مش هحب غيره (كامله)

البارت ٧ " مش هحب غيره "

البارت السابع " مش هحب غيره "

بنت عم روح فتحت الباب وابتسمت وقبل ماتتكلم

مالك بجديه -ده بيت دكتورة روووح

الابتسامه بتاعتها اختفت من ع وشها
=ايوا بيت دكتوره زفت .. قصدي روح..اقولها مين

بنفس رياكشن الجد -مالك .. دكتور مالك

دخلت هاله تنادي ع روح =والله وبقه يجيلك شباب لحد بيتك

روح بعدم فهم -قصدك ايه !!

=ف واحد علي الباب بيقول انه اسمه مالك عاوزك

روح بان عليها التوتر و قلبها كان هينط من مكانه وخايفه وكمان نفسها تشوفه وحشها اووي ..

جريت ع الباب مكنتش مصدقه نفسها اول ماعنيها جات عليه لقيته باصص عليها بعنيه العسلي اللي بتدوب فيها .. عنيه فيها لمعه اول مرة روح تشوفها .. اتكسفت من نظراته ليها وخدودها احمرت من كسوفها .. اول ما وصلت قدامه عيونها اتكلمت وقالت
اللي لسانها مش قادر يقوله "وحشتني يا مالك .. هونت عليك المده دي كلها "

مالك قرا اللي ف عيونها من غير مايتكلموا لقي قدامه طفلته اللي مقدرش يبعد عنها اكتر من تلات ايام ببيجامتها البينك مرسوم عليها اشكال كرتونيه بخدودها الحمراء من الكسوف ابتسم .. وعنيه ردت عليها وقالتلها "داانتي موحشتنيش بس انا كنت هموت من بعدك ده .. متبعديش تاني "

رجع مالك لوعيه ورجع لجديته تاني
=ينفع اللي انتي عملتيه ده !!

روح باستغراب
-نعم !!!! عملت ايه

مالك بجديه
=سيبتي الشغل وانتي اللي منظمه كل حاجه ف المكتب وانا شغلي متعطل

روح بخيبه امل كانت بتفكر انه هيعتذرلها
-امممم هو ده اللي جابك !!

=ايوا .. امال هاجي ليه ؟؟

-لا ولا حاجه .. انت مغلطش فيا اخر مرة مثلا ولا غلطت ف اخلاقي ولا هنتني ف مكتبك ..ولا كان المفروض تعتذرلي حتا ...

=اعتذر !!!!

-اها صحيح ازاي مالك بيه الدكتور صاحب اكبر الشركات يعتذر .. بص يا مالك .. انا دلوقتي ف بيتي يعني ولا ف محاضرتك ولا ف شركتك .. يعني انا حرة دلوقتي مش مقيده .. فاحب اقولك بكل حرية .. انا مش هرجع الشغل .. والقصه اللي انتي جايلي عشانها دي متلزمنيش ...

=انتي للدرجادي مستهترة بجد !!!!

قطع كلامهم دخول عمها بوجه الغاضب وبيص لروح وزي مايكون بيقولها "والله لاديكي علقه افوقك .. بقه جيبالي راجل قدام بيتي " روح عملت نفسها مش واخده بالها ولكن

-رووووووح !!!

=عمو ازيك "بتبتسم اللي هي بتقوله والنبي ماتفضحني قدامه داانا بحاول اعمل لنفسي شوية شخصيه"