البغداديات والشيوخ

البارت 3

هلاو 😚😘
ملاحظه غيرت صور البنات شوفوهن ببارت تعريف الشخصيات
-----------------------------------------------
البارت :الثالث
روايه:البغداديات والشيوخ
الكاتبه:فطوم♥
----------------------------------------------
في السياره او تحديدا في ميسان 💜
على لسان مرام
--طلعنا من بغداد انداريت شفت ميار نايمه وشهد نايمه هم وحاطه كتابها على وجها ابتسم عباس ورديت اله الابتسامه
مرام: ما تتعب؟؟!
عباس: لا. تعودت
مرام :؟؟؟؟
عباس: طالع طريق اطول مرات لاربيل ومرات لديالى يعني هيج شيء
مرام:حلو
عباس: نامي هسه وبعدين اني اكعدجن
مرام : اي والله نعسانه نامت
بعد مرور ساعتين ..
كعدنا على صوت عباس
عباس: اكعدن راح نوصل تقريبا ب 10 دقايق عدلنا خلفتنا 😂
شهد:اكلك عباس إذا انته حلو عليمن طلعت
عباس:هههه احم احنه العائله كلها حلوين
ميار: ولد عمي هم صاكين مثلك ؟!
عباس: ؟؟؟؟؟!
مرام: قصده يعني اء يعني حلوين هه
وخنزرت ميار
عباس:عدنا 4 عمام واحد من عدهم الي هم الصغير عمي أبو ولاء متوفي هو وزوجته وبناته ساكنين ويه عمي جاسم أبو علي العم الجبير وابويه الثاني وعمي أبو وسام الوسطاني وعمي المرحوم وعمتي سندس وعمتي هيفاء
وكلنه جيران واحد بيته بصف الثاني
ميار:حلو اكول ببببسسسس لا هسه راح نشوفهم
عباس:لا لا مو هسه باحر تجتمع العائله هي كل جمعه نجتمع
ميار:اووووه وكف كلبي
عباس:ههههه .. وصلنا . انزلن بسرعه اكو شيوخ هنا
وصلنا للبيت شفنا قصور مو بيوت كبار كلش
دخلنا بسرعه دخلنا شفنا شاب نزل من الدرج بس مو شاب كرطاعه
ليث:اللله من وين هذني المزز
ميار:دكول انته من وين يا مز
ليث:خجلتيني. انته خواتي
مرام : انته ليث؟
ليث:اي منو انتن
مرام:احنه أخواتك وراحت حضتنه
شهد:لا لا لا هذا المز اخويه حرامات والله
ليث استغربت من شفت البنات أولا حلوات ثانيا طلعن خواتي ثالثا ميانتهن القويه حضنته
ميار:بس لا متزوج
ليث :لا الحمد لله اتفضلن للصاله ليش واكفات؟ !
ميار :ليش محد بالبيت
ليث:والله ابويه ببيت عمي بالديوان وأمي طالعه وملاك زوجه عباس فوك واني هنا. . لعد عباس وين
ميار : شاف شيوخ وراح يسلم عليهم
ليث:خوش. شنو اساميجن
مرام: اني مرام الكبيره. وهاي شهد الوسطانيه .وميار الصغيره
ليث: تشرفت غوالي
شفنا وحده نزلت من الدرج
ليث:ملاك اعرفج اخواتي مرام شهد ميار
ملاك: ما شاء الله وصافحناها
ملاك: اسمي ملاك زوجه عباس
مرام: تشرفنا .
ليث: اني راح أطلع
البنات :الله وياك
ملاك:شنو تشربن
شهد:اريد عصير باارد بببليز
ملاك:تدللين راحت وصت الخدامة واجت
ملاك لابسه دشداشه زيتونيه مخصره وكيوت
مرام: صالكم شكم سنه متزوجين
ملاك: اء احم الصراحه اني انطيت هديه لعباس
مرام:اء اها
ميار:يعني ما بيناتكم شيء
ملاك: ذكيه هههه
مرام: ههههه شكد عمرج
ملاك : 22 سنه
مرام: حلو بكدي . اني هم 22 وشهد 19 وميار 18 وماصار الها أسبوعين من دخلت بيه
ملاك: حياتي العمر دايم. . ضلينا نسولف ودخل عباس
عباس: هلا والله صدك منور البيت
مرام : منور بأهله
عباس: اصعدن فوك ارتاحن. ملاك روحي وديهن بغرفتهم
ملاك: تمام .تعالن
ميار: وجنطتي؟!!
عباس: اهوووو هم راح تنكسر أيدي . ترى بديت اشك شايلات قنابل ؟!
ميار: شكالولك عنه . مشتغلين ويه مراد علم دار ؟!
عباس: ههههههه اصعدن وهسه اجيبهن يلا ملاك صعديهن
صعدنا
صدك سبحنا ولبسنا
مرام: بيجامه التيشيرت اصفر وبجامه نيليه طويله
شهد: برمودا رصاصي وتيشيرت بنفسجي
ميار: برمودا سوده وتيشيرت برتقالي فيروزي
طلعنا للصاله الي فوك
شويه واجت مره امي سميه
سميه: السلام عليكم ما شاء الله ملائكه حبيبات
مرام :تسلمين خاله
ملاك : هاي مرت عمي . سميه
ميار: هلاو سوسو ههه
شهد :لا سمسم هههه
دفعتهن مرام بخفه وخنزرتلهن
سميه : حبيبه شنو مشتهيه سمسمية تريد أجيبها الج
مرام باوعت الها وشفتها حبابه
مرام:تسلمين خاله بس ذني جاي يحششن
صافحناها
سميه :جوعانات افرش العشه هسه ؟!
ميار: عن نفسي راح أنام تعبانه جسمي متكسر من وره السياره
سميه: جا غير تاكلين يله
ميار: تسلمين خاله بس مالي نفس
مرام: كذلك احنه
سميه: براحتجن يابعد كلبي . نامن وارتاحن حتى باجر اتباهه بين الديره هذول بناتي ملائكه
البنات: شكرا
رحنا كبل نمنا نمنا الساعه 8:30 اول مره بالتاريخ . حطوها بدل تاريخ شعلان أبو الجون لو الملك غازي هههه
&&&&&&&&&&&&&&&&&&&
في مكان آخر لكن في نفس الولايه
بيت أبو علي
دخلنا للبيت وشفنا علي طالع من الديوان
علي : الله بالخير شو جايين متأخرين؟ !
كرار: شغل هووواي تعبنا من الساعه 4:00 العصر واحنا نشتغل
علي:الله يساعدكم
آسر : ماريد شيء هسه غير الجربايه
كرار : صدك تعال رحنا على بيت بنات عمي أبو وسام سمعنا بناته وبنات عمي المرحوم أبو الاء يحجن ويكولن .بنات عمي أحمد اجوي ناقصنه احنه شني هاي . قصدهن يابنات اني اعرف عمي ماعنده بنات غير هذني الي ببغداد من زوجته الثانيه
علي: اغبياء . ما تذكرون من كال عنده بنات ببغداد . جاباهن
آسر :شعحب . ويمته شو احنه اخر من يعلم
علي: جنتم نايمين فوك شسويلكم يعني ادك طبل...
كرار:هم صح يله راح ننام لا تكعدني على العشه
علي: ادخلوا للديوان اني هم تعبان عيوني يفتحن ويغمضن
سمعوا صوت من وراهم
أبو علي:روحوا ناموا كلهم ماله داعي أهم شيء راحتكم
علي:يابه والديوان؟ ؟؟
أبو علي:ما عليكم اني اديره ولا تنسى ولد عمك هنا .. باجر اكعدوا من وكت باجر عزيمه بنات عمك تمام .
آسر :تمام . يلا بأي بعد ما اتحمل يجوز انام هنا علي بضحكه:امشوا امشوا تصبح على خير يابه
وصعدوا سبحوا وكبل ناموا بحيث لو يصير يمهم انفجار ما يحسون
&&&&&&&&&&&&&&&&&&&
في الصباح العماره💜 بيت أبو عباس
كعدنه الصبح على صوت خالتي سميه مرام كبل كعدن بس شهد وميار تنبل مال نوم شكد ما ينامن ينعسن. بعد محاولات عديده جبنه بيض
مرام: ميار هذا بيدي بيض . إذا ما كعدتي احطه فوك راسج
ميار: ييييععع كعدت بس كلشي ولا البيض
سميه : شنهي هاي يمه
مرام: ههههه خاله . ميار عدوها اللدود البيض
(منو مثلي أكره شيء اسمه بيض يعع😵 حشه نعمه الله بس اني اكرها )
ميار تقلد عليها: خاله . ميار عدوها اللدود البيض. عااااابت
مرام: هسه نروح لشهد
مرام: شهد تكعدين لو افرمت جهازج
شهد: عززززه يمه فرمتيني اني بس جهازي لا
مرام : شششفتي خاله
سميه: ما شاء الله ذكيه يله راح انزل لعد
شهد: اني اعلمج بنت الخر استغفر الله الحجايه بطرف الساني
ميار بعصبيه دخلت: اني اكمل عنج بنت الخ#### شنو انتي من مصيبه
مرام: عزه بعينج هسه يسمعج واحد . شسوي إذا العائله راح تجتمع شترديني اسوي . اهز شرقي مثلا ؟!
ميار:راح أولي اسبح. .
مرام:تريكي وبعدين اسحبي
ميار:شنو الريوك تعرفيني ما اتريك
مرام:كاهي وكيمر
ميار:لعبانه نفسي ما اريد اكل
مرام:شبيج انتي حتى البارحه ما تعشيتي
ميار: شمدريني مالي شهيه اكل انزل اشرب حليب احسن
تريكنه وكالوا الغده هناك رحنه لغرفنه سبحنه ولبسنا
مرام :👇