نوفيلا (❤️روحي تكتمل بك❤️)
الفصل العاشر (والأخير)
في فيلا عثمان كان يتحدث في هاتفه بنبره غاصبه وحاده حين توجهت اليه ابنته نسمه وهي كاسمها تماماََ..
عثمان بغضب وهو يتحدث في الهاتف :يعني ايه هيتجوزها ازاي دا يحصل هو عرف مكانها ازاي ....؟؟؟
الطرف الآخر: اصلها طلعت يا باشا بتشتغل في مطعم من مطاعمه...
عثمان بغضب اكبر: و ازاي انها هي وازاي هيتجوزها وانت مقولتليش ليه من الاول يا غبي انها كانت بتشتغل في مطعمه....؟؟
الطرف الآخر :مكنتش اعرف ياباشا والله بس هو دلوقتي بيجهز لفرحهم حتي انه فضى مطعمه اللي على البحر وحاليا بيجهزو عشان يعمل الفرح فيه....
عثمان : انت عارف ازاي انهم هيتجوزو وازاي ما متبلغنيش من الاول....؟؟؟
الطرف الآخر : ياباشا انا مكنتش اعرف من الاول لو كنت عرفت كنت بلغت سعادتك انا عرفت من كروت الفرح اللى بيوزعها على معارفه والناس اللى بيشتغلو معاه...
عثمان : ازاي شاكر يسمح بكدا وازاي ما يقوليش..؟؟؟
الطرف الاخر : حضرتك تأمرني بإيه اعمله..؟؟
عثمان : متعملش حاجه انا هبقا اكلمك بعدين..
كاد بالجلوس مره اخرى على مقعده حين استمع لصوت ابنته وهي تناديه استدار خلفه لا يراها وتوجه على الفور لها فقد كانت تجلس على كرسيها المتحرك وكانت تتحرك به بصعوبه على ارض الحديقه ذالك الكرسي المتحرك الذي لا تقوم من عليه قالت بصوت رقيق : بابا انت ليه مش بتحب سيف ...؟؟
عثمان بصوت حنون فنسمه بالنسبه له غير اي شخص هي ابنته الرقيقه الحنونه التي يحبها كثير والتي يشعر بذنب من حيتها فهو من تسبب في حالتها تلك وانها لا تستطيع المشي مره اخرى : احنا اتكلمنا كتير في الموضوع دا يا نسمه وقولتلك اي حاجه تخص سيف انتي ملكيش فيها ومتكلمنيش عنه مهما حصل....
نسمه باصرار : ليه يا بابا هو مش سيف دا يبقا اخويه...؟؟
عثمان :بس انا قولتك قبل كدا اعتبريه مش اخوكي انتي ملكيش اخوة من ابوكي يا نسمه انتي بنتي الوحيده...
نسمه : بس الحقيقه اني مش بنتك الوحيده يا بابا وان سيف يبقا ابنك وابنك الكبير كمان انا بسمع ان الاب بيحب يكون عنده ابن ولد يبقا ليه الضهر والسند انما انت لا يا بابا انت بتكره سيف كأنه عدوك مش ابنك وانا من حقي اسالك ليه بتكره سيف ابنك. ليه عاوز تأذيه في شغله وفي حياته...
عثمان : بس متقوليش ابنك دي...
نسمه :بس دي الحقيقة اللى عمرك مش هتقدر تغيرها يا بابا هو فعلا ابنك واخويا ليه مش عاوز تقولي انت ليه بتكره اوي كدا....؟؟
عثمان: جاهزه تسمعي اللى هقوله...؟؟
نسمه : اكيد انا من زمان عاوزه اعرف...
عثمان اخذ تنهيده قويه ثم قال : انا لما اتجوزت ام سيف اتجورها عشان حبيتها كانت هي كل حاجه في دنيتي كانت امي وحبيبتي واختي كل حاجه ليه في الدنيا كنت بغير عليها من كل الناس لدرجة الجنون كنت بتمنى انها متخلفش عشان ميجيش حد يشاركني فيها...
نسمه : ازاي كنت بتحبها كدا وازاي اتجوزت عليها مرتين انا مش فاهمه...
