نيهال:سوسن دوك نزعف منك والله بزاف عليك هاك راكي ديجا شريتيلي صباط 😔😔
سوسن :عادي حببتي ياك نتي صحبتي لوحيدة
نيهال:نزعف منك😡(وشنفت
سوسن :ساي اوك كيما تحبي😑
جاد كان غير يتبع فيها بعينيه كأنو غرض تاعو ويلزم واحد ميدنا ليه شافها كيفاه كانت تشوف لاغوب بعد مراحو راح طول شراها وحطها فطنوبيل
هاهي لغوب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بقا وراهم لين شاف واحد حاب يحكي معا نيهال وهي معبراتوش ومقلقة منو ومزيرة على سوسن ويزربو فالمشي خرج ليه خطفو من وراهم لين راحو وطاح عليه بالبونية حتا شرشمو وطلقو
جاد:راني باش نكسرك ونكسر كل لي يدور بيهممم تفهم يوغدد (وصوتو لي يقدح شر)رماه فالرض وركب طول موراهم لين دخلت نيهال لدار راح لدار دخل لاغوب طول لبيتو حطها فيبيروه وباقي يشوف فالحيطان ويتأمل فكل حيط او نقولو فكل صورة معلقة فالسور هز هديك لاغوب يشوف فيها ويتخيل كيش تجي عليها حتا سمع امو تعيطلو حطها وسكر بيروه بالمفتاح(لي جاي فالغرفة أصلن واحد ميدخلو مانع عليهم اسرارو لكل تم )
جاد:انعم
يماه :أرواح تتعشا ولدي لوقت😊
حار فيروحو كيفاه بقا هداك لوقت لكل بلا ميحس
جاد :راني جاي
هبط وراها تلايمو على طاولة
مصطفى :يعطيك صحة يوليدي على نجاح تاع شريكة لكل بفضلك نتا وولد عمك ربي يسترو كيما تعرف راح تكون حفلة غدوة 😊😘
جاد:نعرف
سوسن:اه مقتلكمش عرضت صحبتي لي حكيتلكم عليها للحفلة 😃😃
جاد عجباتو لهدرة
يماها:ااا راني متشوقة نشوف طفلة دي😆
سوسن:تهبل يا ماما عاقلة خاطيها دخلاتت ولخرجات وفنفس لوقت مهبول 😂
يماها:ههههه مليح ربي يخليكم لبعضاكم😘 بنتي ياك شريتي واش تلبسي
سوسن:ايه شريت مبعد نوريهملك وعطيني رايك😌
كملو عشا وتحلية طلعت سوسن تقرا شوية ومبعد ترقد اما جاد طلع طول لبيتو وبقات نورية ومصطفى يتفرجو ويحكو على حفلة تاع غدوة وبيان سور لخدم معا شغلهم
عند جاد :
تكسل حكم تليفونو دخل ڨالوري كيما عادتو يتفرج على تصاورها راه في إدمان يقعد نهار طول يشوف ليهم ميملش من شوفتها(الحب صعيب كي يلحق لهاد درجة )طاپا نوميرو وعيط لين هز
؟؟؟؟؟: الللللوووو الللللوووو شكون معايااااا زبببلللل هاد نوميرو على طول تعيط شكون نتا يفار يماععععزززز خرااا معادش تعيط قلتتت
وكوپات ،وعلى صوتها غم على روحو ورقد
عند العائلة الاخرى:
بعد موصلت لدار باست ماماها طلعت بدلت هبطت تقهوات وغسلت ماعن وطلعت تقرا لقات رانية حاطة راصها ويبان عليها لقلق
نيهال:واش رنوش واش كاين
رانية؛مفهمتش هاد نقطة 😖
نيهال: وري نشوف
شافتها وفهمتها لين فهمت مليح
وراحت هي تقرا تاني
من جيهة خلاف دخل وسيم تاعب ملخدمة راح لبيتو ريح شوية دوش هبط تقهوا
وسيم :يما راني خارج ندور شوية وندي أيمن معايا كشما خص نشري لدار😊
يماه:ايه خص شئ حجات يوليدي دوك نكتبهملك فورقة 😘
وسيم:اوك 😊
كتبتهملو وعطاتو لورقة
يماه:بلاك على روحك وعلى خوك ومطولش بزاف😌
وسيم:اوك فطوم باي😘
أيمن:باي ماما
خرج راح يدور شوية
لحق وقت لعشا هبطو كامل تلايمو على طابلة
موراد:وين راهم وسيم وايمن؟؟
يماه:خرجو يدورو شوية دوك يجيو
حتا سمعو لباب تحل دخل
وسيم : سلام عليكم
الكل:وعليم السلام
راح حط سواشي فالكوزينة غسل يديه وايمن تان وقعدو ياكلو كملو لعشا تعاونو نيهال ورانية غسلو ماعن وماماهم تفرس فالكوزينة
نيهال:ماما غدوة كاين حفلة فدارهم لصحبتي لي حكيتلكم عليها
يماها:ايه بنتي غير لخير 😕
نيهال:ماما عرضتني هي فالحقيقة مقبلتش اما اصرت عليا😔😔
يماها:نيهال ياك عمبالك منحبش دو صوالح مكاش روحة😌
نيهال:ماما والله قتلها بلي متحبيش مس اصرت عليا يعيشك يا ماما 😣😣
يماها:قلت مكاش مكاش
بعثت نيهال ميساج فالمسنجر راپيد لسوسن
يماها:عيطلها وعتاذري منها وخلاص
وهنا صونا تليفون
نيهال:هاي هي راهي تعيط
سوسن:الو
نيهال:الو سوسن صفا حببتي😔
سوسن:لباس حمد الله ونتي
نيهال:حمد الله حبيت نعتاذر منك پسك ماما مسمحتليش نجي😖😖 (ملعوب)
سوسن:يييياااا علاه ااااا قولها يعيشك
اعطيني نحكي معاها
نيهال؛ماما حبت تحكي معاك
مدتلها
سوسن:الو طاطا كيفاه راكي مليحة 😃
يماها:لباس حمد الله بنتي ونتي كيفاه راكي 😊
سوسن:حمد الله طاطا
يماها:وعايلتكم كامل لباس
سوسن :حمد الله طاطا تعيشي خلي نيهال تجي غدوة للحفلة مش كبيرة بزاف 😔😔
يماها:يبنتي واش نقلك تعرفي لوقت دوك صعيب وراني نخاف عليها😌
سوسن:يااا طاطا متتحيريش والله نديرها في عينيا وزيد لحفلة فدار يعيشك يطاطا اقبلي پليز 😣😣
يماها:اذا هكا قابلة دايرة فيك ثيقة يبنتي بلاكيلي عليها 😊
سوسن:يعطيك صحة يطاطا وي منخيبش ثقة تاعك أيا في لمان وشكرا مرا اخرى
كوپات
يماها:تبان عليها طفلة مليحة😊
نيهال:قتلك مغسيييي ماما حنا نطلعو دوكا
طلعو لبيوتهم زادو قراو شوية
رانية :يايي مزية لي عرضاتك تنحي شوية على خاطرك اما كي تجي تحكيلي كلش تفاهمنا 😁😁
نيهال:هههههه اوك 😀
رانية:انا نرقد 😪
نيهال:اوك معزة صايشة بونوي😂😘
راني:نتي بوالة بونوي 😘
رقدت خرجت نيهال لعند لباب تشم شوية هوا صونا تليفون نفس رقم
نيهال: اللللللووو اللللللووووو شكون معايا زبببلللل هاد نوميرو على طول تعيط شكون نتا يفار يماععععزززز خرااا معادش تعيط قلتتت😤😠😡😬😬
وكوبات
نيهال:زبللل دا نوم حابة برك نعرف شكون لي ينسستي كامل هك وميحكيش تي عندو شهور افففف خطيني منو ودخلت لدار طلت على أيمن غطاتو وراحت ترقد 😴😴
وي كيما عرفتو كل يوم جاد يعيط لنيهال ويبقا ساكت يسمع لصوتها صاح كلامها خايب اما ميهموش
......................................................
رأيكم😍😘 حبيباتي فالپارت😊 معا لي فوت راهم نقصين شوية 😘😘ايه وخصوصي رأيكم فالشخصيات مممممحححح نحبكم كاممممللل 😍😘😂
أنت تقرأ
صدفة كسرة غروره (قصة بلهجة جزائرية) 😍😍
Humorلقصة تاع ليوم راح تكون على راجل قمة فلغرور 😎يتلاقة بطفلة مهبولة 😍😍صدفة تكسر كل لحواجز لي حاطها وتهبلو وتخليه يحبها ❤❤تابعو لأحداث مشوقة نتمنا تعجبكم لحكاية😘😘
