Section Z | ✓

*Kaguluhan 43*

Chris Pines

"Dito! Dito! Tangina, ipasa mo sa'kin gago!" sigaw ng sigaw si Adam kay Yuan.

Kanina pa siya hindi pinapasahan ng mga gago.
Halata ang pagka-irita sa mukha ni Adam nang ipasa ni Yuan kay Leo ang bola.

Ka-agad naman itong tinira ni Leo at tenenen—sablay.

Humagalpak kami ng tawa ni Dino dahil sa naging reaksyon ni Leo. Hindi pa makapaniwala ang gago na hindi niya na-shoot ang bola.

Tangina! Sasakit ang tyan ko kakatawa dito.

"Tangina! Sabi ng ipasa sa'kin eh!" angil ni Adam bago binunggo ang balikat ni Leo.

"Bakit ako? Kasalanan ng ring 'yon!" bwelta ni Leo habang magkasabay na tumatakbo papunta sa kabilang ring.

Sa ngayon, na kina Kian ang bola. Hawak ni Kian ang bola habang dini-drible. Pilit na ina-agaw ni Yuan ang bola pero agad din itong napasa ni Kian kay Sean.

Mabilis na tumakbo si Sean papalapit sa ring.

Nasa akmang ititira niya na ang bola nang biglang lumitaw si Henry sa likuran niya dahilan para maagaw ang bola.

"Sa'kin! Ipasa mo sa'kin gago!" sigaw muli  ni Adam sa kaniyang kakampi pero mukhang walang narinig si Henry dahil nagpatuloy lang ito sa pagtakbo hanggang sa mai-shoot niya ang bola.

"56-60! 2 points sa team Iguel!" sigaw ni Dino dahil siya ang taga-score. Meron siyang hawak na papel at doon niya nilalagay ang mga puntos.

"Apat pa ang lamang nila!" angil ni Adam kay Henry.

"Dapat kasi pinasa mo sa'kin! Napaka-tanga mo!" dugtong niya.

Tumawa si Henry dahil sa naging ekspresyon niya. Nabugbog lang naging pikon na?

Saka.

Hindi ba talaga napapansin ng gagong 'yun na pinagtitripan siya ng mga kapwa niya gago? Ay napaka-tanga nga...

"Teka, time out muna!" pagsingit ni Dino nang magsimulang mag-dribble si Adam. Palihim na tumawa ang mga gago habang si Adam naman ay kunot-noong nakatingin sa pwesto naming tatlo.

"Bakit ka nagtime-out?!" angil ni Adam habang naglalakad palapit sa direksyon namin.

"Wala kang pakialam! Ako ang referee dito!" sagot ni Dino habang nakahalukipkip.

Umingos si Adam at saka padabog na kinuha ang cellphone. Nagkatinginan ang mga gago saka nag-fist-bomb.

Napa-iling ako habang ngumunguya ng dalang chichirya. Kasalukuyan kamibg nandito sa court para magpalipas ng oras. Napag-isipan naming magbasketball muna habang hinhintay ang mga girls na mukhang bukas pa darating.

Hindi ako sumali sa laro dahil sobra-sobra na ang player. Nagpresinta pa si Dino na siya ang magiging referee para daw walang dayaan.

Samantalang kami ni Josrael ay nanunuod lang. Hindi pwede si Jos maglaro dahil sa hindi pa masyadong magaling ang sugar niya. Hindi nga dapat siya kasama sa lakad namin eh kaso nagpumilit ang gago. Kaya ayun, ang daming habilin ng mama niya.

Sina Adam, Henry, Yuan, Vincent, Gavin, at Leo ang magkakampi samantalang sa kabilang team naman ay sina Kian, Iguel, Sean, Zenon, Paul at Rence.

At ang hindi naglaro ay ako, si Dino at Josrael.

"Okay!" sumigaw si Dino habang parang tangang pumalakpak. "Game! Game! Magsipuntahan na kayo sa court!" pumito siya gamit ang mga daliri.

Iritang lumingon ang mga gago kay Dino.