ ايه ياروزي متشغلي عقلك اكيد راحت عند فارس.
مهرة بضيق بس يابت منك ليها.
لتتابع صحيح يانهلة اخبارك مع لؤي ايه.
نهلة ـ هحكيلك..لتقص عاليها كل ماحدث منذ البداية
مهرة ـ يالهوي كان عايز يضربك وانتي سمحتيله اذاي يرفع.ايده عليكي.
نهلة بتوتر ـ بصراحه انا تقلت العيار شويه بس من ساعتها وهو لزقلي وانا بحسسه دايما انه مفروض
عاليا.
مهرة بفخر ـ برافو عليكي يابت يانهلة تربيتي بصحيح.
نهلة ـ بقولك يامهرة متيجي نروح الشركة احنا التلاته.
رزان ـ صحيح يامهرة ايه رايك تقترحي علي فارس اننا نروح ندرب في شركته اهو بدل مانروح شركه
تانيه.
مهرة ـ تفتكروا هيوافق.
رزان ـ اغريه
مهرة ـ نعم ياروح امك.
لتضحك نهلة ـ ايوا يامهرة علي الاقل انتي مراته مش احسن من الباربي بتاعة مكتبه واللي بتحاول بكل جهد علشان توقعه فيها.
مهرة بشراسه ـ هي مين اللي امها داعيه عليها دي.
رزان بضحك ـ اي رايك يامهرة نروح نطب عليهم
تشوفي جوزك لا يكون بيلعب بيداله.
مهرة ـ سنة اللي خلفوه سودة لوكان بيلعب بيدالة.
💞💞💞💞💞💞💞💞💞💞💞💞💞💞💞💞💞💞💞💞💞
وفي شركة الصياد
ـ مساء الخير  عندي معاد مع فارس بيه قوليله ادم
الشرقاوي.
السيكرتيره ـ هااا
ليرفع ادم احد حاجبيه ـ افندم
لتعتدل السيكرتيرة ـ دقيقه يافندم هدي لحضرته خبر بس.
ليبتسم ادم في سره ـ الحمد لله رزان مش هنا كان زمانها عملت منها بوفتيك.
السيكرتيرة ـ اتفضل يافندم
ليومئ لها  ادم.
لتكمل في سرهاـ  يخربيت حلاوة امك.