أجبرني على الزواج منه

بارت 7

لا اراديا فتحت الباب وكتلهم
مريم:شنو هالحجي (بعصبية)
زينب:مريوم هلو حبيبتي
مريم:لا حبيبتي ولا بطيخ كولولي شنو هالحجي الي حجيتوه
شهد:مو مو
مريم:بعصبية...احجو
زينب:حبيبتي تعاي كعدي مو زين عليج انتي حامل
مريم:تحجون لا اسوي مصيبة هسة
زينب:ماشي ماشي شهد احجيلها
شهد:بس شوفي والله اني مالي دخل ..مو كتلج رغد فصخت الخطوبة فقبل شوية جانت ناشره زواج وبايدها حلقة سألتها كالت تزوجت كتلها شوكت وانتي ذاك اليوم فصختي كالت من زمان فاصخة خطوبتي بس مجان أحد يدري وهسة ازوجت
ولمن سألتها ع زوجها كالت ايهم اني هم مصدكتها بس دزلتي شهادة الزواج وصورهم سوة بالخطوبة جانو يمكن وهذا الي صار هسة يلة عرفت قبل لا تجين
مريم:كعدت ع الجرباية واني ممستوعبة راوتني الصور والشهادة زواج انصدمت معقولة معقولة ايهم يسويها بيه اني
زينب:مريم بيج شي
شهد :مريم شبيج صافنة
مريم:زينب كومي وديني إله
زينب:استهدي بالرحمن يجوز اكو سوء تفاهم
مريم:بصياح لج يا سوء تفاهم هوة خاني تذكروني من جنتوا تكولولي يحبج ويحبج هذا حبه هذااااااااا
زينب:ماشي أهدي هسة اوديج بسيارتي
مريم:طلعنا من البيت واهلي يسألون وين رايحين واني بالي مو يمهم شهد حجتلهم واحنا طلعنا بسرعة وصلنا ونزلت ركض دكيت الباب طلعت عمتي كتلها وين ايهم كالت طالع فد شو ويجي. .اني كلت اكيد يمها.مرت ساعة  اني رايحة جاية منتضرته وعمتي تسأل مالي خلكهم كلهم جذابين استغبوني شوية وسمعت الباب انطبكت ...
ايهم:مريم شوكت اجيتي ومن وصلج
مريم:ممم خايف عليه منو وصلني
ايهم:اكيد اخاف عليج شتحجين
مريم:اووو سودة عليه لا تخاف أختي الي واكفة بصفي وصلتني ولا تخاف راجعة هسة لبيت اهلي بس اجيت الم ملابسي
ايهم:ملابسج ليش شصاير احجي بيج شي
مريم:بيه أشياء اسمعني كلش زين ورقة طلاقي توصلني وبدون مشاكل رجاء وردت اطلع ..اجة لزمني من زندي
ايهم:شكعد تحجي اني مو طرطور تحجين كلمتين وتروحين شنو طلاق شبيج
مريم :واني مو غبية علمود مااعرف أنك متزوج عليه..شفته تغيرت ملامحه
ايهم:شنو
ام ايهم :ايهم فهمنا شنو زواج احجي شبيك
مريم:يي حبيبي عبالك مرح اعرف واني جنت اكول معقولة هلكد يحبني اثاري ازوجتني علمود ترجع حبيبة القلب لك ليش ليش شسويتلك اني شو انتة جنت تلحكني مو اني خليتني أحبك واتعلق بيك ليش بس فهمنييييي  (بصياح)
ايهم :أهدي أهدي خ افهمج لا تستعجلين بالحكم
مريم:لا استعجل ولا شي شهادة الزواج وموجودة يمي بالموبايل تحب اروايك ياها رفعت الفون بوجهة وراويته
..ها شو سكتت
طلعت من البيت اجة ركض وراية
ايهم:مريم انتضري خ نتفاهم
مريم:شنتفاهم لك شهرين متزوجين مالحكت تصبر
ايهم:مريم شبيج تخبلتي كتلج أهدي وبعدين مو زين عليج انتي حامل
مريم:خايف عليه مفكرت قبل لاتزوج عوفوني بحالي
زينب:ايهم عوفها خ ترتاح شوية بعدين اتفاهمو يلة خ نروح
مريم:طلعت وية زينب وصلنا لبيتنا واني طول الطريق ومن عرفت السالفة مبجيت لان ممستوعبة الي صار وصلت لبيتنا طبيت غرفتي نمت بملابسي وهسة بدن دموعي يجرن....
اهلي عرفوا بالموضوع ثاني يوم كعدت شفت رسائل ومكالمات كومه منه
ابتسمت باستهزاء عباله رح اجاوب هه
...........
مرت أشهر واني ايهم اصلا مشايفته ومااطلع حتى الدكتورة قليل اروحلها اخاف اشوف ايهم آخر مرة جنت يم الدكتورة شفته وصارت مشكلة دائما يجي لبيتنا واني مااطلع اهلي صاروا يقتنعون بحجيه وهذا الي مضوجني اني بنتهم لو هوة جذاب مستحيل اصدقة اذكرت دائما جان يكلي احبج يكولي رح اضل اكولها للموت
والمشكلة ميقبل يطلكني وصاير اسمع صياحه كدام بيتنا فضحنا بين جيرانه تخيلوا حتى جوارينه اجوي يمنا وكالوا احسن ترجع بس اني لو اموت اهم شي كرامتي وشلون خدعني مدااصدك
اجة اليوم أروح بيه للدكتور لأن صاير عندي أوجاع
رحتلها وطمنتني كالت لازم أرتاح وأخذ العلاج لان صرت بنص السابع ..بس التفكير ياذيني
طلعت من عدها اريد أركب السيارة جان اشوف سيارة جبيرة سودة طلع منها ايهم معرفتها مغيرها يمكن. اني استعجلت بالمشي شو هذا اجة لزمني من أيدي وراد ياخذني لسيارته
مريم:شدسوي عوف أيدي
ايهم:لا جواب
مريم:ويامن احجي اترك أيدي كلشي بيناتنه انتهى
مريم:ماما بابا شبيكم احجوا شي...طببني للسيارة وقفلها
ايهم:سكتي احسلج
مريم:لا مااسكت عوفوني خ انزل مااريد اضل وياك
ايهم:ليش تخافين مني
مريم:لا اكرهكككك وصار يسوق سريع
ايهم:عيديها مرة ثانية وشوفي شسوي
مريم:ايهم شبيك هدي من السرعة
ايهم:لا جواب
مربم:ايهم اخخخ بطني
ايهم:شبيج
مريم:ايهم ولزمت ايده بعد مااتحمل بطني توجعني اخخ
حبايبي خلص هذا البارت اشوفكم ببارت ثاني😇
لاتنسون التصويت والتعليق الحلو😚
فديتكم😍