وصلنا في الجزء اللي فات لغاية لما ادم عرف ان دي لعبه من ماجي
ادم وهو بيزعق : يعني ايه يعني نور معملتش حاجه
زياد : ادم لازم تهدي وتفكر بهدوء
ادم : اهدي ازاي وحبيبتي اتخطفت واتخطفت بسببي بس انا مش هسيبها وهاخد حقها
ادم وهو ماسك مالك من رقبته وعنيه بطق منها شرار : فين ماجي دلوقتي
مالك مكانش قادر ياخد نفسه : ماجي في الشقه الجديده اللي جبتها ليها قبل ما تسبها
ادم : زياد ارمي الكلب ده للرجاله هما عارفين شغلهم معاه وانا رايح ل ماجي وهصفي حسابي معاها
ادم خد عربيته وطلع على شقة ماجي
ادم كان بيخبط وكان هيكسر الباب فوق دماغها
ماجي طبعا خافت تفتح بس ادم كسر الباب ودخل وشدها من شعرها في الشقه
ادم : بقي انتي تعملي فيا انا كده انتي مش عارفه انا مين وماشوفتيش وشي التاني
ماجي بألم : ادم سيب شعري ااه
ادم مسك دراعها وكان خلاص قرب يكسره
ادم : نور فين
ماجي : مش هقولك يا ادم مش هتكلم انا عايزاك تتعذب ولو مش هتبقي ليا مش هتبقي لحد
ادم : انتي ايه مجنونه ليه مش قادره تفهمي ان حكايتنا خلصت
ماجي : لا مخلصتش وهتشوف
ادم مسك تليفونه ورن علي زياد
ادم : زياد ابعت كريم واتنين من رجالته
زياد : فورا يكونو عندك
وخلال ربع ساعة كان كريم ورجالته موجودين
ادم : خدوها المخزن
كريم : امرك
ماجي : مهما عملت مش هتلاقيها مش هتلاقيها سامع
طلع ادم من الشقه وراح المخزن
ادم : زياد انا لازم الاقي نور بأي شكل
زياد : انت غلطان يا ادم انت السبب في خطف نور
ادم بأسف : عارف بس انا لازم الاقيها
ادم : كريم انت ورجالتك تقلبوا البلد نور لو كانت تحت الارض لازم تلاقوها
زياد : احنا لازم نبلغ اسماء
ادم : رن عليها وبلغها
زياد : الو يا اسماء اسمعي اوعي تطلعي من البيت الوضع خطر
اسماء : طب عرفتوا حاجه عن نور
زياد : زي ما توقعت كانت لعبه من ماجي
اسماء : زياد خلي بالك من نفسك
زياد : حاضر
ادم بدأ يدور علي نور في كل مكان حتي الشركه مبقاش بيروحها وكل تركيزه علي نور
