اصبحنا واصبح الملك لله
ناض جاد كي عادتو بكري دار دوش خفيف لبس قش ستيل سپور على غير لعادة هبط طول لبيت لي فيها نيهاال لقاها مزالت راقدة وروپ طالعة وصدرها يبان بقات تقول غير بدوپياس تنفس صعداء 🔥وراح غطاها وطفا ضو وقعد فالكرسي مقابلها حوالي ساعة هكاك بدات تتملل باش تفيق وتحك فعينيها كيف صغار ناضت
نيهال:ااااف علاه هاد ضلمة كامل وقفت هبطت روپ وراحت تهامي كيف لعادة بيديها حتا حست روحها تخطفت ضربة وحدة
نيهال:ااااااااههه ماما 😨
حست حاجة حاكمتها هزت يديها خطتهم على كتافو وتتلمس لين لحقت لوجهو هو غمض عينيه مستحلي لمست يديها دافيين لي يلعبو فوق وجهو حست لحاجة لي راهي تتلمس فيها هي بنادم خافت كثر وتحاول تجبد روحها
نيهال:سييب سييببب 😤😤
وتحاول تضرب طلقها وقام شعل ضو
هي غمضت عينيها وحلت لقاتو هو هزت روحها وراحت لصال دوبا غسلت وخرجت باقية تشوف فيه نضرت حقد
نيهال:مراكش باش تخرج تخليني نبدل 😑
خرج وطربق لباب شافت لي نسا محددوش راحت تخرب فالخزانة وكل مرة تحس انو لانسان لي جابلها دو لحوايج يعرفها مليح ستيلها ولطاي تاعها فتحت قجر لقات فيه ريحة وهي نفس لي تستعملها بقات حايرة طلت متاقة كان لجو مغييم كأنو راح طيح لمطر
هزت سروال جين نوار مزير وتريكو فالبيض طويل فاليدين قطني لبساتو يجي طالع شوية ملقدام بحيث يبينلها شوية من كرشها ولور طويل هزت وحطت شوية من پارفان (مكفاش مخطوفة وهملت روحها بزاف ودبش لي قدامها لكل) راحت طلت مل باب وتشوف دار كبيرة وبزاف غرف مثبتتش فيهم مقبل لازم تشوف في كلش وتعرف كل مكان فهادي دار باش نهار تهرب تجيها ساهلة هبطت فالدروج لصالة طاولة كبيرة فالوسط قاعد فيها راجل لي دايمن تشوفو(جاد) ويفطر(هو خلالها لباب محلول بلعاني باش تحبط ) بقات تثبت فكل زاوية مالصالة باب كبيرة تاع خشب وعلى يمينها دي فوتاي مفخمين وتلفزة عندها شحال متفرجتش ولا حكات معا شي حد من غير دعاء بقات تثبت دار كبيرة برشة ومفخمة راحت قعدت فطرف تاع طاولة (يعني طاولة كبيرة بزاف هو يقعد على راسها هي راح لطرف تاعها وقعدت يعني بعيد عليه )
جاد:جيبو للآنسة نيهال فطورها
خرجو لخدم ورئيس تاعهم حطولها برشا حجات قدامها جبن زيتون بيض لي كخاب عسل ........
رئيس الخدم:صباح لخير انسة نيهال تفضلي 😊😊
ثبتت فيهم يعني هادو لكل يخدمو هنا حوالي سبع اشخاص من بيناتهم دعاء بقات تخمم حتا دخل راجل
الراجل :سيدي بعثولك هاد لورق مالشركة لازم طالعهم وتسينيهم ☺😊
جاد:اوك تقدر تروح 😒
الرجل:حاضر سيدي😊
بقات تشوف
نيهال(في قلبها):يعني هادة رجل اعمال ولا خدام أكيد يكون راجل اعمال يعندي دار لمفخمة وخدم وزيد راجل علاه يقولو سيدي ومدام هادة لكل تحت يديه واش حاب من عندي اه يا نيهال لازم تلقاي حل
فيقها كي هدر
جاد:ككووول واش تستنا 😑
قفزت وبدات تاكل بشوي وهو يشوف فيها كملت بدات تلم فماعن وقفت باش تديهم
جاد: وين رايحة خليي عليك دوك هوما يجو يدوهم
رجعت قعدت جات وحدة هزتهم في سنيوة وداتهم تبعتها بعينيها قابلتها باب كبييييييرة تاع زجاج على يسارها وتبان منها الكوزينة واسعة وكبيرة برشة
نيهال(فقلبها):هادي دار ولا قصر(هههه يعني كون تشوف دارهم لحقيقية تحل فمها)
ناضت دارت من ومن دور وتشوف وهو فاق بيها يمكن هادة شي جديد عليها وخصوصي لي عدات لفترة الماضية كلها فالغرفة باقي يشوف فيها ويستمتع بريحتها لي يعشقها
جاد:تقدري تروحي تتفرجي
خزرت فيه وقدمت وين فوتايات قعدت فالرض (فوق زربية دنيا كامل مفرشة متخافوش هههههه) ربعت وشعلاتو ودارت فيلم وباقية تتفرج وغايسة حست بيه كي كان طالع والخدم كل واحد حكم شغلة ناضت بالعقل وراحت جيهت الكوزينة دخلت حلت فمها كبيرة ومجهزة من كلش كل الاجهزة فيها
الخدامة:مدام كشما تسحق
نيهال:ههه حبيت تشرب لما
قدمت للبوطاجي وتشوف لقات موس قامها خطفاتو عمرت لما وشربت
نيهال:معليش نسقسيك
الخدامة :نفضل مدام
نيهال:تقدر تقلي حنا وين رانة قصدي لپلاصة هادي وين جاية 😕😕
الخدامة:اسفة مدام منقدر نعطيك حتا معلومة هادة شي مش من صلاحياتي 😊
نيهاال:ااافف اوك 😑
بقات تتبسملها
نيهال:انسة سامحني منعرفش اسمك 😊
الخدامة:ههه اسمي ميسى ☺☺
نيهال:وانا نيهال متشرفين نلقى عندك دوا تاع راس 😊
ميسى(الخدامة):اه نعم مدام ههه راه في ساكي ديما نمشي معايا حتا أنا يوجعني راصي ☺😊
نيهال:ههه ممتاز 😁
ميسى:دوك نروح نجيلبك
خرجت وهي ستغلت الفرصة دات اي حاجة تقدر تحل بيها الباب ولا دافع بيها على روحها ولقات مجموعة سكاكين من كبيرهم لصغيرهم هزتهم دارتهن فسروالها
ميسى:تفضل مدام نيهال 😊
نيهال:اه مغسي خلينا على نيهال برك احسن 😉
ميسى:اه اوك
شدت عليها وخرجت تمشي وتشوف فديك لباب رجعت لپلاصتها تتفرج مفاقتش بالوقت دارت تلقاه قاعد وراها فلي فوتاي حطت راصها وجات ماشيا خلاها على راحتها طلعت تمشي بالعقل شافت من ومن ملقات حتا حد بدات تحل فالبيبان الغرف بالوحدة اما مكا حتا شي كل الغرف متاشبهة ومأثثة ولات راحت للغرفة لي لقات روحها فيها ولا نقولو غرفتها سكرت لباب وراحت للخزانة حطت كل حاجة جابتها وغطاتها بالحوايج قعد فالسرير
نيهال:لازم نتقوا على روحي ونخرج منا قبل متصرا اي حاجة نندم عليها حياتي طول
دخلت لسلدوبا هزت حوايحجها لمسخين غسلتهم فالبينوار وشللتهم هزتهم وخارجة تحل لباب دخل واقف بكل وهرتو جات خارجة ومش معبراتو حكمها من يدها ورجعها
نيهال:سييبب افهم معادش تحط كسرتك عليااا ااااووه 😬😠😠
عوج راسو يشوف فيها وزير على يدها
جاد:دعااااء دعاااء .......😤
دعاء: حاضر سيدي وهي خايفة 😰
جاد:هز دبش نشرو 😡
نحاتهم ليها من يدها وراحت تجري
نحات ..................................................................................................
لبنات تأخرت پسك انا ديما نحاول نفرحكم ونعيا ونكتب فاخر فيئة قليلة لي طبقت واش قلتت ميمعليش ونضن لي راحة نحبسها پسك غاضتني روحي فغيموو ابوني وستخسرتوها فيا مي معليش وهاد پارتي في خاطر اي طبقو وحبيت نقلكم يعطيكم صحةةة مغسيي بزاف
أنت تقرأ
صدفة كسرة غروره (قصة بلهجة جزائرية) 😍😍
Humorلقصة تاع ليوم راح تكون على راجل قمة فلغرور 😎يتلاقة بطفلة مهبولة 😍😍صدفة تكسر كل لحواجز لي حاطها وتهبلو وتخليه يحبها ❤❤تابعو لأحداث مشوقة نتمنا تعجبكم لحكاية😘😘
