انا نور حاليا عندي 35 سنه للأسف طفولتي مكانتش سهله بابا وماما ماتوا وانا عندي 10 سنين كانوا مسافرين بالعربيه عشان شغل وانا كنت في بيت عمتي
عمتي كان اسمها سعاد كانت متجوزة وعندها بنتين اكبر مني بسنه واحده كانو توأم ساندي وكاترين بصراحه عمتي وجوزها كانوا طيبين معايا جدا لكن ساندي وكاترين لا مكانوش بيحبوني وبعد ما بابا وماما ماتوا مكنش قدامي حل غير اني اعيش مع عمتو سعاد انا كنت مبسوطه معاهم بس ساندي وكاترين مكانوش حابين وجودي في البيت وده لان عمتو كانت دايما تمدحني قدامهم حتى جوز عمتو كان بيحبني جدا وده كان دايما مخليهم غيرانين كانو دايما يكلموني بطريقه مش كويسه ويحاولوا يعملوا معايا مشاكل كتير بس انا كنت بستحمل عشان خاطر عمتو سعاد وفي يوم وانا خارجه من المدرسه لقيت باسم جاي وعايز يكلمني وبيقول انه موضوع مهم في الوقت ده كان عندي 15 سنه وساندي وكاترين كانوا كملوا 16 سنه انا وباسم مكانش في بينا كلام نهائي وكنا دايما نتخانق كتير كنا بنكره بعض جدا فلما كان عايز يكلمني منكرش اني استغربت وخصوصا انه كان بيتكلم معايا بكل ادب واحترام انا قولت لا وكنت همشي بس هو مسك ايدي
اتعصب جدا من الحركه دي
وقولتله ازاي تمد ايدك عليا وسبته ومشيت
بس لما روحت لقيت ساندي وكاترين واقفين وبيضحكوا بطريقه مش مريحاني وعمتي واقفه بتبص عليا بنظرة كلها غضب
جت ناحيتي ولقيتها بتزعق فيا وبتفتح موبايل ساندي وبتقولي بنبره شديدة مين ده وواقفه بتعملي معاه ايه ساعتها فهمت ان باسم وساندي وكاترين هما اللي عملوا اللعبه دي
ولغاية هنا استنوا الجزء الثاني
