مش هحب غيره (كامله)

البارت ١٩ قبل الاخير "مش هحب غيره"

البارت ١٩ "مش هحب غيره"

روح بلهفه وعياط هيستيري -للاسف ايه يا دكتور !! مالك عايش صح !! مالك ممتش !! مالك هيبقه كويس انا عارفه

-للاسف د مالك اتوفي ادعوله

روح مش مصدقه اللي سمعته - مالك هو اللي قايلك صح !! قوله انا مستحملش الهزار ده انا هدخله وسع كدا

يحاول الدكتور يمنعها -مينفعش ......

تبعده روح بقوة وتدخل تنظر له بحب وتضحك من الصدمه -مالك اصحي ،مالك انا عارفه انك بتهزر ،بس انا مستحملش الهزار ده يا مالك ،اهون عليك تعمل فيا كدا ،مالك عشان خاطري انا دموعي نشفت من كتر العياط ،حبيبي .. مالك

ينظر الدكتور لنبض القلب يلقيه رجع اشتغل ،مالك بيحرك صوابعه ويمسك ايد روح بتملك ، الدكتور متفاجئ من تاثره بكلام روح ،استجابته وتعلقه بالحياة اللي كان فقدها خلاص .. صدق اللي قال الميت بيحس باللي حواليه ..

الدكتور بسرعه وبيطلع روح بره -بسرعه جهزوا جهاز التنفس .. اتفضلي بره لو سمحت يا مدام بعد اذنك !!!

روح تطلع بره وتضحك وتدعي ربنا -الحمدلله يارب انا كنت عارفه ان عمره ماهيسيبني

يخرج الطبيب بعد وقت -بجد اللي حصل ده معجزه ،تاثيرك كان كافي انه يرجعه للحياه مرة تانيه ،ساعه وهيفوق وتبقي تقدري تشوفيه باذن الله

تمر ساعه وروح مستنياه يفوق بس ميفوقش غير بعد ساعتين ،ينادي باسم حبيبته ولكن بتعب

-روح .. روح

-نعم يا حبيبي كدا يا مالك كنت هتسيبني لوحدي

-عمري ماقدر اسيبك بطلي تعيطي .. ايه طفله !!

-ايوا انا طفله وهخليني اعيط عندك مانع خلاص ادبست وبقيت مراتك

-لا ده لو هتدبس ف قمر كدا .. انا عاوز اتدبس كل شويه

-تقصد هتتجوز عليا يعني !!

-ايه قنبله النكد دي انا مش قدرلك خالص

-الف سلامه عليك يا حبيبي انا روحي كانت بتتسحب مني يا مالك وانت ف العمليات

-داانا كدا هتصاب كل شوية ،عشان اشوف الحنيه والخوف ده كله

-كدا يا مالك عاوز تعذبني كدا

يحزن مالك ويقولها -بقه هو ده يوم فرحنا نقضيها ف المستشفي يعيني عليك يا مالك وع شبابك اللي ضاع

تضحك روح -امال كنت هتقضيها ازاي يعني

-لا ده كلام ناس كبار هفهمهولك ف بيتنا بقه

يخبط الدكتور ويدخل -حضرتك لازم ترتاح بقه لان مكان الرصاصه كان خطر ولازم كمان نعمل محضر ولا رايك ايه يا د مالك