ابنة للأيجار

الجزء السادس

دخلت جوري مع ابوها في الاوضة على انفراد.
جوري : بص يا بابا انا شايفة ان دي فرصة كويسة ان عمو قاسم هيشغلني معاه في الشركة يعنى هتخرج على الشغل على طول ،وافهم الدنيا ماشية ازاي في الشركة ، وبردو خالد مش هسيبه  لانه بيكلمني في الفون كل يوم، وفرصة ابعد عن ماما شوية لحد ما تهدى .
هاني يفكر في كلام بنته:  والله كلامك منطقي بس مش عاوزك  تبعدي عن خالد دلوقت ، لسه بدري على الكلام دة ،هو دلوقت عنده استعداد يصرف كتير ولما نلاقي انه خلاص مش هيصرف تاني نبعد عنه .
جوري : يا بابتي متخافش على بنتك ، انا فاهمة كل حاجة  ومدركة كل دة بس مش عاوزة اضيع الفرصة دي في الشغل مع عمو قاسم  والشركات الكبيرة دي.
انا همسك العصاية من النص بس انت هدي الجو مع ماما علشان خاطري .
هاني يفكر في كلام بنته ويوافق على انها تقعد عند عمتها .
يخرج هاني وجوري ويقعدوا  سارة تحس بتغير في وش هاني فتسأل : ايه يا هاني سيب جوري بقا علشان خاطري وخاطر رودي.
رودي: علشان خاطري يا خالو بليز .......بليز
هاني يعمل نفسه انه وافق علشان خاطرهم: ماشي يا رودي علشان خاطرك انتي بس يا حببتي،بس هى هترجع معايا  تجيب شنطتها وكتبها وترجع تاني .
بالفعل ترجع جوري مع امها وابوها للبيت وتجمع شنطتها وكتبها و يوصلها  هاني للڤيلا تاني . كانت هناء فرحانة جدا ان بنتها هتبعد عن ابوها وافكارة الشاذة والسلبية والحرام شرعاً، وكمان هتبعد عن خالد ال بيفكر في بنتها تفكير وحش و انها فريسة ليه او واحدة بتبيع نفسها علشان  الفلوس .
كانت هناء مرتاحة  اوي ،  وصلت جوري للڤيلا
واستقبلتها  عمتها و رودي بفرحة كبيرة واحضان .
سارة : نورتي يا قلبي الدنيا كلها ، بصي انا فكرت انك تقعدي في اوضة خاصة بيكي علشان تكوني لوحدك  وتاخدي حريتك ، لاني عارفة بنتي. رغاية اوي وما هتصدق  تلاقي حد ترغي معاه وتسيب مذاكرتها ههههه.
رودي تتقمص :  انا بردو يا ماما رغاية والله انتي ظالماني .
يضحكوا  وتدحل جوري اوضتها تفضي شنطتها  بعدها يتغدوا. ويقعدوا يذاكروا شوية  وفجأة يرن موبايل جوري  تسيب رودي  وتدخل اوضتها وتقفل على نفسها الو.
خالد: ايوة يا حببتي انتى فين شايفك راكبة مع بابا في العربية. وهو رجع وانتي لا؟!
جوري : ايوة يا بيبي نسيت اقولك سوري. اصل تيتة  تعبانه اوي وهتعمل عملية  وانا قاعدة معاها .
خالد يزعل ويتأثر : طيب يعني مش هقدر اشوفك  شوفي حل انا مقدرش على كدة.
جوري : لا طبعا هتشوفني  بعد ما اخلص محاضرتي بكرة استناني في المكان بتاع كل مرة اوكى؟
خالد يفرح اوي: حاضر ......حاضر يا قلبي عاوزة حاجة اجيبها ليكي معايا؟
جوري تفكر لكن تتقل عليه: لا انا مش عاوزة غير سلامتك انت بس واشوفك بعنيا  يا بيبي.
يقفل خالد  معاها  ويقول لنفسه : البنت دي جوهرة وقنوعة جدا وعندها عزة نفس  مشفتهاش  عند حد،  دعواتك  يامه 😊.
انا شويه كدة بعد ما تخلص الجامعة وتتخرج هتقدم ليها واتجوزها ، بس يا ترى هتوافق عليا وانا متجوز  وعندي عيال ؟!
قعد يكلم نفسه كتير ، وخالد مقتنع من جواه ان جوري كتير عليه،حاجة في الخيال ،وهي بتتنازل  وتتكلم معاه وتحبه ، الفكر دة جعل خالد ميقدرش يرفض  طلب لجوري. و اصبح اسير ليها  وإن اي حاجة تطلبها دة اقل شيء ممكن يقدمه ليها .
مرت الليلة وتاني يوم  راحت جوري الجامعة  بس للاسف متأخرة جدا. وفاتتها المحاضرة الاولى .وطبعا معتصم كان قاعد على نار  لحد ما شاف جوري داخلة القاعة فضل يبص عليها كتير وهو قاعد في المكان ال بتقعد فية دايما علشان يكون قريب  منها . وفعلا جوري دخلت  وقعدت جنبه  كانت وهي داخلة عليه قلبه بيدق اوي  وبيقول : يارب يارب تيجي تقعد جنبي يارب،قعدت جوري جنب معتصم ال متعرفوش اصلاً  وقعدت تبص على زميلاتها ملقتش حد منهم  جوري متدايقة إن محدش من زميلاتها موجود علشان تاخد منه المحاضرة ال فاتتها وعمال تبص وراء وقدام وتدور . كان معتصم عينه معاها ونفسه يقولها هما مجوش النهاردة  لانه عارف كل تفاصيلها اصدقائها لبسها اكلها شربها تقريبا عارف ومتابع كل حياتها .
جوري بعد ما يأست انها تلاقي حد منهم بصت للشخص الغريب  ال جنبها ال هو معتصم وقالت وهي مكسوفة : سوري بجد بس ممكن اطلب منك خدمة صغيورة 😊.
خالد بص ليها  وتنح ومش عارف ينطق من فوق او من تحت مش مصدق انها بتكلمه  كان زي ما يكون فاقد الوعي .
جوري استغربته واستغربت بصته :  سوري حضرتك معايا ؟!
خالد يكح  وصوته يتحشرج و يقول : عاوزة ايه ، اقصد اتفضلي 😰.
جوري تبتسم من رد فعله : ممكن انقل المحاضرة ال عدت علشان اتاخرت ومحضرتهاش ؟
خالد : اه عارف.
جوري تستغرب اجابته دي : نعم بتقول  ايه؟
خالد: بقولك تحت امرك اتفضلي طبعا . تاخد جوري الاجندة بتاعته وتقعد تنقل في المحاضرة. وهو بيبص ليها ويتأمل في جمالها
لكن وهي بتنقل  في كلام  مش واضح سالته عليه وبصت ليه لكن هو سرحان فيها ومش واخد باله خالص من كلامها .
جوري ممكن اعرف ايه الكلمة دي .
معتصم : اه طبعا وشرح ليها الكلمة والمحاضرة كلها  وهى بتسمع وهو حاسس ان الدنيا بقت ملك ايده خلاص. مش معقول  جوري قاعدة في وشه وبتتكلم معاه وبيتكلم معاها!!
لحظات ودخل زميله ال مكنش مصدق ان معتصم اخيرا  اتكلم مع جوري !!
جوري بعد ما خلص معتصم  شرح قالت ليه: والله شرحك افضل من الدكتور تصدق فهمت المحاضرة كويس اوي  يا .... اسمك ايه؟
معتصم: معت....... معتصم .
جوري تبتسم وتقول : اهلا معتصم  انا جوري.
ممكن اطلب منك طلب ؟
معتصم من غير تردد طبعا طبعا اتفضلي .
جوري ممكن لو احتجت اي محاضرة اتاخرت فيها ممكن اخدها منك او تشرحها ليا ؟
معتصم من غير وعي قال: دي امنية حياتي ...اقصد حاضر دى حاجة سهلة .
جوري : ميرسي يا معتصم .
بعدها يدخل الدكتور  وياخدوا المحاضرة التانية وبعدها تمشي جوري وتروح تركب مع خالد .
اما معتصم فضل قاعد مش مصدق ال حصل  لحد ما صاحبه قاله ايه يا عم مش هتروح  ولا هتنام هنا ؟!
معتصم لصاحبه : مش مصدق  ال خصل هو دة كان بجد ولا انا بحلم ياله ؟!
صاحبه يضحك اوي : لا بجد يا اهبل  المهم اخدت رقمها ؟
معتصم : لا. ليه ؟
صاحبه : يا غبي. ازاي متخدش رقمها و تكلمها عليه؟!
معتصم  بتوتر : مقدرتش يا عم  افرض كسفتني. ورفضت ؟
صاحبه : مش قالت  انها لو احتاجت محاضرة ممكن تشرحها. ليها وتنقلها ليها ؟
معتصم : اه قالت .
صاحبه :طيب يعني عادي مش هترفض بالعكس كانت هتفرح لانها اي حاجة مش هتفهمها كانت  هتتصل عليك يا غبي يا غبي.
يسكت معتصم ويفكر في كلام صاحبه : تصدق عندك حق خلاص لما تيجي تغيب تاني او تتاخر وتطلب مني اشرح ليها حاجة هاخد منها رقمها .بعدها يخرجوا ويروحوا .
اما جوري تقول لخالد : معلش يا بيبي غصب عني  تيتة  تعبانة اوي لكن احنا هنشوف بعض زي ما احنا. كل مقابلتنا هتكون هنا  اوك.
خالد : ماشي يا قلبي وكدة احسن من المنطقة عندنا  هنا تقدري تتأخري براحتك.
جوري : لا طبعا مش براحتي علشان تيتة بقعد معاها المهم يلا بسرعة وصلني  لاقرب مكان ونزلني.
خالد يستغرب استعجالها ......
يا ترى حصل ايه ؟
تابع