في شقة ماجي....
ماجي : مالك انا عندي خطه بس هحتاجك فيها
مالك : تحت أمرك
ماجي : اسمع اللي هقولك عليه.........
في نفس الوقت مع ادم ونور
ادم قاعد علي العشب جنب نور وهي نايمه في حضنه وباصين للنجوم
ادم : عارفه يا نور انا شايفك زي نجوم السما دي حياتي كانت ضلمه ولما شوفتك خليتها تنور
نور : انت عوضتني عن كل حاجه حصلت في حياتي خليت حياتي احلي بموت فيك يا ادم
عنيهم جت في عين بعض ومحسوش بحاجه غير انهم باسوا بعض بقوه كأنهم مش عايزين يبعدوا عن بعض ابدا
في المكان اللي زياد وأسماء موجودين فيه
زياد واخد اسماء في حضنه وقاعدين جنب النار
اسماء : انت طلعت رومانسي اوي يا زيزو
زياد : استني انا عاملك مفاجأة تانيه
اسماء : هو في اكتر من كده
دخل زياد الخيمه وطلع وهو ماسك جيتار
اسماء : ايه ده انت طلعت شبح
زياد : طب اسمعي بقي
وبدأ زياد يعزف ويغني اغنيه ل حماقي
( في جوه قلبي حاجه مستخبيه كل اما باجي اقولها فجأه مش بقدر قدام عنيك بقف وبنسي ايه يتقال ليه كل مره يجري فيها كده ليا ودي هي كلمه واحده بس مش اكتر والكلمه دي عندي فيها راحة البااال
حبيييييتك يوم ما تلاقينا لما حكينا اول كلاام
حبيييييتك واحلف علي دا تسمع زياده ده انا مش بناااام)
اسماء : انا مش مصدقه وداني صوتك حلو اوي يا زيزو وعرفت منين بقي ان دي اكتر اغنيه بحبها
زياد وهو بيقرب منها : انا اعرف عنك حاجات كتير من ساعة ما بدأتي شغل مع ادم وانا عنيا عليكي
اسماء بصوت واطي ورقيق : يعني انت بتحبني من فتره؟
زياد : ايوه
ومره واحده باسها بهدوء
اسماء خبت وشها في حضنه وهو ضحك علي طفولتها وحضانها
* بعد اسبوع *
نور بتخبط علي مكتب ادم في الشركه
ادم : ادخل
نور : ادم كنت عايزه اروح بدري النهارده
ادم : فيكي حاجه تحبي نروح للدكتور
نور : لا بس تعبانه شويه
ادم : طيب روحي وابقي طمنيني عليكي
نور : حاضر.
ادم قرب منها وحاضنها وهي نزلت
مالك : الو يا ماجي هي نزلت من الشركه دلوقتي
ماجي : حلو اوي استني لما تبقي عند البيت ونفذ اللي اتفقنا عليه
