أجبرني على الزواج منه

ملاحظة&

جانوا عازمينا أهل علي للبيت جنة كاعدين ورنين بنته كاعدة بصفي واسولف وياها وعلي موكف كاعد كبالي ويدزلي رسائل شوية وسمعنا صوت الباب بس شنو عبالك رح ينكسر شوية ودخلت بنية عرفت من حماتي انو هاي ام رنين اسمها منى
منى:السلام عليكم
الكل:وعليكم السلام
علي :خيرر جنتي رح تكسرين الباب
منى:اجيت اخذ بنتي وباوعتلي بطرف عينها
علي:مو علساس باجر
منى :باجر عندي شغل ومااكدر
علي ':مرة ثانية من تجين تخابرين مو بكيفج شوكت متردين تجين
شهد:رحت يم علي خليت ايدي على كتفه وكلت...أعصابك علي ميخالف
سلمت رنين ع أبوها وعليه وبوستنا وراحت
علي:يالله حبيبي نروح نشوف بيتنا
شهد:يي يلة
واو علي يجنن جانت الصالة جبيرة وبالجانب اكو درج والمطبخ مفتوح ع الصالة وآخر طراز وحديقة صغيرة وفوك غرفتين وحمام فوك وجوة
عجبني كلش بس باقيله شوية غراض
علي:مدااصدك شوكت نزوج واصيرين زوجتي ..وحضني
شهد:ممم هلكد تحبني
علي:تشكين بهذا الشئ
شهد:اكيد لا
........،.......
بيوم العرس
لبست فستاني جان بسيط وحلو وسرحت شعري هالمرة وشلته تسريحة نازكة ومكياج حلو ماكثرت
مريم:ماشاء الله عليج طالعة تخلبين
شهد:حبيبتي مريوم
زينب:تعالوا ساعدوني يمعودين اريد اكمل المكياج.. (نسيت اكللكم زنوبة جابت توأم ولد وبنية وابشركم ثنيناتهم ميشبهوني😁)
مريم:ماما بس تعاي اخذي جود مني أروح اشوف زينب شتريد
الام :جيبي تعال يمي حبيبي صاير حلو
شوية وسمعنا صوت سيارات قلبي صاير يدك رح أصير لحبيبي
دخلوا ودخل علاوي فديته طالعة حلو وبنته جايه يمة طالعة كيكة ع ابوها
احة باسني من رأسي وتعرفون انتوو الزفة خبصونا الى ان صعدنا بالسيارة
أخذ أيدي وباسها
علي:مبروك حبيبي
شهد:الله يبارك بيك مبروك النا ثنيناتنا
علي:متكوليلي شطالعة
شهد:مممم  عبر عبر ع احساسك من اخذتني😁
علي:شعبر منا لباجر مااخلص أتمنى اكدر اسعدج طول حياتج
شهد:أمين حياتي ..انتبه ع الشارع ..جنة مطلعين اغاني وايد يسوق وايد لازم ايدي
علي:لا تخافين اذا صار شي اني دكتور واداويج
شهد:شدوايني يمعودة وانتة وياية بالسيارة خفف السرعة حباب
علي:ادللي
........................
حبايبي لهنا تخلص القصة أتمنى تكون نالت إعجابكم اذا عجبتكم القصص الي أنشرها لاتنسون المتابعة والتصويت
أحبكم😘