هلاو شلونكم
رجعت الكم ببارت جديد طبعا أعتذر إذا لكيتوا سحكات لأن صمله عليكم مريضه وشاكين بروحنه بينه كوفيد 19 او (كورونا)
طبعا احنه حللنا وباجر تطلع النتيجه ادعوا انشالله ما بيه شيء ولو احنه متأكدين بينه كورونا
المهم صوتوا للبارت وعلقوا هم احبكم ما راح ابوسكم اخاف اعديكم
بسم الله
]]¤]]¤]]¤]]¤]]¤]]¤]]¤]]¤]]¤]]¤]]¤ بالمستشفى. .....
شهد : هههههههههههه كبر ولا جنن وحده توها كاعده من الغيبوبة
ميار: لعد ترديني انطمر شسوي ما نعسانه اريد احشش
شهد:حششي ههههههه لحظه بس دك موبايلي
ميار: منو ؟؟!
شهد: آسر. ها ألو آسر. .. اي كاعده يمها .... اي تسمع ....... ههههههه ليش افضحك. .... تمام يله ..... عابت مو مال معروف ...بأي
ميار: شيريد ؟!!!
شهد: يسلم عليج ويشوفج
ميار: صدك يريد يجي الي يشوفني
شهد: ااااييي شعبالج لعد . تعالي اعدل جهرتج
ميار : احد كلج راح اولي لمسابقة الجمال وولي من يمي
شهد: يااا غير راح يشوفج الولد
ميار: وشبيه هسه اخبل
شهد: أي اي تخبلين
ميار : اكولج شهد يمته اولي للبيت واطلع من المستشفى ؟؟؟!
شهد :بعد ثلاث ايام
ميار:لااااا ما اريد اريد أطلع هسسه
شهد: عمري تره بعدج ما صايره زينه
ميار: اووووف
شويه وخابر آسر
شهد: ها ..... لليش ؟! .. بكيفك لعد . لا ما يحتاج شكرا .. بأي
ميار :ها
شهد: ما يكدر يجي عنده شغل
ميار بداخلها:طايح الحض أبو النسوان عساس هسه اني ميته حتى اشوفه وجهه الجوب عابتله
ميار :شهدوه نعست اريد انام
شهد : تمام ارتاحي
]]¤]]¤]]¤]]¤]]¤]]¤]]¤]]¤]]¤]]¤]]¤
بعد مرور يومين. ..... شهد
اليوم تحضيرات ببيتنا عزيمه بمناسبه سلامه ميار والولد راح نذبح 15 خروف لأن بابا عازم شيوخ والنسوان يكول عرس نضفنا البيت مسح من فوك ليجوه ونجيب ونعدل سوينه سبع جدوره دولمه وسمج نجيب مشوي من بره تعبنا حيلل خلصنا تنظيف طبعا البارحه رحت للسوك وجبت فستان للميار اجهزها هناك نمت الظهريه كلها وتغديت اجني بنات عماني وعماتي وكعدنه نجهز غده لباجر رحت اني وزينب ننظف الكراج
ذبيت زاهي وتذكرت من جنا ببغداد
..........
شهد: مممميااااار مممميااااار
ميار: وووججعااا وووسما مو كرهتوني باسمي شككككوووووو
شهد: نور تكول امسحوا الطارمه
ميار: شبيها نونه الحنونه انكلبت قاسيه
شهد :ههه امشي يله اممشي
ميار : ليش ما تدرين غير وكعت من برج خليفه وانكسرت رجلي والطبيب كال لازم ترتاحين لمده شهرين
شهد: وشلون رجعتي للعراق
ميار: جون سينا نفخ بوجههي وطيرني
شهد: لا تمسلتين برأسي تجين وياي لا اكول لخالو يسحب منج الموبايل
ميار : وولاا تكعد راحه سندريلا ضلت تلوب على الامير طاح حضج يا شهد وطاح حض اميرج انشالله يجيج راكب مطي
رحنا للكراج
ميار : وعيني مرام وين لو على رأسها ريشه ما تنظف
شهد: كاعده تسولف ويه نور
ميار وهي تتخصر: لابله عجايز إيران يسولفن واحنه نكرف
شهد: استغفر الله يمعوده تره هو كراج مو ملعب النخيل
ميار: مااشي اني اعلمج يا مرام
شهد :الله يستر من اني اعلمج .. اني ارش وانتي تمسحين
ميار: لا بله نقسم الكراج
شهد : استغفر الله اني امسح وانتي رشي
ميار: فديت يروح المالكي فدوه لجواريبج الخاسيه
شهد: هههههههههههههههههههههه
رشت ميار الكراج وجابت زاهي وتايت
شهد باستغراب : شسوين
ميار بضحكه: انتظري رشت ماي عليهن وصار وغف
شهد وهي تمشي ببطى حتى لا تتزحلك: صصخخمانه شسوين
ميار : اني اعلم حليمه السعديه كاعده تسولف واني أمسح اله ازحلكها . شهد هاج موبايل صوري المشهد الخنفشاري وكعه مرام هههاااااي
شهد بحماس : هلا هلا راح يصير اكشن حلوو
كعدت ميار بالكاع وصرخت بصوت عالي مممممراااااااممممممم ااالللللحكي شويه وشفت مرام اجت ركزت الكاميرا عليها اول ما وصلت ومرام طارت ووكعت اني وكعت بالكاع من الضحك وميار نامت على الكاشي من الضحك مرام كامت بقهر تريد تهد ورجعت اتزحلكت متنا من الضحك ومرام هم كامت تضحك ونور يم باب المطبخ ممده تضحك ركضت لمرام اكومها وما احس الي اني طاريه بالهوى تفلشت بوقتها ربع ساعه احنا بس نضحك
.....
ابتسمت من اتذكرت الموقف رشيت شويه زاهي لو هنا ميار جان تودي العائله كلها للجمله العصبيه ههههه
مسحنا الكراج ووراها كعدنه بالمطبخ نسولف
بنين: هلا هلا واخيرا راح نشوف ميار وربي مشتاقتلها
فاطمه : ههه اي والله
مرام: شهوده اخذتي غراض ميار
ها صحيح نسيت اكولكم تصابحت ويه مرام لان اجت البارحه بالمستشفى تبجي انقهرت عليها وحظنتها ومن دخلت لميار ابتسمت الها ميار ومرام ركضت حظنتها. .
شهد : اي مكياجها الفستان الحذاء وكلشي
مرام :حلوو
خلصنا اكل وغطيناه وراحن البنات اني صعدت سبحت وبدلت لبنطرون ابيض وقميص زيتوني طويل وشيله زيتوني ماحطيت مكياج بس خفيف مسكارا وحمره وطلعت رحت لغرفه ليث شفته واكف ولابس بنطرون جينز وبدي ابيض ويمشط بشعره
ليث: خير شهوده
شهد: اريد اروح لميار
ليث: امي هم راح اروح امشي
شهد: حلو امشي
ركبنه ورحنه للمستشفى
رحت لغرفه ميار وليث راح يصف سيارته
شهد: هلاااو
ميار : لا هله انتي كساع جايتني هيج البيت مو حلو بدوني؟ !!
شهد ابتسمت هذا استقبال ميار يدل على انو محتاجتج يمي : هههاااي مصدكه روحج هواي نانسي
ميار:نعال على نانسي تعال كوميني والقرآن اختنكت
باوعت لميار مبين نفسيتها تعبانه تنهدت ميار من كعدت صايره نفسيه ساعه تشاقه وخمس ساعات تنام مرات من اروح تخابرني حتى اجي لأن تمل تقدمت
شهد بحنان : شبيج عمري ؟!
ميار بخنكه:مااا اعررف ضاايجه
شهد بحذر:ميار انتي حلمتي بأحد
ميار باوعتلي: دم قتلت هيه كالت اذبحها كلتها حرام خطيه بس هيه ذبحتها مسحت السجينه بملابسي
شهكت مرعوبه : ميار حبي هذا جان حلم صدكيني
ميار بصراخ: مممووووو حللللم مووووو حلللمممممم ذذذبببحتها كككباللللي وووووشكككت ااااييييييددي مممموووو حلمممم موو حلم
ركضت حظنتها واني أقرأ عليها ايات حسيتها هدأت بعدتها وكلت
شهد: ميار حبيبتي اهداي ليش ما تنسين ليش المره ماتت وراحت حسابها يم ربها انسيها يا عمري اخاف يصير بيج شيء لخاطر ماما انسي
أنت تقرأ
البغداديات والشيوخ
Romansaقصتي تتحدث . ثلاث اخوات بغداديات يعشن في منزل خالهن يتيمات منذ الصغر ولكن . في يوم وليله يأتي والدهن الذي لم يراهن منذ زمن للمطالبه بهن .ليذهبن لعالم جديد وولايه جديده . ياترى ماذا سيحدث هناك ؟؟! تابعوا القصه لتعرفوا ❤
