يتنمرون على شكل الاشخاص ولبس الاشخاص ومتسواهم الدراسي... زين انت منو علمود تجي تتنمر على شكل الاشخاص وتنتقد.. بسبب انو اسمر لو شيء بوجهه معجبك.. اذا تعيب على الخلقه معناها انت دتعيب على الخالق وميحق الك تتنمر أبداً..
سألتوا نفسكم ليش هلشخص مستواه الدراسي مو زين؟؟.. مو شرط يكون غبي لان ماكو شيء اسمه غباء هذا سبب المعلمين لو همه صدك يدرسون الاطفال بشكل منتظم ويفهموهم جان افتهموا.. واكو اشخاص عدهم سرعه البديهه بسرعه يفهمون الدرس.. لاكن اكو اشخاص ميدخل الشي بعقلهم وميستوعبون.. وميحق ابدا انو تطلق عليه اسم "الكسول" لان انت مسألت نفسك.. يجوز ماعنده اهل يدرسوه..
اسأل نفسك عن كلشي واي شي قبل لا تحكم..
وأيضاً المراهقات بالمدراس الي يتنمرون.. بدل ما تتنمرين شوفي البنت شتحتاج يمكن حالتها المادية ضعيفه ومتكدر تكشخ وتتأنق مثلج.. يمكن محـد يدرسها علمود تصير مثلج مجتهدة.. ودائما يعتزلون عن الشخص الي مستواه الدراسي ضعيف.. وأيضاً المدرسات يهملون الطلاب الي مستواهم الدراسي ضعيف ويتنمرون عليهم.. اني اكول بدل ما تتنمرين شوفيها شتحتاج اشرحيلها الدرس صيري صديقتها..
هـواي اشخاص بسبب التنمر.. صار بيهم اكتأب وقله الثقه بالنفس والحاله النفسيهه والانعزال.. 🙇
تتنمر على الشكل وهوا ربك الي خلقه.. مو الشخص الي اختار شكله.. وبالاخير كلنه من تراب وحنرجع للتراب وانت مو مميز ولا مخلوق من ذهب ماكو شخص زين بينه والاهم نشكر ربنا على الصحه والعافيه الي انطانه اياها.. ♥
