🗯️ اقتباس:لاتعش منتظرا احد فمن لا يعتبر و٠ودك مكسبا لاتعتبر غيابه خساره لك♥️
...........................................
اليوم الثاني :شذي صحت بدري عشان تمشي لناس خالتو زينب عملت الشايلانو اليوم جمعه مابصحو بدري كتبت ليها رساله قالت ليها انا طلعت وختيت ليك 250 جنيه في الدولاب .نمشي بيت خالتو زينب مسافه شذي تصل 🤝زينب صحت الصباح لقت سامر لابس ومتشيك قالت ليه الحلو ماشي وين؟😍😍قال ليها مشوار قالت ليه وبدري كده 😳قال ليها يلا قالت ليه جيب معاك اكل جاهز لانو محقدر اطبخ رد ليها سامر شذي حتجي تعمل الاكل وخلاص (اسئلتها كتيييييره وكلامه شديد)اثناء م بتناقشو ضرب جرس الباب وكانت شذي وصلت💕😊سامر فتح الباب قالت ليه دا م كان زول الجاي دا قال ليها كفايه الحاجه جوه جيتي انتي 😣عملت ليه كده😏قال ليها:عمار اخوي الكبير هو الجاي وعاوز اعملها مفاجاءه لامي عايني اربع ساعت ونكون جينا والاكل جهز😃قالت طيب انا ح اطبخ هنا قال ليها اتفضلي ي بيست قالت ليه مصلحه فكو الضحكه ودخلو الحاجه الماعرفنها انو سامر وشذي بقرو ف جامعه وحده نرجع لموضوعنا😚🙂دخلت شذي لقت خالتو زينب قاعده سلمت عليها وعملت ليها كبايه شاي ودخلت المطبخ المهم مر الوقت سمر جات نازله لقت شذي بتعملي ف الحلو ولقت اكل مرصوص كتييير قالت ليها جيتي متين انتي لمن عملتي دا كلو ولمنو وزينب بره بتسمع فيها قالت ليها شذي قالت دا اكل الاسبوع 😇😋قالت ليها شذي جيت لما كنتي بتنادي في علام ي علام حاكتها بصوت مايع كده😂😂المهم قامو يتنابزو ويتضاربو كسرو الصحن المفروض تتخت فيه الكبسه قامت خالتو زينب كوركت فيهم وقالت ليهم ي بنات كفايه وبقو في كسرتيه انتي وكسرتو 😏😊 البيست حلووو ياخ 😍❤️ضرب الجرس في اللحظه دي كوركت فيهم قالت ل شذي ي شذي افتحي الباب 🤝شذي عارفه ده عمار بس م شافتو ولا بالغلط المهم 🙂فتحت الباب لقت شاب اسمر ملتحي ماطويل قامتو حلوه جسمو معضل ولابس تيشيرت ابيض حقنه جاي مع عضلاتو وبنطلون ابيض وجزمه سودا ولابس نظارات عملت كده😳😳😳 وقالت وااااااااي من سماحتو المهم شذي فتحت خشمها وقعدت تعاين ف الملاك الجاء نازل دا دا اخو سمر وسامر طيب ديل جابوهم من وين سامر طبعا فيه شبه من عمار بسيط بس اللحيه والسمار المهم قال ل شذي لو سمحت ممكن اتفضل🙂😌شذي قالت اي عليك خش قلبي توش(بينها وبين نفسها)قالت ليه ااااااااي ااااااي اتفضل البيت بيتنا😂🤝ابتسم ابتسامه خفيفه كده وعاين ليها🙂(شذي هسه اريتني وجنه بس) ف سرها😂البت منتهيه يلا قال ليه ا خلاص انتهيتي ممكن تزحي ادخل😫دا كلو وهم جمب الباب المهم ي جماعه زحت وبقو يضحكو ودخل ومنتظرين سامر يجيب الشنط🌚سامر جا داخل قال ليها ي بت بصوت عالي 🤨قالت ليه اتفضل اتفضل🌚قال ليها من متين الزوق دا قالت لالا م زوقلانو انت م شبهه الزوق قال ليها شايفك مكهربه كده😂😂😂اتلفت عمار قال ليهم خلصتو خلاص انا تعبان مقادر اقيف يلا ندخل😞😞وهم ماشين شذي كانت بتعاين ل عمار بجنبه عينها قال ليها شايفك شذي م عرفت تعمل شنو بقت كده😳 سامر قال ليه منو هي قال ليه لالا ولا شي 😂دخلو جوه عمار كورك لامو طبعا بناديها ي زوبه🌚ناداها زوبه قالت سامر خلي الهباه ومتحاكي صوت عمار لانو كلمتك قبل كده😂🤝عمار عاين ل سامر🤨 وقال ليه كنت بتحاكيني ي كلب 🌚عمار مشي ل امو براحه وقال ليها بس انا عمار الحقيقي امو م عرفت تبكي ولا تضحك 🤝😢😭حضنتو وهو حضنها وبكو مع بعض لمن الله غفر ليهم قعدو شويه جات سمر نازله لقت عمار م صدقت طوالي حضنتو وركبت ليه ف رقبتو 😍❤️قال ليها سمرتي ولبعتو وضربها وبكو ورجعو تاني سلو علي بعض 😫💕المهم ضيفو عمار وقعدو سمر وشذي يجهزو ف الاكل وبهنا عمار براقب ف شذي من تحت النضاره🥰🥰ختو الغداء وقاعدين يتونسو وشذي قاعده قصاد عمار حكي ليهم عن الرحله والشركه بتاعتو وانو عاوز ينقلها خلصو وقال ليهم ماشي ارتاح😊طلع غرفتو وشذي وسمر لمو العده وقعدو يتونسوا ورفعت لي عمار الشاي لقت شعرو مبلول قال ليها في حاجه اسمها استئذان قالت ليه اسفه ختت الشاي وطلعت وعمار مشي يرتاحنخليه يرتاح ونتلاقي في البارت الجاي😘😘😘
...........................................
اقتباس:ما اكثر وما اندر الناس♥️🔐
يتبع.........
