Yeh jawani hai deewani me Naina ne ye toh kaha ki 'Yaadein mithai ke dibbe ki tarah hoti hai ... ek baar khula toh sirf ek tukda nahi kha paoge' par wo ye batana bhool gai ki jab wo dibbe ki saari mithaiya khatam ho jati hai tab kya hota hai.
Tab aapke dil me ek ehsaas reh jata hai. Khalipan ka ehsaas jo aapke dil ki itni saari yaadein Taaza kar ke apko raat ke andhere me akela mehsoos karwata hai. Yaadein achi ho toh khushi de jati hai lekin agar yaadein achi hoke bhi apko akela kar de toh aap chah ke bhi khud ko nahi sambhal paate.
Armaan ke sath bitaye har ek pal ke sath bhot sari pyaari aur achi yaadein hai meri. Humari har mulaqat mere dil me uska pyaar ban ke baithi hai.
Wo raat bhi kuch aisi hi thi jab pehli baar hum akele mile the, Rahul ki birthday party ke bad.
Papa ne permission to de di thi ki mai jau kyuki preeta didi khud lene aai thi mujhe par unhone jaldi aane bhi kaha tha. Unhe tab bhi lag raha tha ki mai nai hu area me abhi bhi. Mujhe akele nahi ghumna chahiye. Sahi bhi tha kyuki bhot acha nahi tha humara mohhaala. Kafi sare ladke chowk pe baith ke ladkiyo ko aate jate dekhte rehte the din bhar.
Party me wo Rahul aur uske ek aur dost ke sath baitha raha aur dur se mujhe dekhta raha. Kahi baar nazre Takrai humari par Maine use bar bar andekha hi kar diya. Dar lag raha tha ki koi dekh ke samjh gaya toh? Kisi ne papa ya bua aur mummy se kuch diya toh?
Mai Preeta didi ke sath baith ke bas cold drink peeti rahi aur unki aur Raaj Bhaiya ki baate sunti rahi. Wo dono lad rahe the phir ek dusre ka mazak uda rahe the aur mai unko dekh ke khush ho rahi thi.
Teenage me hamesha bado ko dekh ke lagta hai ki hum bhi jaldi se bade ho jaye aur phir unke jaise hum bhi kare. Mai bhi silently wahi wish kar rahi thi.
"Chal Riddhima tujhe ghar drop kar dete hai hum.." preeta didi boli aur Maine Armaan ki taraf dekha. Raat bhar jo nind nahi aai thi ye soch ke ki kal usse baat hogi wo bina kiye kaise jaa sakti thi mai?
Mujhe ye toh nahi pata tha ki mujhe usse kehna kya hai par mai ye jarur janti thi ki mujhe usse baat karni hai.
Didi raaj Bhaiya ke sath bahar gai aur main unke sath aage nikal gai. Mud ke ek baar dekha Maine Armaan ko par wo nahi tha waha. Jab bahar gai toh pehle se hi didi ke sath khada tha aur haaf raha tha,"itne jaldi kyu jaa rahe ho didi? Thodi der ruk jao na.."
"Armaan, Riddhima ke papa faltu me uspe ghussa karege.. jaane de unko.." raaj Bhaiya bole aur phir unhone didi ka haath pakda,"preeta chal bahar tujhse do minutes kuch akele me bolna hai.."
Mai waha unn dono ko jata dekh khadi rahi. Nazre jaise koi ajooba dekh rahi ho aur heartbeat jaise koi dil ke pass drum zor zor se baja raha ho bina kisi tune ke.
"Riddhima.." usne ek dum dhire se bola aur mai apni aakhe aur badi kar ke uski aur moodi. Kya kehna tha iska koi andaza bhi nahi tha par kuch toh kehna tha toh jo bhi aaya mere foggy se dimag me, Maine bol diya,"hmmm?"
"Party achi lagi apko?"
Jaldi se apna sir hila diya aur phir Preeta di ki aur mood gai. Uski nazre dekh rahi thi mujhe ye pata tha mujhe. Mere cheeks pe ache se pata bhi chal raha tha.
Us din na ye samjha ki kya kahu aur na hi ye samjha ki kaise uski aur dekhu aur aaj usko ek baar dekhne ke liye meri aakhe Taras jati hai. Block kar rakha hai har jagah se usne mujhe toh ab uski aur meri purani photos aur mere dil me basa uska chehra hi mere zindagi ka Sahara hai.
Haa khwaish hai ki dekh saku usko phir se, par ek baar bhi dekh saku ye bhi Khwaish adhuri hai meri. Usne mujhe usko haq se dekhne ka bhi toh haq cheen liya. Keh ke gaya tha 'agar kabhi bhi sacha pyaar kiya hai mujhse toh kasam hai tumhe ki ab agar mar bhi jau toh bhi mera chehra dekhne mat aana..'
Uski Sacche pyaar ki kasam kaise kabhi todugi mai. Isliye aaj usse 1000 kms dur, apni family se dur akele tumhare sath baithi hu.
Waise bhi usko kisi aur ke sath dekhne se acha hai ki mai use dekhne ki adhuri khwaish adhuri hi rehne du.
Bas ek dua hai ki wo jaha bhi rahe, bas bhot khush rahe.
Dhyan rakhna uska, thik hai na Chanda?
To be continued..
आप पढ़ रहे हैं
ADHURI MOHHABAT- A TALE TO TELL TO MOON
Fanfictiontalking to the moon try to get to you in Hope's you're on the other side talking to me too or am I a fool who sits alone talking to the moon?
