أجبرني على الزواج منه

بارت8

ايهم :دكتورة بشري شلون صارت
الدكتورة:هسة زينة بس لازم ترتاح واني كلتلها صايرة هواي تتعصب وتتوتر وهذا الشئ مو زين عليها وخصوصا بهاي الجم شهر
ايهم :ماشي دكتورة ...دخلت عليها
مريم:طلعوا منا مااريد اشوفه
ايهم:مريم خلاص عاد هذا مو لعب جهال خلي نحجي
مريم :صح مو لعب لك اني ردت اموت اليوم
شهد:أهدي حبيبتي وارتاحي وانتة ايهم عوفوها هسة
ايهم:بس..
شهد:صحته برة
شهد:شوف ايهم اني مقدرة وضعك وأنك مشتاق لمريم وتريدها يمك بس انتى هم قدر وضعها يعني والله من اشوفها انقهر عليها يعني متكدر تنام بالليل وضل سهرانة وتتوجع وصايرة شضعفها متاكل حتى جامعتها تركتها متكدر تداوم لك أخي حس بيها عبالك هية مرتاحة مثلك وانتة يم زوجتك ذيج
ايهم:مو هية صديقتج
شهد:لك الله يلعن اليوم الي تعرفت عليها دمرت حياتنا دمرت حياة اختي بس بعد شنو اتندم اففف بالمختصر ايهم خليها ع راحتها هية بس تسمع بيك تتعصب وتتوجع مالنا خلك
ايهم:شتحجين هية زوجتي وأم ابني
شهد:جان فكرت بهذا الشئ قبل لا تزوج..وعفته ورحت
مدااصدك عبالك بمسلسل عايشين والله تعبنا كل يوم مشاكل من ورة هذا كعد امشي سريع جان انطخيت قوي بالحايط
شهد:اخخخ أيدي
دكتور:بيج شي اتاذيتي
شهد:لا شكرا ما بيه شي رفعت راسي يالله شلون دكتور يخبل باع العيون ملونة واشقر شدااحجي اني احممم
دكتور:متأكدة ما بيج شي
شهد:يي اكيد شكرا شفته ابتسم ترخصت ورحت
...................
مرت أشهر واني بغير عالم منتضرة شوكت أولد ومع انو لحد هسة مااعرف ولد لو بنية كلت من اجيب الله كريم
مريم :ماما اخذتي كلشي وياج
الام:يي اكلج مرح تخبرين ايهم
مريم:يووو ماما لا ترجعين ع نفس السالفة ايهم خلاص طلع من حياتي
الام:اذا طلع من حياتج هاي مشكلتج بس ماطلع من حياة ابنج
مريم :خلاص ماما مالي خلك خ نلحك نروح للمستشفى لاااتاخر
الام:اوفف من عنادج
مريم:جنت فرحانة وخايفة بنفس الوقت فرحانة لأن رح أجيب ابني او بنتي واخيرا رح يجي شخص ينسيني همومي طول عمري جنت أحلم أعيش قصة حب وكل بنية تتمنى هذا الشئ بس للأسف عشتها فترة لأن الشخص الحبيته ميستاهل حبي ....خايفة ماادري ليش جايني شعور خوف من العملية مدري من ايهم مااعرف حاسة رح يصير شي...
دخلت للعملية حضرت نفسي بعدها ضربوني بنج ومحسيت ع شي
كعدت ع صوت أمي ..فتحت عيني شوي
الام:ها حبيبتي كعدتي
مريم :اخخخ
الام:هواي طولتي صار شكد نايمة خفنا عليج
مريم:ما  ما بشريني
الام:لا تخافين ابنج بخير
مريم:ابني يعني ولد
الام :يي ويخبل يشبهج
شهد:لا يشبهني الي اني
مريم:لا والله هههههه رح أسميه جود
الام:وحدج مو لازم. ...
مريم:ماما لخاطر الله لا تفتحين الموضوع اسمه جود وبس
مرت تقريبا 4 ساعات حاولت اكوم مكدرت جسمي تعبان حتى كالوا لازم ابات بدلتلي شهد وساعدتني وجابوا ابني يمي شلته يعمري يخبل رجعت خليته بالسرير مالته اشوية ودخلت شهد
شهد:ايهم يريد يشوفج
مريم:يوو
شهد:مريم يشوف ابنج هم لاتنسين
مريم:اوكي ماشي بس جيبيلي الشال اذبه ع راسي ..شفتها باوعتلي
مريم:شهد كتلج جيبي
شهد:ماشي ماشي لا اصيحين بس اريد اكلج ماما أصرت تبقى بس كلتلها ترجع وباجر تجي واني ابقى يمج وبابا راح يدفع الفاتورة
مريم :يي زين
طلعت ودخل أيهم
ايهم:السلام عليكم
مريم :وعليكم السلام
ايهم:حمد لله ع السلامة
مريم:الله يسلمك
ايهم:راح يم جود .وشاله وكبر باذانه
مريم :منو كلك ولدت
ايهم:محد اصلا شفتج من طلعتي من البيت واجيت وراج
مريم:يعني هم تلحكني ،..عالعموم سميته جود
ايهم:حلو بس اني هم أبوه والي حق أختار أسمه
مريم:اني سميت ابني انتة الك حق تسمي ابنك الثاني من زوجتك الثانيييية
ايهم:مريم لا تعصبيني خلي النفوس طيبة
مريم:محجيت شي غلط هذا الواقع
ايهم:جر كرسي وتقرب مني وكال
مو ناوية ترجعين لبيتج
مريم:معندي بيت اني بيتي الوحيد هوة بيت اهلي
ايهم:مريم كافي تعاندين والله تعبت
مريم:اني هم ايهم تعبت عبالك مرتاحة اصلا اني ضايكة المرر من وراك دمرت حياتي وجذبت عليه ومبقيني معلكة ومتقبل تطلقني
ايهم:سالفة الطلاق شيليها من بالج وبعدين بيتج موجود وإذا تردين اشتريلج بيت ونطلع من بيت اهلي
مريم:هه تقشمرني بجم كلمة
ايهم:ترة اني طلكت رغد
مريم:لا اراديا التفتت عليه بسرعة
ايهم:يي طلكتها وهسة افهمج كلشي
مريم:ماا اريد افهم شي حافضتها اني هذني الكلاوات مال جنت مجبور وانجبرت عليها ومكدرت
ايهم:كاااافي خليني احجي
مريم:كتلك مااريد اسمع منك شي البيناتنا انتهى كلشي كلشي انتهى وحتى ابني مالك علاقة بيه عبالك من اجيت اهنا اسامحك لا انتة غلطان كلش
ايهم:ماشي يعني قافلة انتي الي ردتيها كام وراح يم جود وشاله وراح باتجاه بالباب يريد يطلع
مريم:اوكف وين رايح
ايهم:باوعلي بنضرة كأنما يكلي رح اندمج
مريم:ايهم تخبلت ارجع اخخخ مكدرت اكوم مكان العملية يوجعني شهدددددد شههددددد
وينج اخخ ردت اكوم وكعت اجتي الممرضة وشهد
شهد:شبيج شصارلج
مريم:كعدت ابجي ولج شهد جود جود ابني
شهد:وينه احجي
مريم :اهى اهى أخذه ايهم وراح
شهد:شتحجين وين راح ماشفته
مريم:ماادري يجوز طلع من الباب الخلفي مال مستشفى لحكي عليه بسرعة وكفي الله يخليج
مريم :خابرني بابا خلي يروحله خابرني اي أحد تصرفي انتجيت ع المخدة
شهد:أهدي أهدي هسة أتصرف طلعت من الغرفة خابرت بابا يجي بسرعة وخبرت أمي تخبلت حاولت اتصل ع ايهم ميجاوب اووف والله عذبها هذا ايهم ضليت رايحة جاية بالممر مااعرف وين ادور بعده بالمستشفى لو راح شوية وجان اشوف الدكتور نفسه أبو عيون
دكتور:السلام عليكم
شهد:وعليكم السلام
دكتور:خير صاير شي
شهد:كلت يجوز يساعدني
دكتور بصراحة كعد ادور ع شخص بس مااعرف وين الكيه
الدكتور:منو هوة
شهد:زوج اختي أخذ ابنها وراح
الدكتور:ممعقولة ميجوز يطلع ويأخذ طفل رضيع وياه
شهد:مااعرف الله يخليك ساعدني
الدكتور:ماشي رح أخبر الامن مال المستشفى
شهد:ماشي ...انتضرت شوية واجة
الدكتور:مااعرف شكلج بس محد من الأمن شايف طفل رضيع وياه شخص
شهد:يجوز طلع من الباب الخلفي
الدكتور:رحت اني مناك ومشفت أحد يجوز ملحكته
شهد :خليت أيدي ع وجهي..يربي شنو هالمصيبة
الدكتور:اذا اكدر اساعد كوليلي
شهد:مشكور دكتور متقصر .....
ماادري استحيت منه لان يجوز كتله ع أيهم حسيت دخلته بامورنا الشخصية يوو شهودة عادي حالة طارئة شصار قابل
حبايبي خلص هذا البارت اشوفكم ببارت ثاني
لاتنسون التصويت والتعليق الحلو 😇
فديتكم😍