البارت ١٣ "مش هحب غيره"
تفتح روح عنيها تلاقي نفسها ف عربيه مالك ومالك جمبها
-مالك !! انا بعمل ايه هنا
=ايه يا روح احنا اتعشينا وركبنا عشان اوصلك نمتي ف الطريق
-ازاي يعني كل ده كان حلم !!
مالك بعدم فهم =انا مش فاهم انتي بتتكلمي عن ايه .. حلم ايه
روح بخيبه امل-مفيش حاجه شكرا ع العشاء والتوصيله دي
مالك نادي ع روح -روح
روح بزعل =ايوا
مالك بقلق-انتي كويسه
روح بنفس نبره الزعل =ايوا .. سلام
دخلت روح ومالك مشي بعربيته كل تفكيره ف روح وازاي هيسيبها تضيع من ايده لازم يتصرف لازم يعمل حاجه بس عند روح كان الوضع مختلف ..
تدخل روح اوضتها وتبدا تعيط .. تعيط لحد ما عيونها تورم .. ازاي سمحت لنفسها تحب الحب دهه كله .. هو مش بيحبك لو بيحبك كان اعترفلك .. يعني مش باين عليا .. يعني هو مش عارف .. هو قاصد يعلقني بيه .. انا خلاص اخدت قراري ..
مالك بيلف بعربيته وركن واتصل روح بس مردتش رجع رن عليها تاني
ياتري عاوزني ف ايه .. ارد ولا مردش .. هرد
-روح
=معاك .. خير ف حاجه
-روح .. انتي بتحبي ساهر ؟؟
روح استغربت من سؤاله وكانت لسه هتجاوب
-روح
=ايوا
-انتي بتحبي ساهر
=طبعا بحبه .. ده يمكن اكتر حد بحبه ف الدنيا ونفسي يخليه معايا علطول ..
روح جوبت بتلقائيه وانها فعلا بتحب ساهر انه اخوها وكدا بس طبعا مالك مفهمش كدا ..
وفجاءه مالك يقفل الخط
-داانت بني ادم مهزا صحيح
ف صباح يوم كله مفاجاءت لروح وكسرة قلب بس المرة دي بجد
تدخل هالة ع روح بتكبرها -مش تباركيلي
=ع ايه .. هي الساعه كام الاول
-احنا بعد الضهر يا هانم ..
=ينهار .. طب واباركلك ع ايه !!
-مالك
روح قلبها اتقبض =مش فاهمه .. ماله
-طلبني من بابا وحددنا الخطوبه الاسبوع الجاي وبابا لسه مبلغني ف الموبيل حالاااا
روح اتاكدت من احساسها وان مالك كان بيلعب بمشاعرها مش اكتر وقررت تمشي حياتها صح لنفسها وبس ..
لبست ورجعت لاستايلها الاولاني بس المرادي بكسره وحزن وراحت شغلها قعدت ع مكتبها وطلبت قهوتها وقاعده
-ما لسه بدري
=معلش يا مستر مالك راحت عليا نومة
-هو حد قالك ان احنا هنا ف حفله ولا جنينه الشركه دي ليها مواعيد واللي مش هيلتزم بمواعيدها يتفضل ..
=انت مريض .. انت كل يومين بحال وكل ساعه بشخصيه انا مبقتش فهماك شوية تزعق وشويه تتعصب وشوية تتكلم بهدوء وشوية تضحك وشوية ... ولا اقولك خسارة الكلام ف بني ادم زيك .. روح اتعالج قبل ماتخطب .. واها صحيح مبروووك
وسابته ومشيت وقفلت باب الشركه ده نهائي .. روحت وحكيت لساهر كل اللي حصل وساهر كان فرحان لان حس من كلام روح انها بتحاول تقفل صفحه مالك وبالذات بعد طلب مالك للخطوبه من اخته ..
-روح متزعليش نفسك انتي تستاهلي احسن بصي حواليكي واكيد هتلاقي الحب الحقيقي
=ساهر انا لا جاهزة لحب حقيقي ولا لحب بهزر انا هركز ف كليتي وبس كفايه اووي كدا عليا ..
بثنيه تتصل بروح
-دي بثينه سيبني انت بقه عشان ارد عليها
=من لاقي احبابه يا ست روح
-اطلع برة واقفل الباب وراك والنبي يا ساهر
ترد روح ع بثينه
-ده كله يا روح عشان تردي
=معلشي يا بسبوس ساهر كان عندي
-ابقي سلميلي عليه كتير
=حاضر ياستي
-مال صوتك
بدات روح تحكي لصديقه عمرها كل حاجه وبثينه
-طب ماتيجي ننزل ناكل ونغير جو يا روح
=اشطا هتعزميني عشان انا مكتئبه دلوقتي
-ياشيخه صدقتك .. بقه دي منظر واحدة مكتئبه
=هموت واعرف ايه حكايه الاكل والاكتئاب
-انجزي وانزلي ياله يا روح ربنا يهديكي
ف مطعم راقي
-ايه يا بثينه المطعم ده كنا جيبنا بيتزا وكلناها ف الشارع
=انا اللي عازمه ملكيش دعوه .. بزمتط مش مطعم تحسيه انه للمرتبطين كدا وميوزك رومانسي وجو شاعري
-مانا عشان كدا مستغربه انك جيباني هنا
قاعدين بياكلوا =والله وقال ايه ف الاخر طلع حلم يا بثينه بس كان حلم حلو اوي يا بوسي
-مالك
=مالك ايه يابنتي ركزي معايا هنا
-مالك هناك اهو وراكي ع الطربيزة اللي وراكي
تبص وراها تلاقي فعلا مالك قاعد لوحده بس شكله مستني حد
=هاله !!!!!
مستنيه رايكوا ف البارت وتوقعتكوا للبارت الجاي
اتمني التفاعل يزيد عشان انزل البارت بسرعه
شكرا جدا ع كومنتاتكوا العسل دي
أنت تقرأ
مش هحب غيره (كامله)
Romansaبنت يتيمه احبها دكتورها ف الجامعه ولكن هو لا يريد الاعتراف بحبه لانه شخص لا يؤمن بكلمه حب تتعرض البنت من مرات عمها اللي تعيش معاها ف نفس البيت للمؤامرت والتفرقه بينها وبين حبيبها
