أجبرني على الزواج منه

بارت10

مريم:بعد عني خ اطلع (كمت ابجي)
ايهم:لزمني من اكتافي. .خ افهمج لا تعاندين
مريم:اهى ايهم تعبت والله تعبت وخليت راسي ع كتفه
ايهم:حبيبتي مريوم سمعيني شخسرانة انتي وبعدين حكمي
مريم:ماشي هاي آخر فرصة
ايهم:شوفي اول شي اريدج تعرفين لو اني اريد رغد جان اخذتها غصبا ع الكل نفس ماسويت وياج وماعفتها بس اني اختاريتج انتي وثانيا رغد جانت مخطوبة لابن عمها جان ناهي عليها بس هية متريده لان يشرب وعنده سوالف رادت تفسخ الخطوبة هوة انجن وهية ضلت هيج معاندة وحجت وية عمامها واطلقت بس هوة ماعافها وجان يتعرضلها وجان لازم تتزوج علمود يعوفها ويعرف عدها رجال اجتني وحجتلي كلشي وطلبت مني نزوج مؤقت اني بالبداية ماوافقت وكلت مزوج وملكيتي غيري بس بعدين انكسر خاطري لأن كالت ما عندي أحد يحميني فوافقت بس جان كلشي آلة حدود ببداية الزواج وخليتلها شقة وحدها بس بعدين هية كامت بس تريد تتقرب مني وتحجي هواي بس منطيتها مجال وفهمتها شكد اني احبج هية ضاجت ولذلك حجت وية اختج وخبرتها مع انو اني جنت ناوي أطلقها واخبرج وراها علمود لا تزعلين . واذا مصدكين حتى ورقة الطلاق عندي بالفون هاج باوعي...مريم اني كلش تعبان بدونج محد حاس بيه حتى اهلي مجانوا يدرون ومن عرفوا ضاجوا مني كلش اوعدج انسيج كلشي وحتى بيت اشتريلج ونرتاح وحدنا شكلتي
مريم:ليش محجيت من البداية ...وأمسح بدموعي
ايهم:حاولت جم مرة وانتي ترفضين حتى تشوفيني
مريم:اخذني لحضنه ونيمني يمه.....ضربته ع صدره .شلون انطاك قلبك تبعد ابن ع امه
ايهم:وشلون انطاج قلبج تبعدين عني انتي وابنج
مريم:مجبورة مكدرت استحمل فكرة زواجك
ايهم :خ ننسى كلشي ونبدي صفحة جديدة شكلتي ترجعين
مريم :باوعتله ...ورفعت حاجبي وكلت أفكر
ايهم:ءء والله واني حلكي تعب صار ساعة احجي المن ..علمود تفكرين
مريم:ههههه ماشي بس عندي شرط اريد بيت
ايهم:موجود ومأثث
مريم:ممم بس لازم أشوفه حلو لا
ايهم:مدام اني مختاره يعني حلو
مريم:ماشي اني رح أرجع باجر لأن هسة ليل وعليمن ما أخذ غراضي من بيت اهلي وغراض جود
ايهم:صدك ع طاري ابنا عود صدك سميتيه جود
مريم:ايي ليش محلو
ايهم:لا حلو بس ردت أسميه ع اسم جدي الله يرحممممه
مريم:كمت من مكاني لا والله اسم قديم
ايهم:هههههه شبيج اشاقة
مريم:عبالي
صار الصبح وايهم وداني لبيت اهلي طلعت جنطة وخليت غراضي وضليت للعصر بس أعزل بالغراض وقررت العصر أروح للصالون رحت عدلت شعري من جوة كصيته شوي .. لأن هوة طويل وما اريد اكصه هواي وحفيت وخلتلي مكياج هادئ ومناك اجة اخذني ايهم
ايهم:هلا هاي شمسويه
مريم:ممممم شوية تغيير
ايهم:شعرج شعرج سويتيله شي
مريم:بس كصيته شوي من جوة
ايهم:لا مريم دير بالج تكصيه حلو هيج
مريم:لا اكيد مااكصه بس عدلته شوي من جوة زين هسة وين نروح
ايهم :لبيتنا😉
مريم :ههههههه
......................................
شهد
مااريده مااريده شبيج ماما
الام:غير تشوفيه تعرفيه تحجين وياه
شهد:ماما اني مامستعدة للزواج هسة
الام:ايي بس هوة يكول يعرفج
شهد:يعرفني. .ماادري مااريده كوليلهم رفضيه
الام:وهمات هوة يعني مطلق وعنده بنية
شهد:هلاو كملت يعني هسة عندي حجة ماازوجه .هوة اني جنت احجي ع اختي واكول شلون أيهم يزوج عليها انوبة يطلعلي اليه واحد مثله لا لا شنو مبقوا رياجيل غيره
الام:على كيفج على كيفج لسانج ولج ويامن تحجين اني امج
شهد:آسفة ماما انفعلت
الام:والله شسويلج انتي باقية يمي الضاهر يعني اكوللهم متريده
شهد:يي اكيدددد بس ورة يومين مو هسة
الام:يي عيب بسرعة هيج انجاوبهم
وطلعت ماما من غرفتي اووو صار ساعة تلح فوك راسي شوفيه واحجي وياه وتعرفوا اني بحاله بس ياترى هوة وين شايفني اووو طبه طوب
ثاني يوم.. داومت اجتني طالبه تكول ادارة الجامعة تريدني اني تفاجأت اول مرة يطلبوني يلة عمي صرت مشهورة دخلت بكل ثقة😌 لأن مو اي أحد يدخل بس الدكاترة سألت كالوا دكتور علي يريدني ..يايمة قلبي رح يوقف هوة يريدني بس شعنده وياي حتى هوة ميدرسني. دكيت الباب وكال تفضل
شهد:السلام عليكم
علي:وعليكم السلام
شهد:عفوا دكتور بس كالوا رايدني
علي:يي تفضلي كعدي
شوفي شهد رح احجي وياج لأن مااكدر احجي برة كدام الطلاب وخاف أحد يسمعنا وتجيج حجاية
شهد:خير يا ستار بقلبي....تفضل
علي:اني اول مشفتج انعجبت بيج بالمستشفى بس مصارت فرصة احجي وياج والتقيت وياج بالجامعة بالصدفة واني جنت رايدج وتقدمتلج بصراحة حبيت احجي وياج بالموضوع واعرف رايج
شهد:بقلبي معقولة نفسه الي أمي حجت عنه البارحة. ..ها ء 
علي:احجي براحتج عادي
شهد:دكتور سمعت يعني انتة مزوج
علي:مطلق وعندي بنية عمرها 3 سنوات يم أمها يعني مرح اتعبين
شهد:مااعرف شكولك دكتور يعني...بقلبي انصدمت طلع مطلق والله ممبين عليه😦
علي:اخذي وقتج بالتفكير وبعدين ما اعتقد وحدة ترفض شخص مثلي يعني دكتور وعنده بيت وسيارة وشخصية واني جنت ممفكر ازوج بس عجبتيني
شهد:بقلبي ع شنو شايف روحه..بسرعة كتله
آسفة دكتور مرح أوافق اتزوجك
علي:مممم متاكدة من قرارج خاف تتندمين
شهد:ماكو شي اتندم عليه الموضوع ميستاهل😏
علي:ماشي اءء خلاص تفضلي
شهد:والله يالله هم يطرد طلعت منه ادردم متوقعته هيج طلع ع حقيقته امبين حقير وشايف نفسه
يالله هم حلو وهم مغرور
منار:ها شبيج خبلة تحجين وية نفسج
شهد:حجيتلها بس مو كل التفاصيل
منار:الله ولج هذا علاوي شلون ترفضيه
شهد:يعني شلون كتله مااوافق وبعدين منو هوة علمود اكتل روحي عليه
منار:مو خبصتينا عيونه وحلو
شهد:الجمال وحد والشخصية والطبع وحد
منار:وبلا عيني شنو معجبج بشخصيته
شهد:متكبر ومغرور والله شنو محد ترفض شخص مثلي وضليت اقلد😁.
مر يومين وخبرت اهلي انو هوة طلع الدكتور.بس كتلهم رافضته ..
اما اليوم فرحانة لأن واخيرا اختي رجعت لزوجها وولادة اختي زينب قربت لأن هية حملت ورة مريوم وهسة رايحة للجامعة ومكشخة كلش ماادري ع شنو بس احس نفسي فرحانة والمود حلو ها ترة مو دايما مودي حلو😁
وصلت للجامعة خلصنا المحاضرة الأولى  والثانية وأخذنا استراحة واخر محاضرة
انصدمت😨
حبايبي خلص هذا البارت اشوفكم ببارت ثاني
لاتنسون التصويت والتعليق الحلو😇
فديتكم😍