البغداديات والشيوخ

بارت 12

السلام عليكم 😁 مشتاقين.
اعتذر البارت 11 جان بيه سحكات قوويه اعذذرونني مدري وين جانن عيوني من كتبتها 😂
التفاعل والمشاهدات دايصرن اكثر والاسئله عن يمته انزل البارت كوومه فقررت كل خميس راح انزل بارت يعني موعدنا
الخميس / الساعه 9:00
ينزل البارت
اجاني سؤال من وحده من المتابعين شنو اسم الروايات الي مسحتيهن ؟
اول روايه كتبتها ما اتذكر اسمها بس تحجي عن حب جامعي وحذفتها
ثاني روايه كتبتها فصليه من بغداد بس حذفتها لأن لعبت نفسي من سوالف الفصليات وجان ماكو دعم حذفتها.
وحذفت الواتباد كله
نزلته ورجعت كتب روايه بس حذفتها لأن كتبت روايه ثانيه اسمها اسيره داعش رجعت حذفتها اتذكر كتبتها برمضان وهم حذفت الواتباد رجعت نزلته كمت اباوع روايات عن المافيا وعجبني أكتب فكتبت روايه اسمها رجال المافيا والجميلات وطبعا هاي أكثر روايه تندمت من مسحتها . اول ما مسحت هاي الروايه كتبت روايه البغداديات والشيوخ وعجبني اكتبها وشفت التفاعل فقررت ما امسحها لأن اني نفسي عجبتني الروايه وطبعا بعد ما أخلص الروايه راح ابدي بروايه ثانيه وقصه مختلفه وهسه خل نبدي بالبارت ونكول
.....................بسم الله......................
'¤'¤'¤'¤'¤'¤'¤'¤'¤'¤'¤'¤'
روايه :البغداديات والشيوخ
'¤'¤'¤'¤'¤'¤'¤'¤'¤'¤'¤'¤'
البارت : الثاني عشر (12)
'¤'¤'¤'¤'¤'¤'¤'¤'¤'¤'¤'¤'
الكاتبه : فطوم ♥
'¤'¤'¤'¤'¤'¤'¤'¤'¤'¤'¤'¤'
في بيت أبو علي
كعدت الصبح شفت مرام بحظني ونايمين بالكاع بدون مخده بس كوشه نايم عليه ومرام بحظني ومتغطين بجرجف ابتسمت وكمت على كيفي شلت مرام وحطيتها على السرير وغطيتها واني متكسر من النومه ونعسان لأن مانمت الليل كلنه نلعب غسلت وفرشت توضيت ورحت صليت وبعدها سبحت بدلت لبنطرون عسكري وبدي اسود لبست ساعتي ومشطت شعري وحطيت عطر ومشيت للسرير بستها من خدها واخذت الجنطه وطلعت الساعه هسه 4:30 شفت يمه جاسميه تسبح رحت يمها وكعدت بحظنها
جاسميه :اووووفيش رريحه اللغالي
علي:هيه خربت من كامت الحجيه تكول اووفيش حتى مو ااافيش لا اوووفيش
جاسميه :ياا شسوي إذا بنات عمك أحمد لازكات بكلمه اووفيش حتى مرتك تاكل تكول اااووفيش انه شسوي إذا الكلمه لزكت ببالي
علي :ههههههههه والله بنات عمي أحمد راح يخربن العائله
جاسميه :مايعات .. اكلك يمه راح تروح
علي:ايي
جاسميه: يممه سوده عليه مكرود عساها كون بكل واحد ارهابي يموت
علي:ههههههههه تسلمين حجيه يله انه اروح
جاسميه :روح يمه بحفظ الله بس ها سوالف الضباط بدلها شوف شغلك بدون نسوان
علي: حجيه هيه غلطه وحده وتندمت بكد شعر رأسي
جاسميه : اي يله روح مع السلامه رحت للسياره فتحتها وصعدت باوعت شفت يمه جاسميه واكفه وبيدها طاسه ماي يمه فدوه اروح الج اشرت بايدي ورحت متوجهه للبصره الحبيبه ❤
****
ميار كعدت ساعه 3:30 الظهر شبعانه نوم بس اريد بعد كمت بكسل شعري بعده مبلل مالي خلك اسبح غسلت وسويت شعري ذيل حصان لبست برموده بنفسجيه وبدي ابيض ساده رشيت عطر شفت شهد لابسه بيجامه بيضه وبدي نيلي وشعرها كبه
شهد:صح النوم توج كعتي
هزيت رأسي
شهد :اني هم شراح يخلصنا من خاله سميه
ميار :هههههههههههه هسه ننزل ونشوف
نزلنه
سميه :ياهلا نزلتن
ميار:لا صعدنا
سميه:تعالن تغدن
شهد بهمس:شعجب ما رزلتنه
ميار :اندري ..
سميه :تعالن تغدن يله
ميار :شبعانه ما اريد
شهد: me to
سميه:ياااا ليش ..
ميار:يممممي يمممي المن هذا الكعك
سميه: لمرت عمج خيريه
كشرت
شهد:لعد راح نأخذ شويه
سميه:اي اي اخذن وغمسنا بالجاي وراحت
شهد :اوووه هو اني ما صدكت خلصت من خلقتها البارحه انوب هسه وأكيد تجي وتشمت بماما
ميار بخبث:شنو رايج نخليها بعد ما تدخل لبيتنا ابد لدرجه من تشوف البيت ترجف وبنفس الوقت ننتقم منها
شهد:شلوون ؟؟؟
غمزت الها وابتسمت بشر وبديت احجي كل ما احجي وابتسامه شهد تتوسع ووصلت لذنها خلصت وضربت كف بكف وابتسامه الشر لا زالت على وجهنا
****
عند مرام كعدت ساعه 9:30 نعسانه كومه شفت علي ماكو دمعت عيوني تنهدت كمت غسلت و عدلت الغرفه ونظفتها رحت للحمام سبحت ولبست دشداشه شبابيه بيجيه حطيت مكياج جوزي وشيله جوزي وحطيت عطر نزلت
مرام: صباح الخير
: صباح النور
رحت للمطبخ اساعد خاله أم علي
مرام : صباااحو خالتوو
زهره: ياا باع البنيه انكلبت سوريه
مرام :هههههههههه
زهره : صدك ما كتلج اليوم خيريه كالت تروح لبيت ابوج
مرام : خوش
زهره: بس ما اروح
مرام :ليش ؟؟
زهره : والله لازم تروح للسوك باجر يجي اخويه من البصره هو وولده وراح تروح بس خيريه
مرام :خوش هلا بيهم
زهره: باجر لازم تجيبين ميار وشهد مرت اخوي تكول ما اروح اله اشوفهن واشوف العروس تكول رجعن النسوان كلهن يحجن ومتعجبات جمال وأخلاق وشابات
مرام : هههههههههههههه
زهره : والله اريد باجر يجي تكول من نجي اكو مفاجأه الكم اكول الها شني تكول ما اكول
مرام: هههههه مليان فضول مليان
دك تليفون خاله زهره
زهره: هاا الووو خيريه .... اعذريني ما اجي ... يااا عادي روحي وحدج. .... مع السلامه
مرام: ها
زهره:خطيه خابرتني حتى اجي وياها عبالها غيرت رأيي
مرام بداخلها : ياستار. ميار وشهد متأكده راح تسون مصيبه بس الله يستر كون يعدنها علي خير
قاطعنا دخول فاطمه ززهراء الدرامي
زهراء :خخخياااانه آآه يااالههي خياااانه
فاطمه : ماااذا حدث هنا بحق البشريه
زهراء: لا اعلللم أنا لا اعلم سوى الخيانه
زهره: خيانه تخنخن عقلج انشالله
فاطمه :هههه شبيج يمه
زهراء:انندددري شبببيج يوووم
فاطمه : يوم لو أسبوع
زهراء: أسبوع لو شهر
فاطمه: شهر لو شهرين
زهراء: شهرين لو ثلاثه
فاطمه: ثلاثه لو ارباااااااااخخخخخخ
جاسميه : وخمممسه تخمممس عقلجن
فاطمه :شبيكم انتو اليوم ويه عقلنه؟
جاسميه: وووسم صوتجن واصل للشارع
فاطمه: جا هيج تطكيني
جاسميه : واكسر راسك هم
زهراء: يااااا جا إذا هيج السالفه خل اشرد
فاطمه :شرديني وياج
زهراء:اركض خوويه عاامر اركض ارركض
طلعن من المطبخ واني ميته من الضحك ميار وشهد النسخه 2 هزت جاسميه ايدها وراحت وخاله سميه تشتغل سكتت واجيت اساعدها بعد الحاح من الها لأن عروس وماتقبل اشتغل
****
في بيت أبو عباس شهد
نزلت لابسه صايه وشيله جوزي وميار صايه وشيله بيجي نزلنه شفنا خيريه ما موجوده
شهد: السلام عليكم
:وعليكم السلام
سميه: ها وين ؟؟
شهد: عنده كم حاجه نريدها وراح نروح نجيبها
سميه:ها خوش الله وياجن بس لا تتاخرن
ميار :تمام
شهد : لعد وين خيريه أقصد خاله خيريه
سميه: راحت للسوك
ميار ابتسمت : كولش زين يله شوشو
رحنا وصعدنا بالسياره مال السائق شاب ومرتب وحليوو
ميار بهمس :يممه عندنا سايق شاب وصاك وأني ما ادري
شهد: من باجر اكول لخاله أغير غرفتي ولوكي وأريد اروح للسوك
ميار : ههههههههه
شهد: السلام عليكم
ميار :بعد وكت وصلنا للمجمع
السايق: وعليكم السلام هههه
شهد:شسمك ؟
السايق : حيدر
ميار: اااثكلللي بووويه اللثكل حلوو من وجه حيدوري
شهد: عاش الشخص الي سماك شكد عمرك
حيدر: شنو تردين تطلعين جنسيتي ؟؟
ميار : هاا لا تره نيتها شريفه بس استغربت لأن السائق مالتنه شايب وكرشه طافر لبغداد تكول بضاعه ركي
حيدر: ها هذا ابويه واليوم مريض وما يكدر يروح
سكتنا من الفشله
ميار : اااء مو قصدي
حيدر: ههههههه ولا يهمج عادي . وها عمري 26
شهد بهمس: اذوووب أنني اذوب
ميار :انجبي كافي تره والله عيب بعدني متفشله
شهد: ههههههه منو كلج تصنفين بس تردين الصدك عجبني التشبيه استخدمه بالمستقبل ههه
ميار: سم كون
وصلنا نزلنا
ميار :شهد هسه عوفي الصاكين والحلوين والمزين وخلينه نركز بالخطه
شهد: تمام
ميار: بااع هذا المز عمي يا حيدر يا بطيخ معقوله هيج نماذج موجوده العراق
شهد: اندري خيه
ميار :تمام هسه نزلي عيونج عيب هنا هواي شباب
شهد: تمام
رحنا للمحل
ميار:نأخذ هذا الاحمر لو الابيض
شهد:لا حبي الابيض
ميار:خوش
شهد: هسه نروح لقسم العبايات ؟؟
ميار: اييي يله
تسوكنا كلشيء نحتاجه للخطه وغراض النه حتى لا يشكون
طلعنا من المجمع
شهد :دااكول هذا المجمع بيه كوومه صاكين
ميار: استري على ولد الناس يمعوده
شهد: قابل ذابه الهم رقم
ميار :حتى يفصلون عليج
شهد: هههههههه
صعدنا بالسياره ونخطط ونجهز للخطه
شهد : خاف تتخربط علينه وتموت
ميار: موته جلاب السوود
دخلنا للبيت شفنا خيريه خانم موجوده ذبينا السلام بدون ما نبوسها صعدنا كبل لغرفه ميار
شهد :هسه شنو راح اسوي
ميار: تروحين تطفين الكهرباء راح ارمش عليج يعني طفي الكهرباء واني راح البس القناع والعبايه واوكف يم باب الحمام واذب زيت وانتي انطيها الماي الي بيه كاري واني اروح اساعدها واسمي عليه تروحين انتي تذبين الشيله مالتها وترشين الدم الاصطناعي عليه هيه والعبايه وبين ما هيه تشوف عبايتها اروح اني لشحاطتها وادك بيها بسامير واخربها ارجع الها واذب بدشداشتها صرصر الحقيقي الي اشتريناه ونذب عليه شويه دم اصطناعي وبس
شهد: ولللج ميااار خاف تروح لمستشفى المخابيل
ميار : هههههه بعد احسن والله
شهد: عليج عقل شيطاني عود انتي كلتي بس نخوفها يالقناع واني كلت خلينا نخرب ملابسها لج عززه ذني السوالف منين
ميار: شبيج لازم ابهارات ويه الدولمه وهسه يله شهد: زين واذا ما راحت لحمام تعرفيها ما تكوم من مكانها
ميار : هههه خاف اكول وتنتحرين ؟
شهد: شنوو
ميار: جبت حبوب إسهال
كمزت شهد: جذذذذب يمعوده خاف تتتسويها علللينااا ... ولج شنو من عقل عنندي ادري عقل لو مكبره
ميار: هههههههههههههههه المهم يله نبلش
بوكتها حضرنا كل شيء وحنا ميتين حماس للخطه
نزلنه راحت ميار تجيب عصير جان الكاسات اللوان والأحمر خيريه حتى ما نفرق وشفت ميار ذبت حبتين خرب هبل هاي ما ناويتها على خير وزعت العصير واول وحده خيريه
خيريه: أكثر لون احبه الاحمر
ميار: رومانسيه الحجيه
لزكتها كلت الها كافي غمزت الها وهي صعدت فوك
***
ميار البارحه كووه نمت لأن جان همي الانتقام ما انسى من جنت اشوف امي لازمه صوره بابا وتبجي بديت احقد على الكل واولهم ابوي جنت انتقم وأخذ حقي بالساني وعقلي اخليه يندم على الساعه الي جرب يطخ بيت ورده ومن خلال كلام نور عرفت خيريه العضو الوحيد الي لازم اندمها على الساعه الي اندكت بماما ما يهمني صراحه إذا ماتت أهم شيء اخذت انتقامي ولو هيه عار وما تموت صعدن لبست حجاب اسود لبست القناع وحطيت العبايه على كتفي جانت طويله حيل نزلت بهدوء للحمام وختلت بالمكشوقه يم الغساله يم باب الحمام دزلت إليه شهد صوره خيريه وهي تتحرك وكتبت جهزي نفسج كامت خيريه ختلت كلش زين سمعت باب المكشوفة ينفتح ووراها راحت فتحت باب الحمام ودخلت انتظرت دقيقتين ورمشت لشهد تطفي الكهرباء ثواني وطفت الكهرباء وكفت كبال باب الحمام وجان اكو ضوء خفيف بس مبين وجهي دقيقه وطلعت خيريه قدمت وجهي وما احس غير صرخه عاليه
خيريه: يبووووووووووووووووووووووووووووووووووووووووووووووووووووو بسم الله الرحمن الرحيم دفعتها للحمام واني ركض كمزت من الباب اخاف لا يشوفوني ركضت فوك إني اركض وانزع القناع والعبايه والحجاب شمرتهن بالغرفه سمعت صوت وكعه وصرخه خيريه ضحكت بصوت هامس نزلت شفتها واكعه يم باب الحمام شفت خاله سميه وملاك وخاله عائشه يركضن كومت خيريه واني كوه كاتم ضحكتي
خيريه: يبوووووو يمممه ضضضهههريييي رااح اامموووتن يمممااااي
سميه: خير خير داده شبيج ؟؟؟
خيريه : ياااا خير هذا البيت مسكون يبوووو جابت شهد الها ماي شربته وبزته
خيريه: شنييي هااااي
شهد: ياا ما أدري هذا الكاس بيه كاري من استعجالي
ملاك: هسه إني اروح اجيب ماي
ميار: بسم الله خاله اهدي
شهد: خلي انزع الشيله خطيه خاف تختنك نزعت الشيله الها وراحت للصاله
سميه: يا داده شني مسكون
ميار :خاف خرفت؟ !!! شنو مسكون ؟؟
خيريه :وااالعبباااااس شفتتت عفريت يبووووووو اننننطووني عباتي لحظه وحده ما اظل بهذا البيت
ميار:زين خاله اشربي بس ماي ما يصير هيج
اجتي شهد واشرت إليه باوكي وراحت جابت ماي شربت خيريه الماي وراحت للصاله والكل راح وياها ركضت اني طلعت من الكاونتر جاكوج وبسامير اصغار ركضت لشحاطتها ودكيت بيها خمس بسامير وخمسه لتك الثاني واني ادك سمعت صرخه خيريه ضحكت ورحت ركض ذبيت الجاكوج والبسامير بالزبل من استعجالي دخلت للصاله شفت خاله سميه وجها اصففررر وملاك هم وخيريه تلطم وخاله عائشه مشغله قرآن رحت للمطبخ جبت ماي وطلعت الصرصر هذا صرصر حقيقي مو اصطناعي رشيت عليه قطره دم لبست كفوف بلاستك شفافه شلتها واني كاشه روحي اشرت لشهد تاخذ الماي وكفت ورا خيريه وذبيت الصرصر كبل ذبيت الكفوف وعقمت ايدي
ميار: يمه خااف بيها تابعه
خيريه : يبووووووووووووووووووووو سكتت فجأه وكالت
خيريه: اااريددددد اااافووت للحمام بسررعه سميه تعالي وياي راحن للحمام
ملاك : عززه شفتن الدم
ركضت جبت علاكه وشلتهن وحركتهن حتى لا يشوفوهن إذا راحوا للشيخ ويعرفون هذا دم اصطناعي سمعت صرخه خيريه اني هنا متت ضحك ما اتحملت وووه كل هذا وبعديني ما ارتاحيت طلعت خيريه ركككض لابسه عبايه خاله سميه لبست شحاطتها جاي تمشي جان تكول
خيرييه: يبووووووووووووو رججججلي انطيت الها شحاطه ثانيه وركضت للبيتها وخاله سميه وياها ركضت اني وشلت البسامير دخلت والوضع طبيعي ركضت ملاك تخابر عباس وخاله عائشه تشعل القرآن صرنا وحدنا اني وشهد ضربنا كف واحنا نننضحك
ميار:ههههههههههههههههههههههه شنو راااايج بالخطه هههههههههههههههههه راح امووت هههههههههههههههههههه بببببططططننني هههه
شهد: هههههههههههههههه لا ما افتهمت منها شيء ههههه بس يبوووووو هههههههههههه اليوم الليل ما تنامه هههههههههه
ميار : حل تستاهل
شهد: كفوو من صدك كفووو عرفتي شلون تاخذين حقج كفووو
ميار: مو حقي حق امي وحقنا وكل هذا بعده كلبي ما برد انتظري خيريه وشوفي شسوي بيج بعد
شهد: انشالله
*
شهد:من شفت عيون ميار وبيهن لمعه انتقام اتذكر امي وعذابها ودموعها جانت تحب بابا من صدك انتبهت على الخطه كلش زين
اجتي خيريه وسلمنه عليه سلام بدون بوس جابت ميار العصير ووزعته كبل راحت لغرفته دزتلي رساله "شهد اني جاهزه وهسه منتظرتها " طكيت صور لخيريه واني ارسلها كامت كتبت لميار "جهزي نفسج كامت خيريه" من كامت سويت روحي اجاني اتصال ورحت يم الجوزات مال كهرباء أنتظر ميار ترمش عليه من رمشت طفيت الكهرباء شويه وسمعت صرخه هزت البيت هزت ضحكت اصلا متتت من الضحك شويه وشغلت الكهرباء ورحت للمطبخ جبت الكاري وحطيته بالماي جبت الها الماي بس بزته
وانتم شفتوا شنو صار 👆 شويه وذبيت الشيله مالتها وركضت للصاله الي بيها العبايه طلعت من جوه التخم (الاركيه) الدم الصطناعي ورشيت على عبايتها وشيلتها خلصت وذبيت البطل بالزبل بجيس مال جبس وركضت للمطبخ وبعدها صار الي فوك 👆
****
بعد مرور ساعه كامله كاعدين بالصاله ملاك صافنه وميار وشهد يلعبون بالفون دخلت خاله سميه وياها شيخ احنا ركضنا لبسنا شيلات بسرعه
ملاك : شني هاي خاله ؟؟؟
سميه: خلي يقرأ بالبيت يشوفه مسكون لو لا افتهمتي ؟؟
ملاك: ها اي افتهمت
كعدت الشيخ يقرا ويحوس بالبيت وبعدين كال
الشيخ: البيت مابيه شيء سالم الحرمه بيها تابعه بيتكم سالم غانم
سميه: تسلم شيخنا
انطانا أدوات نرش بيها البيت وراح وبعدين كل واحد صعد لغرفته
***** عند مرام
كعدت خاله زهره تحجيلنا عن إلي صار ببيتنا عرفت ميار وشهد السبب رحت صعدت فوك لغرفتي قفلت الباب وخابرتن مكالمه جماعيه
ميار :يااااهلا
مرام:وسم ووونعال
شهد: يا ستار اليوم هداده
مرام: شنو سويتن بالمره
ميار : هههههههههههه ديرتي ؟؟
مرام :لا بعدني استغفر الله ووولجن لللييييش ماتكللي للليش
ميار: مرام اسكتي. تأكل خرا وتستاهل هم ولاعبالج راح اااسكت لا عيني لا شوفيي شسوي بيها بعد اذا ما اخليها تتمنى المووت ما يطلع اسسسمي مياررر
مرام: زززين للليش ما تتتخلين الله ييحاسبها يااخذ ثاار ماما
ميار :والنعم بالله ... هيه الللسبب ببدمار عائلتنه هيه الللي حرمتني من حنان الااب على الاقل هووو حضنجن ووووسمه عليجن وسماجن أما اننني لاااا انحرمت من هذا كلههه بسسب حححقدها وووسمها هم
مرام دمعت عيوني: بس مو هالدرجه
شهد: لحظه مرام ... اني ويه ميار وأي خطوه تسويها ميار اني وياها لا عبالج اااسكت مثلج اني مووو فاهيه اخلي الناس تاخذ حقي منهم ليش شنو ماعدنا عقل لو ايد لو رجل ؟؟ها كولي
ميار :نسيتي اللسان
شهد: هو هذا الكلب والروح والريه وكل الناس يمه عاااريه
مرام: اني ما اريد يصير كلبجن اااسود ارريده ابيض
ميار: لا تخافين هسه هو رمادي
مرام: هههههههههه عابت صدك نسيت اكول ؟
شهد وميار: شنوو ؟؟
مرام: خاله زهره كالتلي مره اخوها تريد اتشوفجن وكالت ما أطلع الا اشوفهن من كد ما يحجن عليجن
شهد : صددددوووك
مرام: ااييي وباجر يجن لاا تنسن تعالن
ميار: تمام
مرام: يله مع السلامه راح اروح اني عيب عفتهم وحدهم يحجون
شهد وميار: الله وياج
مرام: وهاااا نننسيت اكوول ابوووس اللعقل الي سوه هيج خطه عمي الشيطان كاعد بزاويه ويصفك
ميار وشهد :هههههههههههههه
مرام :مع السلامه وسديت الخط
***** بالليل
كاعدين اني وشهد وليث
ميار: وهاي كل الي سويناه
ليث : ههههههههههههههههههههههه مووووو عقللل ههههههههه شسوتن بااللمره ههههههه
شهد: هههههههههه لو شايفها تصيح يبوووووو ويبووووووو تكول ميت ابوها
ليث:ههههههههههههههههه فددوه متاكدات انتن ااانسانات وربي شيطان بجسد انسان
ميار :ههههههههههههههه بعدك ما شايف شيء
ليث : ياااستار يا ربي هههه يله امشن ولن اريد انام
شهد: نامت عليك طابوكه
ليث: ليش ولج
شهد: بكيفي
رحنا لغرفنا كمل نمنا وعلى وجوهنا ابتسامه شكبرها
'¤'¤'¤'¤'¤'¤'¤'¤'¤'¤'¤'¤'
ستووووووووووووووووب
شنو رايكم بالبارت ؟؟؟😀
عجبكم لو لا ؟؟ 😄
تردون استمر بالخباثه لو لا ؟😈
انطوني رايكم بالتعليقات 📑
احبكم ججججثيييير ❤😍
2530 كلمه

هسه موعدنا يوم الخميس ساعه 9 واليوم راح انشر هذا البارت يوم الخميس والساعه تسعه
صوتوا للقصه وللبارت⭐
وعلقوا بتعليق حلو للبارت 📑
l Love You 😚❤
مع السلامه .. 😍❤