أجبرني على الزواج منه

بارت 1

هلاو حبايبي رجعتلكم بقصة جديدة طبعا اني ماادري ليش متحمسة كلش علمود انشرها😁مااطول عليكم انتو تعرفون مهمتكم التصويت والمتابعة يلة نبدي حبايبي
....
الام:يلة جبتلكم كاكاو وحليب علمود تركزون بالقراية
مريم :طبكت الكتاب ..افففف والله مليت كله قراية حتلوا جبتيلي كاكاو وحليب المادة مرح تدخل براسي😬
شهد:يي مو معندج دماغ براسج
مريم :انتي سكتي محد حاجي وياج
الام:كافي وانتي مو البارحة كلتي مافاهمة وشرحتلج
مريم:يي صعب ونسيته
الام :ديلة ع آخر يوم لا اتصيرين كسلانة
مريم:الله يأخذ السادس😡
زينب:يعني شلون مرح نام.. صوتكم
شهد:اوووي عيني البرنسيسا
الام:اشش كافي خلي أختكم تنام
مريم:شعلينا بيها هية ضاله سهرانة وية حبيب القلب😒
زينب:مريم تسكتين لا اجيج😠
مريم:بالبداية فتحي عيونج وبعدين كومي
شهد:والله عبالك كلشي مقارية نسيت كلشي
الام :يلة كافي كاعدين من ساعة 5 شسوون وبعد شوية ترحون للدوام
زينب:آلله وكيلج ماما كاعدات يلغن لا قراية ولا شي
الام:صدوك ولج مريم رح اجيبيلي الجلطة انتي سادس متقرين مثل باقي العالم
شهد:يا عالم ماما ليش انتي معتبره مريم منهم
مريم:انتي شكو حاشره روحج ام كفشة
شهد:اني ام كفشة لعد انتي وجه البومة
مريم :اني وجه البومة
شهد:يي كلما أصبح بوجهج مااجاوب بالامتحان
مريم :لج...
الام:كافي يلة صارت بال7 كوموا بدلوا
كمت وشوية باقي ابجي صار يوم ونص بس أقره وهسة نسيته و مامفتهمة😦
بدلت ملابس مال مدرسة واخيرا اليوم آخر يوم اه واخلص
شهد:اليسمعج جنتي داكة قراية والكتاب مينزل من ايدج
مريم:انجبي ناقصتج اني خل ارجع من الامتحان عود نحجي هسة مفاضيتلج
طلعنا شهد راحت بالسيارة لأزمة خط وزينب دوامها ضهري بقت نايمة نيالها😢 واني رحت للدوام وية صديقتي اسمها ملاك تجي عليه ونروح سويه ..وصلت للمدرسة ومتوترة امتحنه جانت الأسئلة صعبه وشفت صديقاتي كلهن طلعن بقيت وحدي بالقاعة وانوبة واكف عليه استاذ كلساع يكلي خلصتي شكد باقيلج حتى سلمته الورقة بدون مراجعة ثولني طلعت ملكيت أحد كلهم رايحين بس ملاك تنتضرني رجعت للبيت هلكانة وتعبانة سبحت وبدلت وخليت راسي ونمت كعدت شفت ساعة 4ونص العصر ملكيت أحد بالغرفة نزلت جوة لكيت شهد كعد تتغدة
مريم :ماانتضرتيني
شهد:هسة بديت اكل اصبلج
مريم:يي والله جوعانة
شهد:صدوك مبروك خلصتي إمتحانات
مريم :يمعودة جانت الأسئلة حيل صعبة وهمات واكف عليه استاذ غثيث
شهد:يلة الله كريم
مريم :وين أمي وزينب
شهد: امي نايمة وزينب بعدها بالدوام
خلصنا غدا وغسلنا المواعين. ورة شوية رجعت زينب وكعدت ماما
...؟...؟.........................................................
اجة الوكت أعرفكم بيه ع عائلتي
ابوية حبيبي رجل متقاعد بس مو كلش جبير و كلش يحبنا ومدللنا وميقبل أحد يحجي علينا عنده أخت واخ بس عمتي للاسف مجيب جهال وعمي عنده 2 بنات وولد ...
امي:وماادراك ماامي😂عصبيه كلش بس حنونة يعني تخاف علينا كلش مخلصة دراسة بس ماكو تعيين يعني عايشين بالعراق شتردون تعيين مباشر😒عائلتها خالاتي 3 يعني دائما نروح ونزورهم .....
زينب:اختي الجبيرة(العقلانية) المتفهمة الي دائما تنصحنا عمرها25وعصبية طالعة ع أمي هية مدرسة تدرس أحياء الله يعين طلابها اني مرات اساعدها بالتصحيح واطي درجات واساعدهم للطلاب بس بعدين هية تدري بيه و تعيد التصحيح 😁مواصفاتها شكرة وعيونها أزرق طوخ وشعرها اشقر بس مو هواي طويل لكتفها بس حلو كلش بيضة وطويلة ومو سمينة ولا ضعيفة وسط .،مخطوبة ع حب اسمه احمد هوة جان يراقبها ومرة راح لمدرستها علمود يتقرب بس تعرفون اختي😆جانت ترفضه بس هوة اعترفلها واجة خطبها ووافقت لانو صارت رسمية وهوة حباب وابد ميرفضلها طلب حالته المادية كلش زينة ماشاء الله وخلص.....
شهد:اختي الوسطانية هاي دائما وياي نضحك ونشاقة ونتعارك وقريبة مني أكثر من زينب. اكبر مني بسنتين عمرها 20 مرحلة ثانية قسم تاريخ مواصفاتها زين طولها وضعيفة وبيضة وعيونها عسليات والي يميزها أكثر شي شعرها كيرلي اصيحلها ام كفشة😂المهم  لايكلها كلش. ...

واني آخر العنقود😊
مريم :هذا اسمي وعمري 18 وقصيرة بس مو كلش وضعيفة شعري طويل كلش حتى أطول من خواتي لونه اسود بس مو طوخ واني حنطاوية ورموشي كلش طوال عبالك مخليه مسكارة جانوا المدرسات دائما يحاسبوني عبالهم خالة مسكارة بس هسة خلصت منهم😫والي يميزني عندي غمازات بس اسوي أي حركة بوجهي يطلعن كلش حلوات احبهن خو مرات اضل صافنة عليهن بالمرايا😁 وطبعا اني صف سادس اه قصدي خلصت منه😎وأخيرا اني مو هواي احب القراية لذلك دخلت أدبي اريد أصير محامية 😌حاليا بقت بس النتائج ادعولي فدوة اطلع معدل عالي يقبل محاماة ..
نسيت اكللكم طبعا 3 احنا محجبات..
حبايبي خلص هذا البارت اشوفكم ببارت ثاني
لاتنسون التصويت والتعليقات الحلوة😇
فديتكم😘