Pata hai kya Chanda, kahi baar aisa hota hai naa ki chah ke bhi hum apne aapko dard dete hai. Ab mujhe hi dekh lo, waise toh mai har us chiz se dur bhagti hu jo mujhe uski yaad dilati hai par aaj ek bhot khubsoorat saa gaana suna aur uska chehra samne aa gaya.
Uski kahi har ek baat, bitaye har ek lamhe ko Maine yaado me se jee liya. Aaj wo gaana bhi baar baar repeat pe chal raha hai aur uss gaane ki Tarah humari yaadein bhi.
Aisa lag raha hai ki aas paas hai wo aur keh raha hai ki 'Riddhima aaj tum yaad aa rahi ho.'
Aaj tum bhi poore ho aur mera dil bas dard se nahi balki humari khatti mitthi yaado se bhara hai.
Pehli mulaqat toh har koi yaad rakhta hai aur aksar pehli bar ki gai baat bhi yaad reh jati hai. Ehmiyat toh Dusri mulaqat ki nahi hoti hai.
Jab him dusri baar mile tak tak do mahine beet chuke the. Navratri is pehla din tha aur humare area me devi maa ki sthapana ki gai thi. Kaafi chehel thi har jagah.
Wo apne dosto ke sath ghumte hue mere ghar aaya tha donation mangne. Hasi toh mujhe tab aai jab papa ne use donation ke naam pe bas 100 rupay ki note haath me thama din.
"Uncle 100 me kya hoga? Ek din ka haar bhi nahi aaega isme toh.."
"Nariyal aur khoole phool toh aa hi jaege na.." papa ne kaha aur gate band kar diya. Meri Hasi hi nahi ruk rahi thi par jaise usne mood ke ek nazar Dali, mai toh ek second ke liye hasna hi bhool gai.
Uss sham mai bua ke sath aarti ke liye gai aur wo phir dikha. Bua apni friends se baat karne me lag gai toh Preeta didi aake mujhe apne sath leke dusre side gai.
Wahi mai pehli baar Shruti se mili. Armaan ki classmate aur friend thi wo par jis Tarah dekh rahi thi maano abhi Mata ki talvaar legi aur mera gala cut kar degi.
"Tumhe wo decoration kaisi lagi Riddhima?" Rahul ne pucha par nazar uski Armaan ki aur hi thi.
"Bhot sundar hai.."
"Sara Armaan ne kiya hai.." Rahul ne kaha aur dekha tha Maine use armaan ko dekh ke aakh marte hue.
"Haa aur hum sab toh raat bhar bhajan gaa rahe the na?" Abhi ne kaha. Wo Armaan ka hi friend tha aur mujhe kafi baad me pata chala tha ki wo aur Armaan ki behen Neha relationship me hai.
Meri phir se hasi nikal padi aur Armaan dekhne laga. Usne thodi der me baad Rahul se kuch kaha aur mere side me aaya.
Ek second nahi laga meri dhadkane tez hone me. Aisa laga ki dil bas abhi bahar aa jaega aur mai yahi behosh ho jaugi. Uski ek smile ne meri saasein maano rok hi li ho.
"Maine bas wo prasad ka ghee laane me help ki hai."usne kaha aur ek aur cute si smile di,"waise kal kafi hasi aa rahi thi apko jab aapke papa ne 100 rupay diye.."
"Papa ko daan dena jyada pasand nahi hai."
"Aur aapko?"
"Nahi pata." Maine mud ke bua ki aur dekha,"mujhe jana chahiye, bua dekhegi toh mummy ko bata degi.."
Usne dekha bua ki aur phir teda muh kar ke mujhe dekhne laga,"mujhe laga tha aaj aap humare sath garbha khelogi."
"Garbha nahi aata mujhe.."
"Usme kaunsi badi baat hai. Gol gol hi toh ghumna hai.."
Mujhe samajh hi nahi aa raha tha ki kya kahu mai. Papa ko bataya nahi tha ki late aaege lekin jane ka man hi nahi kar raha tha.
"Acha kal?"
"Mai papa se puch ke aaugi kal jyada time rukne ke liye.."
"Thik hai..."
"Thik hai.."
"Thik hai.." Rahul aur Abhi ne sath me kaha aur hasne lage aur tab jaake hume pata chala ki saari baate sun rahe the wo humari.
Us raat ghar Jana kafi mushkil tha aur dusre din wapas aane ki excitement toh jaise aasman choo rahi thi.
Jab maine use us raat bye kaha toh jo smile usne di thi, aaj bhi aakhe band karu toh 15 saal ki Riddhima ke liye 16 saal ke Armaan ki smile mere dil aur dimag me basi hui hai.
Kaash wo din wapas aa jate, Jaha naa bolte hue bhi humne ek dusre ko promise kiye aur unn promises ko pura bhi kiya.
Humara bachpana jarur tha par hume nahi pata tha ki ek ek din hum ek ajeeb se par bhot pyaare se ek bandhan me bandh rahe hai.
Aaj bhi agar koi mujhse puche na Chanda ki aisi kaunsi chahatein hai jo mai puri karna chahti hu toh mai yahi kahugi ki wo waqt mujhe wapas mil jaye. Armaan ke sath unn galiyo me bitaye ek ek pal ko mai phir se jeene ki chahat rakhti hu....
Tum waqt ko phir se dubara wahi laa sakte ho kya Chanda?
Mere Armaan ko pehle jaise mera bana sakte ho kya?
आप पढ़ रहे हैं
ADHURI MOHHABAT- A TALE TO TELL TO MOON
Fanfictalking to the moon try to get to you in Hope's you're on the other side talking to me too or am I a fool who sits alone talking to the moon?
