صدفة كسرة غروره (قصة بلهجة جزائرية) 😍😍

parte 5

يوم جديد ناضو كل من أبطالنا دوشو
عند نيهال
ناضت كلها نشاط ليوم على غير لعادة هي وحارت من روحها دوشت نوضت ختها شيحت شعرها عملتلو ضفاير ملفوق سيباتو مطلوق لبست سروال بيض مزير معا شوميز شابة فالڨرونا وبسكات فالڨرونا هزت ساكودو تاعها حبطت للكوزينة
نيهال:بونجور ماما كي صبحتي 😘
ماماها:صباح نور بنتي لباس كيفاه حتا راكي نايضة فڨوصطوك ليومة بلا عياط وجري 😕😟
نيهال: سكرت فليل ضربت فيها قرعة بيرة شا نحكيلك نوضتي فالڨوصطو 😒😂
ماماها:بلعي دوك يسمعك باباك😡
نيهال :اوك يا حلوتي يا تمرة تاعييي😍😘
يماها:واش حابة ملخر😑
نيهال:يعمري على لفاهم يناس ينااااس
اعطيني دراهم😁😁
يماها:روحي جيبي پورطموني تاعي ونوضي أيمن لوقت
راحت نوضاتو وجابت لپورطموني مدتلها زادت لحقت ختها شربو حليبهم
رانية:هايا نروحو 😊
نيهال :اوك
خرجو كيف كيف كل وحدة لوجهتها
في جيهة خلاف ناض جاد دوش ضرب فيها كوستيم فالبلونوي مسنتر على بدنو بكلو وهرة وحدة حبط يفطر كانو كامل ملمومين
جاد:صباح نور
الكل :صباح الخير 😊
فطر
جاد :هايا سوسن نوصلك فطريقي الجامعة
سوسن :اوك مذا بيا بصح خلي نقول لشوفور باش ميبقاش يستنا
  هبطو قاتلو وراحت معا خوها لي طول طريق طول ساكت وصل لفاك ڨارا
سوسن :باي جاد مممحححح😘
جاد:باي
حبطت سوسن
نيهاللل :ااااا سوووسن مزية وصلنا فنفس لوقت 😍😍
سوسن :ياييي بونجووور
تعانقو 
وهنا وشاففها جاد عينيه لمعو تحت نواضر ضحكتها وهدرتها تحركلو حاجة داخلو اما ميعرفش واش هي بقا يشوف ليها
نيهال:هايا ندخلو خرمن نكونو روطار 😃😃
سوسن :هايا
دخلو وهو غير يتبع فيها بعينيه ديمارا طول لشريكة دخل بكل وهرتو ورجولتو ولكل خايف منو لافكار لي سمعوها عن شخصيتو لقوية وعصبيتو خلاتهم يتقلقو دخل لبيروه هكا شوية وصل كرم راح عندو طول
كرم :صباح لخير خو😊
جاد :صباح نور
كرم:هيه واش راح نبداو نحلو
جاد:كاين بزاف حوايج لازم نعقدو بزاف سفقات باش تتوسع ويكون عندنا ارباح
كرم:اوك
بداو يخدمو وجاوهم بزاف عقود خوصوصا مين سمعو لمنافسين بالمدراء الجدد( جاد ،كرم )وعلى رصمية نتاعهم وحالة الجيدة للشريكة لي فالمريكان قررو باش يبعثو ومام اصحاب لي پروجي
بموهيم قبلو لعقود لمناسبة ولغاو لي معجبتهمش
اما عند لبنات بقاو هكاك مع حصص تعارف وتبهليل تاع نيهال
عند رانية فكيفكيف معا حصص تعارف وصلت 12:00 زارطات وراحت لدار كي لحقت 15:30 راحت جابت خوها صغير مالمسيد اما وسيم ففي خدمتو كي لعادة
كملو كامل وكل واحد راح لدارو
نسرعو شوية احداث جازو يمات وشهور ولقراية بدات ولبنات غير يجبدو وبيان سور معا تبهليل تاع نيهال اما رانية فحطت راصها فقرايتها بعد موعدت تفرح عائلتها بمعدل مليح وسيم كي لعادة خدمة ومرة على مرة يقلش خياتو ويديهم يحوسو ينحو على خاطرهم وبيان سور معا زبايل تاع خوهم صغير لي نحا طرف لعقل لي بقا ليماه
اما عند جاد فرجعت نيهال بمثابة ادمان ليه ايه وي حبها من قلبو ولا نقولو عشقها وعينيه على طول عليها كي صقر اما من بعيد كي تدخل لفاك وتخرج وين تروح حتا توصل لدارهم كلش بضبط وصل حتى انو حط ناس يعرفولو  خبارها بتفصيل الممل ولات بمثابت غرض ملكو وميسمح لحتا واحد يقرب منو حتا اعز ناس ليه وهادة لي خلا كرم يخاف بطبع يعرف صاحبو وولد عمو وشخصيتو خاف يخيب املو وفنفس الوقت خاف على طفلة متملك نتاعو وعصبيتو وصيطرتو
اما حال شريكة فراهي ماشية نحو الاحسن بعد محققت ارباح مليحة
ليوم قررو يديرو حفلة عائلية يحتافلو بيها بنجاح نتاعهم وارباحهم فالأفرع تاع امريكا والجزائر وروما (حكمها عم جاد يعني بابات كرم) 
عند لبنان:
سوسن :نيهال غدوة راح نديرو حفلة بمناسبة نجاح تاع عائلتنا كيما حكيتلك😉( نيهال وسوسن رجعو صحبات عزاز على بعضاهم ويحكو كلش لبعضاهم)
نيهال :يااااييي فووورر اموا تنحي على خاطرك شوية وتتفرهدي رانة غملنا يجدك ملافاك لدار مدار لفاك
سوسن:عمرييي حبيبتي يا عيوني 😏
نيهال:خير واش تسحقي😉
سوسن:پليز ارواحي غدوة للحفلة راني نمل بزاف فحفلات كيما هادو خير رجال الأعمال ولبنات صامطين لي يتراماو على خويا هايا پليز ارواااحي نكونو معا بعض نديرو جو 😀🙏🙏🙏🙏
نيهال :منقدرش حببتي تعرفي ماما وطبعها وعمبالي متخلينيش 😔😔
سوسن نن خليها عليا انا نقنعها مبعد نعيطلك وجوزيهالي بيان سور نتي لازم تكوني جبدتي معاها لموضوع قبل
نيهال:ممممم
سوسن:نييييهااالللل يعيشك يعيشك
نيهال :زيدي حليليني شوية😁😁
سوسن :روحي تخراي تعيييشي😘😘
نيهال:اوك اوك😁😄
سوسن :يسلملي لحلو انا ممممححح
هلي دن دن 😂😂
نيهال :هلي دن دن دن هي دوني هلي دن دن دن هي دوني😂 ................
راحو يمشو يغنو كي لمجنين وهادة لكل تحت عينين جاد لي ساحر فيها
سوسن:نيهال هايا نروحو نشرو حوايج معنديش واش نلبس غدوة 😌
نيهال :هايا يا بقرة لحلوب واش مخممة تشري ؟؟
سوسن: معمباليش دوك نشوفو
راحو يدورو ويشوفو شرات سوسن روپة فالڨرونة شابة تلمع ومنفوشة ملتحت كي تعا لأميرات اما قصيرة وصباط طالو فالدوري پوشات وبعض الاكسيسوارات وشرات لصحبتها صباط طالو تان عجبها بزاف لنيهال بعد عناء طويل باش قبلت شافت وحد لغوب عجبتها بزاف طيرتلها عقلها بقات تشوف ليها وتتلمس فيها
نيهال :شحال هادي ؟
؟؟؟؟: انعم مدام هاد لغوب فريدة من نوعها مس غالية شوية ثمنها (20000) 2ملين
سوسن :واش نهيال عجباتك حبيتي ندوها😃😃 (سوسن عندها كارت بونكار تستعمل شحال تحب)
نيهال:نن مستحيل مستحيل نقبل اوك
سوسن:علاه نيهال علاه أنا شحال من صحبة عندي 😒

......................................................

رأيكم😍