الموهيم خرجو لبنات يدورو شوية ويتعرفو على بعضاهم
سوسن :ياموصيبة تقتلي نتي عمبالك😂😂
نيهال:هاهاهاااا عمبالي جيبي جديد 😉😉
سوسن:😂😂
نيهال:سمعي سوسو واش رايك نضربو دورة للبحر
سوسن :مذا بيا خو 😉😅
نيهال:راكي تشوفي فيا نوسطاشة تقوليلي خو😒😒
سوسن:😂😂 ختي قصدي
راحو لبنات للبحر بقاو يتمهبلو ويرشو فبعضاهم بالما ويضحكو
نيهال :حبسيييي يا بقرةة حلوب دخلتيلي لما في وذني
سوسن:ونتي مشتيش كيش رجعتيني مشمخة
فجيها خلاف
ركبو فطيارة وديركسيو للجزائر
كرم :صحبي وجد روحك😌
جاد:راني واجد خو حقا واش درت فيها معا ديك طفلة سخونة ضل تبع فلبنات😉😒
كرم :كشغل مشي نتا لي كنت تحوس على صحبتها😒😒
جاد:خو تعرفني نتمسخر انا مشي تاع دو شوفات غير تمنيك وساي هوما لي يرمو رواحهم عليا وانا تقوم بالواجب مي فالخر نوريلهم حدهم 😒😑(باش يكون واضح جاد ميبرر تصرفاتو لحتا حد من غير صاحبو لي يفهمو وملجأ اسرارو لوحيد من كانو صغار )
كرم :أودي قلقتني بلوكيت جدها اسمع واش رايك كي نوصلو نضربو دورة للبلاصة لي كنا نروحو ليها زمان😄
جاد:اوك نجوزو(بوجه بارد)
جاد هو رجل نسونجي كيما يقولو عليه اما واحد ميعرف حقيقتو غامض بزاف ومغرور وحريص على لخدمة نتاعو يبين راحتو غير معا صاحبو وعشيرو كرم اما قضية نسونجي يحب يضيع وقت ويتمسخر بابنات لي يرمو رواحهم عليه حابين على دراهمو اما عمرو لا ربط روحو بوحدة لانو مكاش لي دخلت قبلو ولهماتو بتصروفاتها وخصوصي طبعو صعيب ويحب التملك (لي يحبها يحليلها يخبيها في باطة😂) اما كرم فطبعو مغرور كيف ولد عمو اما شخصيتو عادية متفهم عكس جاد لي يدير غير لي فراصو
لموهيم بعد موصلوو راحو دريكسيو لديك لبلاصة شابة بزاف مثل بلاصة علية شوية طل على لبحر فيها شجر يحبو يروحو ليها وخصوصي جاد يحس بنوع من راحة حتا شافو طفلة واقفة على لحافة شعرها يدي فيه ريح وتعييييط بأعلى صووتهااا وتغننييييب
؟؟؟؟؟؟:يااااااااااااطيييييرررر لبلللببل دور دوووورررر وديني عند لاأميييييييررررر (غنية خرطتها)....
ڨراو طنوبيل شوية بعيد لي كانت كامل فومي جا كرم يهبط حبسو جاد
بقات تما تعيط وترمي فالحجر حتا دارت وهنا لمعت عينين جاد على شوفتها عجباتو بزاف بصاطتها وخفتها وبرائت وجهها
وكرم لي فاق بيه
كرم؛ واش خو عجباتك 😉
جاد:اااشششش
بقا يشوف ليها لين راحت هبطو بقاو تم يتأملو فالبحر وجاد غير يتفكر في وجها اول وحدة دخلت قلبو وبديك سرعة
كرم:واش تخمم جاد😕
جاد:والو 😑
كرم:جااد تخمم فطفلة ديك
طلع جاد حاجبو بعلامت النفي
كرم:جاد نعرفك مليح مليح فحياتها وحدة مأثرت فيك هكا 😕😌
جاد:بركة متخرط عليا😒
كرم :غموض نتاعك لي يخليك ديما هك ساكت ومشي عاطي قيمة لحياتك مكرزها ديما للخدمة وبرك
جاد مردش عليه زادو شوية وناضو مروحين وصل جاد كرم لدارهم بعدما سلم على مرت عمو وعمو وديركسيو لدار رحبت بيه يماه
نسيت معرفتكمش بيهم يماه مرا حنينة وتحب ولدها بزاف وديما ماشيتلو فالخط وحلمها تشوفو حاب وحدة لي تفهمو پسك ديما تحس بولدها وحيد وغامض ويستقر ويتزوج وسمها(نورية) اما باباه فهو راجل ذو نفوذ وجاه كرز كل جهدو هو وخوه باه يخدمو ويضمنو مستقبل ولادهم باباه متفهم وحنين وعاطي لحرية لودو وتان لبنتو لي يحبوها بزاف وسمو (مصطفى)
لموهيم رحبت بيه بتعناق ولبوس
يماه:مرحبا بوليدي لعزيز توحشناك يوليدي بيناتنا 😍😘😘
جاد:يسلمك يما 😊
بعد ما حضنو بعضاهم
جاد:وينها سوسن وبابا😕
يماه:راحت لفاك يوليد ليوم نهار لول كيما تعرف دوك تجي طولت شوية اما عيطتلها قاتلي جاية اما باباك فشريكا دوك يجي راح يفرح بزاف بوجودك😆
وباستو
جاد :اوك☺☺
يماه:اطلع ولدي ترتاح نعرفك تعبان من سفر 😊😊
طلع لبيتو يرتاح
فجيها خلاف
بعد مكملو لعب نيهال وسوسن
سوسن:نيهال انا لازم نروح كولت دوك تتحير عليا ماما 😌
نيهال:ااا دوماج معليش كنت راحة نديك لپلاصة تهبل نروح ليها مين نكره شوية ونحب نفرغ قلبي بلاك تولي پلاصتنا اما لمرة لجاية نشاء الله 😁😅
سوسن:ياااايي دوماج شوقتيني اما لمرة لجاية أكيد نروحو😆😆
نيهال :أوكي بقرتي لحلوب😁😁
سوسن:تشرفت بكي يا حمارة لمزركشة😁
نيهال:وانا ايضن يا بقرتي 😅
سوسن: والله ليوم جاو يهبل مغسي حببتي😍😘
نيهال: بلا مزية حنا صحبات مش هكا
عنقو بعضاهم وراحت سوسن😘( راح جيكم بيزار كيفاه ولاو صحبات لمدة قصيرة اما كي يكونو نيات على قد بعضهم غير يتلاقاو يتفاهمو صح فنية وطيبت القلب)
بعد مراحت سوسن قررت نيهال تروح وحدها للپلاصتها لمعهودة من 3 سنين (يعني كرم وجاد كانو يرحولها من زمان) بعد آخر حادثة هزتها وتعبت نفسيتها انا دوك حمد الله
بقات تعييييط وتغنييي وترمي فالحجار
وهادي هي صدفة لي جمعت بين جاد ونيهال وي طفلة لي شافها جاد هي نيهال ✨💫💗💓💓💓
حبيباتي عمبالي طولت عليكم بزززززاف بزززاف يعني قطعت لكتابة لفترة نفسيتي كانت شوية تاعبة😔😔 وهادة يأثر على كتاباتي منحبش نهبط لمستوا بين (غرور لم يطغي امام انوثتها )وهادي لكرونيك لازم يكونو فمستوا واحد نتمنا يعجبكم لپارت أعطوني رأيكم عندي شحال مكتبتش باش نشوف اذا راني فالمستوى 😍😘
أنت تقرأ
صدفة كسرة غروره (قصة بلهجة جزائرية) 😍😍
Humorلقصة تاع ليوم راح تكون على راجل قمة فلغرور 😎يتلاقة بطفلة مهبولة 😍😍صدفة تكسر كل لحواجز لي حاطها وتهبلو وتخليه يحبها ❤❤تابعو لأحداث مشوقة نتمنا تعجبكم لحكاية😘😘
