The Story Of Us (wishes)

Hindi mapigilang damdamin (part 22-23)

Flashback continuation

Pagkatapos nang tawag na iyon, hindi na ulit iyon nasundan. Halos ilang liggo na ang nakalipas pero ganun pa din. Sinubukan ko siyang itext pero palagi niyang sinasabi na busy lang siya sa school. Inunawa ko siya dahil alam kong marami siyang ginagawa bilang class president. Namimiss ko na talaga siya. Kung nung 3rd year pag namimiss ko siya pwede ko siyang puntahan at kulitin sa room niya, ngayon ay hindi ko na iyon magawa. Paano ba naman kasi inilipat siya nang mga magulang niya sa school na puro babae ang nag-aaral. Kaya kung kailan maggragraduate na kami ng highschool saka pa naging long distance ang relasyon namin. Nakakapanselos tuloy, pero kailangan ko pa ding magtiwala sa kanya at tupadin ang aking pangako.

Excited akong pumunta sa school niya para makita siya ulit. Salamat na lang sa pinsan niyang si Bryan na kaibigan ko din at nalaman ko kung saan siya nag aaral ngayon. Actually, hindi naman kasi alam nang magulang niya ang tungkol sa amin bawal kasi siyang magbf kaya hanggang ngayon bestfriend ang pakilala niya sa akin sa mga magulang niya. Masakit pero ayos lang hangga't nakakasama ko ang taong mahal ko tatanggapin ko ang lahat.

-----------