بقا مزيرلها على يدها
نيهال:قتلك سسسيييبب سييييببب 😭
جاد:مترفعش صوتك 😠
نيهال:ويلا رفعت واش راحة دير يعني
طبعها من يدها وصلت لعند سرير يقدم ليها بخطوات ثابتة وكلها كريزمة وهي ترجع للور خبط فسرير جات قاعدة بقا يقدم وصل لعندها وهبط لمستواها وهي ترجع للور بالكور تاعها وهو باقي يقرب بفعل لا إرادي لقات روحها تسطحت حكملها يديها زوج ويقري جيهتها هي غمضت عينيها ودورت راصها قرب لوذنها
جاد:متتحدانيش ولا باش تكون العواقب وخيمة 😡
قام من فوقها وخرج هي بقات متسطحة
نيهال:واش حاسب روحو لخرية كلب حمااار راك باش تندم يسي لفوحة 😠😢
زادت من وراه نص ساعة فتحت لباب تأكدت لي مكاشو عاودت غلقاتو راحت للخزانة جبدت كلش جابتو وراحت لباب تجرب فيهم حتا موس مصلحلها بقالها واحد صغير حكماتو وبدات تخلط فالقفل تاع لباب لين تسكر حاولت تفتحو لقاتو مسكر
نيهال:ممتاز مدام قدر يسكر لباب معناه يقدر يحلها 😌
بقات نخلط من جديد لين تحلت رجعت حلت لباب تحل
نيهال:برافو برررافو لازم نبقا هكا لين نولي نفتحو في مدة أقل 😆
بقات هكاك تفتح وتغلق تفتح وتغلق لين تعودت شوية ولات تنجزها في مدة أقل حست واحد جاي يمشي لايمت كل حاجة ورماتها فالخزانة وغطاتها بالقش وسكرتها دق لباب
نيهال:تفضل😕
دعاء:مدام نيهال تفضل تفطر المسيو يستنا فيك لتحت 😊
نيهال:ههه اوك روحي دوك نلحقك
دعاء:حاضر😊
خرجت وهي فتحت لخزانة هزت اكبر موس و أحد واحد فيهم حطاتو في سروالها(بين سليپ وسروال ميبانش) عدلت روحها ومشات وهي تمشي فوسط الكولوار والبيوت مقابلينها لمحت دروج فالخر تاع دار يطلعو لفوق
نيهال:يعني مزال طابق آخر اافف
جات طالعة حتا سمعت صوت لخدامة
الخدام:مدام المسيو يطلب فيك 😊
بقات تثبت معا دروج ولات هبطت لقاتو فنفس لمكان لي شافتو فيه صباح تمنات لوكان تقدر تخرج لموس وتقتلو تتهنا منو اما متقدرش مبادئها فوق هاد شي
قعدت فالطرف كي عادتها تشوف مأكولات متنوعة كلات شوية وباقية تثبت من جديد پسك لمرة لي فاتت شي لي خلاها متقدرش تهرب هي انها متعرفش دار مليح وشي لي خلاها دير روطار
كملت تاكل بشوي حتا سمعت رعود قامت من پلاستها وراحت لتاقة وتشوف شتا طيح تحب برشة هادة المنضر كانت ديما تخرج وتخلي كل قدرة ماء طيح مسما تمس جسدها حست روحها مخنوقة لمحت حراس عند لباب طول لواحد فيهم ضعف طولها عرفت لي لهربة من هوني مراحش تكون ساهلة
لوهلة فقدت الامل رجعت قعدت فليفوتاي وتخمم تفكيرها بعيد كمل راح قعد قدامها ويشوف ليها حط يدو على خدها ويتلمس فيها بعدت راسها عليه حط يدو على خصرها وجبدها لعندو في حضنو يشم ريحتها لي دوخو وتديه بعييد قامت تجري حكملها يديها عينيها معمرين بدموع
جاد:اركحي متخافيش منديرلك شي😍😍
بقات تشوف فيه بعينيها تشوف في عينيه تحاول تلقا البرائة لي فيهم اما حدتهم خلاتها تخاف هو حس روحو ذايب فخزرت عينيها الخضر طبعتلو يدو تبسم على عنادها كون وحد خلاف راهي ترمي في روحها عليه على هاذي يحبها ويعشقها
تبسم تبسيمة لي حيرتها خطفها من وسطها لعندو وجا فوقها
نيهال:واش حاسب روحك دير نوووض نوووضضض😫😠
جاد:اااشششششش 😍
حط راصو في رقبتها ويستنشق في ريحتها باسها بوسة مرصوصة وهي طبع فيه وتخبط فيه على ضهرو بعد عليها
نيهال:نوضضض نووضض 😤😤
وطبع فيه بقا يشوف معا شفافها فهمت لقصة جبدت لموس لي في سروالها وحطتهولو في رقبتو
نيهال:بعد ولا راني باش نقتلك بعدد
زاد تبسم معاها ولي حيرها كثر
حاد:اقتل واش تستنا 😏
بقات تثبت في عينيه وهاد شي لي خلاها تحير كثر
دزاتو بكل قوتها وناضت
حاكمة لموس وتهددو
وقف بكل وهرتو ويقدم لعندها
نيهال:متقدمش ولا نقتلك متقدمش
بقا يقدم وعينيه كلهم حدة 😑
خافت منو حطت لموس فيدها جيهت شرايين
نيهال: اذا قربا كثر راني باش نقتل روحي 😠
جاد:حط لموس من يدك 😠
ويقدم لعندها وهي ترجع
نيهال:قتلك متقدمش 😬
حتا خبطت فصور باقي يقدم جات تعطيه بوكس حكملها يدها ويزير جات تضربو بلموس حكمو بيدو ويزير ودم يقطر من يدو وهي كي شافتو هكاك طلقاتو من يدها رماه فالرض وزير على يدها كثر
جاد:(يحكي ولاز على سنين) لمرة لجاية جيبي سلاح أقوى وتوا ااااااطططللع لبببييتككك 😬😤😠😡
بقات تمشي لحيط لحيط وترجف غير بعدت عليه ديمارات تجري طلعت فوق خصة كبيرة حكمتها هي متعرفش وينها ومعا راجل متعرفوش زادة ومخطوفة وكل لي يهمها تخرج منا وهو زاد كمل عليها بقربو حستو طامع فيها (وين باش تعرف حبو ليها) طلعت تبكي راحت تجري للغرفة رمات روحها على سرير وتبكي بحرقة تبكي على كلش على خوفها على ضعفها على ذيق لي تحس فيه في قلبها
اما عند جاد
جاد:دعععععاااء 😤😤
جات تجري وشافت يدو تقدر بدم
دعاء:انعم ميسيو اااه واش صاري مسيو يخي صراتلك حاجة 😫
جاد:لم حالة هنا 😤😠
وطلع لبيتو دخل سانيتار غسل يدو من دم جاب لالكول عقمو ولفو بلپوصمو وهبط لبيتها عارفها خايفة وفاهمها فكل خطوة ديرها تحاول دافع على روحها اما هو قانع روحو لي باش يحببها فيه رغم عليها وباش تكون ملكو ليه وحدو لحق لبيتها سمع شهقاتها قبل حتى ميدخل وجعو قلبو عليها وبدنو تكبس دخل بلعقل كانت مكسلة على كرشها وغارسة راصها فالمخدة لازم يعاملها بحنان اما هاد شي مش من طبايعو كريزمتو وحدتو متخليهش يكون إنسان حنين اما معاها غير معا لكل وهادة لي يميز لحب قعد فسرير يشوف فيها ويسمع في صوات شهقاتها نحا صباطو ودخل فسرير جوز يديه تحت كرشها وجبدها جيهتو بحيث ضهرها في صدرو وهي مزالها تبكي دخلها معاه تحت لغطا بقات بعيدة وصوت بكاها غير يزيد وكبست على روحها عنقها من لور وجبدها لعندو زيرها معاه حتا حسها دخلت في ضلوعو وبقا يمسح على شعرها وهي محاولتش تقاومو سلمت روحها وبقات تبكي ونفسها داخل بعضو ولاول مرة تحس معاه دفئ وراحة لي تحسها مع بوها بقات هكاك لين حس نفسها نتضم عرفها رقدت بقا سارح يشم في شعرها ويحس بدفا تاع بدنها حتا رقد هو زادة
............................................................................................................
بنااااتت عمبببااالييي عندي شحالل محكيتش حقكم عليااااا دزوووووليييييي دزووليي تارفبن لقراية وكلللش ودوك نعوضكم نشاء الله اذا لقيت تفاعل نكمل نحط
أنت تقرأ
صدفة كسرة غروره (قصة بلهجة جزائرية) 😍😍
Humorلقصة تاع ليوم راح تكون على راجل قمة فلغرور 😎يتلاقة بطفلة مهبولة 😍😍صدفة تكسر كل لحواجز لي حاطها وتهبلو وتخليه يحبها ❤❤تابعو لأحداث مشوقة نتمنا تعجبكم لحكاية😘😘
