مش هحب غيره (كامله)

البارت ٢٠ الاخير "مش هحب غيره"

البارت الاخير ٢٠ "مش هحب غيره"

مالك يرد ع الموبيل ويوقف ف صدمه من اللي سمعه

روح وقلبها مقبوض
-ايه يا مالك ؟؟ ف ايه

مالك ولسه ف صدمته -ساهر انتحر وهو دلوقتي ف المستشفي بين الحياة والموت

روح وقعت ع الارض ده ساهر هي بتعتبره اخوها هو اللي كان بيفهمها من غير ماتتكلم ،هو اللي كان بيطبطب عليها ف عز وجعها ،افتكرت ده كله وبدات تعيط

مالك نزل ع الارض جمبها واخدها ف حضنه
-متعيطيش يا روح هو هيبقه كويس انا متاكد

-انا السبب يا مالك ، هو عمل كدا عشان انا بعدت واخترتك انت ..

-روح ايه الكلام اللي بتقوليه ده !! هو مش انتو اخوات ؟؟ ايه بقه اخترتيني وهو لا دي !!

-ساهر بيحبني يا مالك بيحبني مش حب اخوات ،انا بحبه انه اخويا وصديقي بس هو لا ،ومكنتش متخيله ان ممكن يعمل كدا

-بطلي الكلام الهبل ده واياكي تقولي كدا تاني متضايقنيش

-ده كل اللي فارقلك ،وهو دلوقتي بين الحياة والموت !!

-المفروض اعمل ايه !!

-وديني ليه يا مالك اطمن عليه بعد اذنك وياريت متعرضش لان ده ابن عمي واخويا

مالك تعبان من الجرح وملحقش يرتاح بس مكنش ينفع يسيبها تروح لوحدها

نزلوا وركبوا االعربيه ومالك قال للسواق يروح المستشفي

-مكنش ينفع تيجي وانت لسه تعبان ع فكرة

-ومكنش ينفع اسيبك تروحي لوحدك لجحر التعابين علفكرة

-هما ف ايه ولا ايه يا مالك

-انتي لسه متعرفهمش بقه

توصل العربيه وروح ومالك يسالوا ع اوضه ساهر ولكن الخبر اللي مكنش متوقعين انهم يسمعوه ،سمعوه

-للاسف المريض اتوفي ،مقدرناش نخرج كميه السم اللي ف جسمه جابوه متاخر

وف اللحظه دي سوزي وهاله وشريف جايين ع روح ومالك
سوزي بصرع وبكاء تمسك روح بقوه
-انتي السبب ،انتي اللي خليتي ابني يموت نفسه انا لازم اموتك مش لازم تعيشي

تبدا تخنق ف روح ولكن مالك يدفعها جامد ،وتقع ع الارض -هي مالها ابنك هو اللي انتحر ياله يا روح نمشي

هاله وشريف كانوا مع سوزي اللي حالتها تكاد تكون اتجننت اصلا من فراق ابنها الوحيد

-ابني انا عاوزة ابني يا شريف هاتلي ابني ،انا قلبي بيحرقني هاتولي ابني ،هاله اخوكي هيجي صح ،اخوكي مماتش انا هستناه وهاخده معايا البيت ،ساهر حبيبي تعالي ل ماما كدا يا ساهر تحرمني منك بدري ،اهاااااا يا قلبي اهااااا يا حرقه قلبي