مش هحب غيره (كامله)

البارت ١٢ "مش هحب غيره"

البارت ١٢ " مش هحب غيره"

مالك مسك ايد روح فجاءه وروح بلمت طبعا واشتغلت اغنيه " نخبي ليه ف اسرارنا وانا وانت مفيش غيرنا ولو ننسي مشاعرنا نكلم مين يفكرنا .. يا روح الروح بتنساني وانا فاكر ومش نساي تغيب عن عيني من تاني ومن غير حب اعيش ازاي ومهما تغيب بعيش وياك .. " لوائل جسار

-روح .. بحبك وباس ايديها والله بحبك

روح عيونها دمعت ومكنتش مصدقه ودنها
=قول تاني بتقول ايه

-بحبك يا روح ومبقتش قادر اخبي اكتر من كدا انا من اول يوم عيني جات ف عينك وانا بحبك قلبي دق من تاني ع ايدك انتي يا روح

روح مش بتعلق ولا عارفه تتكلم .. نسيت الكلام .. نسيت كل حاجه ..

-روح انتي معايا ..

=انا معاك .. ايوا معاك مالك انا فرحانه اوووي انا مش مصدقه حرام عليك عذبتني معاك

-انا اسف .. اسف يا روح قلبي

روح بتضحك وبتتنطط ع كرسي العربيه
=انت قولت ايه روح قلبك

مالك ضحك بصوت ع حركتها-روح قلبي وحياتي وعمري

=ياخي حرام عليك اخيرا ..

-طب ايه !! وبيغمز

روح قلقت وقالتله بقلق =ايه يا مالك ..

-مش هتقوليها انتي كمان

=انا .. انا .. بحبك يا مالك والله العظيم بحبك وبحب ضحكتك ايوا هي دي .. وبحب كل تفاصيلك وبحب حركاتك بحب رافعه حاجبك اما تتعصب او الكلام مش ع هواك .. بحبك والله بحبك ..

مالك باس ايديها -انا هعوضك ع كل يوم عدي علينا يا روح واحنا مش بعض ياله تعالي هطلب ايدك من عمك حالا ..

روح فرحت بس كل خوفها ان عمها ومرات عمها مش يوفقوا عشان هاله بنتهم ..

-مالك يا روح مش فرحانه ولا ايه ؟؟

=لا يا مالك فرحانه طبعا ياله بينا .. بس قبل مانمشي اسمع الاغنيه دي مني ليك "حبه جنه انا عشيت فيها .. لشرين"

خبطت روح .. ساهر اللي فتحلها واتفاجي بوجود مالك

-ايه اللي جابك هنا تاني يا جدع انت

روح برد هادئ وبكمية فرح =ساهر اهدي مالك طلب ايدي وجاي يطلبها من عمو شريف ..

سكينه تلمه نزلت ف قلب ساهر ولكن مبينش دهه وحاول يبتسم -مبروك يا روح بجد يابختك بروح ف حياتك يا د مالك اتفضل ..

مالك لاحظ نبرة حزن والم من ساهر بس حاول يتلاشي ده كله ورد ببرود وغيره ع روح =الله يبارك فيك يا ساهر .. واعبالك اما تلاقي اللي نقولك يايختك عليها

ساهر بخيبه امل وحزن -اها .. ادعيلي

ساهر ينادي لوالده شريف -بابا ضيوف

=اهلا بالغالي .. اهلا يا د مالك كنت منتظر زيارتك دي من اخر مرة وهاله زعلانه جدا من تصرفك ..

-استاذ شريف هو كان سوء تفاهم واتمني حضرتك تقدر اللي هقوله دلوقتي

=يارب يكون خير يابني قلقتني

-انا طالب روح يا استاذ شريف

=رووووح !!! ازاااي ؟؟؟

وف نزول هاله وسوزي ويسمعوا طلب مالك ويتفاجئوا ونظرة حقد من هاله وتوعد من سوزي لروح

-استاذ شريف انا بحب روح ومن اول ماشوفتها وانا معجب بيها بس مكنتش اعرف وكنت بحسب انها مخطوبه لابن حضرتك اللي هو ساهر بس طلع مفيش الكلام ده ..

=هي طماطم يابني .. روح متنفعش يبقه هاله .. روح مش مخطوبه نرجع لروح تاني ..

-لا ابدا ده كان سوء تفاهم يا استاذ شريف

تدخل هاله وبكل حقد وتمسك روح من ايديها جامد
طول عمرك حقوده يا روح وبتطمعي ف اللي مش ليكي بس مالك ليا فاهمه

مالك باندفاع ع هاله وبكل غضب وعصبيه
اللي يفكر بس يفكر يمد ايده ع روح اقطعهاله وصوتك لو علي تاني هخرسك خالص الا روح .. فاهمه

تدخل سوزي بكل هدوء كهدوء الافاعي
-د مالك كان يشرفني انك تخطب روح .. بس للاسف روح لساهر ومخطوبه لساهر والمفروض ان كتب كتابهم بعد يومين .. معلش هي روح بتحب تهزر كدا

صدمه مالك وروح وساهر ...

مستنيه رايكوا وتوقعكوا للبارت الجاي وتفاعل

واسفه ع التاخير ده بس بجد ظروف عندي .. ادعولي

شكرا جدا ع كميه الكومنتات العسل دي بحبكوا جدا ..