وصلنا في الجزء اللي فات لغاية لما نور اغمي عليها
ادم : هي نور اخرت كده ليه انا هنزل اشوفها
في الدور الأرضي مكان اللي محبوسة في نور
ادم بيزيح الباب وبينادي علي نور
ادم : نور.... نووور نور ايه اللي حصل ردي عليا
ادم مقدرش يستحمل الخوف وفضل يضرب الباب عشان يكسره وكسر الباب وقلبه وجعه لما شافها واقعه في الارض ولان الوقعه كانت قويه رأسها كانت بتنزف ادم مقدرش يستحمل وجري وشالها وخدها القصر بتاعه وجبلها دكتور
ادم : طمني يا دكتور ايه وضعها
الدكتور : متقلقش صدمه عصبيه خفيفه انا عالجت الجرح اللي في رأسها وعطيتها مسكن
ادم : شكرا يا دكتور
الدكتور : العفو ده واجبي
ادم : اتفضل يا دكتور
رجع ادم ودخل الأوضة اللي نور كانت نايمه فيها وبدأ يتكلم وهو ماسك ايديها وخايف عليها جدا
ادم : نور انا اسف مكانش المفروض اسيبك تنزلي حبيبتي سامحني
في الوقت ده كان زياد قاعد مع أسماء وبيتكلموا
اسماء : بقولك ايه يا زياد هو صاحبك متكلمش معاك عن انه بيحب حد كده ولا كده
زياد فهم ان قصدها توقعه في الكلام عشان تعرف ادم بيحب نور ولا لا
زياد بخبث : لا بتسألي ليه
اسماء : لا يا زياد بجد
زياد : طيب بصي يا ستي الكلام ده يفضل بيني وبينك
اسماء : من عنيا الاتنين هااا قول بقا
زياد : مستعجله ليه
اسماء : خلص يا زياد بقي
زياد : حاضر خالص بصي يا ستي هو قالي انه بيحب نور بس لسه عايز يقرب منها الاول
اسماء بنبرة نصر : كنت عارفه
زياد : يعني كنتي حاسه
اسماء : طبعا
زياد : وانتي هتستفيدي ايه لما تعرفي
اسماء : يا ابني افهم انا عايزه اقربهم من بعض
زياد : قولي هنعمل ايه وانا معاكي
اسماء : لا سبني اخطط الاول وبعدين اقولك
في قصر ادم....
نور : اه رأسي
ادم كان قاعد علي كرسي جنبيها وبيفوق علي صوتها
ادم : نور انتي كويسه دلوقتي
نور : انا ايه اللي جابني هنا
وتكمل وتقول وهي خايفه انا نزلت اجيب الورق والباب اتقفل عليا تحت من غير ما احس
