البغداديات والشيوخ

بارت 19

...
السلام عليكم
شلونكم مشتاقين
رجعت الكم ببارت مممللليان حماس وأحداث
بسم الله
😊😊😊😊

ميار
كعدت بالكاع وحطيت راسي على السرير واني صافنه أراجع ذكرياتي

انولدت وكبرت واني باحضان امي بدون اب طبعا تعلقت بامي هوواي لدرجه كمت ما انام اله بحضنها بالليل واني افز على بجي امي وهي تعاتب بصوره ابويه واني كل يوم يزيد كرهي لابويه

جانت عندي خاله اسمها اشواق متزوجه اكبر من ماما بس وره سنه من زواجها توفى زوجها بس هيه بقت ببيت زوجها جنه دوم من نروح الها نشوفها ترجف وكلساع تلتفت ومرتبكه هواي مرت اخوها نعيمه تخوف مره رحت للحمام شفت لاويه ركبتها وكالبه عيونها واني من خوفي سويتها على نفسي

فبعيد ميلاد خالتي رحنا للبيتها طبعا جانت ويايه لعابتي الي ما استغني عنها بس مرام تخربطتت فراحوا مرام وشهد وماما وخالي جان بوقتها خالي ما متزوج
ضليت حاضنه لعابتي وكاعده على الكرويته وساكته واني اشوف نعيمه شلون تتعارك ويه خالتي أشواق وتصرخ عليها بصوت مرعب وشلون تعذبها بالسجينه وخالتي تصرخ وتبجي

نعيمه بهمس مرعب: اني مو كتلج بعد لا تجيبين اختج هناااا اححجي
اشواق: والله اني ما ادري سوو إليه مفاجأه والله
نعيمه: اننجبي اننجبي راح اموتج ومحد راح يخلصج مني وحطت السجينه على رقبه خالتي بس خالتي دفعتها
اشواق: كككاااافي ككككااافي اااارحمني كااافي تتتغذذيب لللليييل وانته تتعذب بيه اااني شعععليه تتعذب بببيه اني شششعليه
ضربتها نعيمه راشدي واخذتها سحل للصاله الي اني كاعده بيها وخلت السجينه ببطن خالتي كمت من مكاني مرعوبه وانحصرت بالزاويه صرخت من شفت الدم بالغرفة التفتت نعيمه عليه ولوت رقبتها تقدمت عليه وسحبت لعابتي

ميار ببرائه: عمتوو هاي خالتو بيه تم ختتيه . لاتم نلوح للتدكور اتى بح تم
(عمتو هاي خالتو بيها دم خطيه .لازم نروح للدكتور حتى يروح الدم)
وهيه ما جاوبتني وخلت السجينه على رقبه اللعابه وشكتها اني صرخت وبكيت ورحت عضيتها من رجلها وهيه دفعتي وشكت ايدي من الزند لحد الكف بوقتها متت من الالم وضلت هي تروح وتجي بالصاله والمطبخ وترجع تحط السجينه ببطن خالتي واني اصرخ على خالتي وعلى لعابتي وعلى ايدي

كعدت نعيمه بالكاع وتميل براسها وتحجي ويه نفسها وتبتسم لحست السجينه وانفتح الباب ودخلوا ماما وخالي واخواتي او ما فتحوا الباب نعيمه ذبحت روحها وطفر الدم لوجهي الكل جان يصرخ واني اغمى عليه اكعد الكه البيت متروس نسوان وكلهن يبجن ويصرخن واني ابجي من الم ايدي شفت ماما شاكه دشداشتها وتبجي وتدك على رأسها لا ايراديا رحت حضنتها وبالليل اجوي الشرطه

الضابط : هلاو يا عمري شسمج
ميار: ميااار وانته
الضابط : يمه فدووه لاسمج اني يحيى
ضحكت
الضابط : حبيبي اريدج تحجيلي كلشيء صار ببيت خالتج
بديت احجي كل شيء ببطفوله والضابط يسجل اقوالي نمت واني الأحلام تراودني اكعد على امي من تقرأ آيات وتبجي
ميار: اووف مامي هم تبتين على ابو ملام وتهد ؟؟ (أوف مامي هم تبجين على أبو مرام وشهد)
ورده:ولج ميار هو هم ابوج
ميار: هلي يوتي اني اتى ما اعفه
(خلي يولي اني اصلا ما اعرفه)
ورده: اششش مامي عيب هذا بابا
ميار : اووف مامي عبابه بعت لا تبتين
(اووف مامي حبابه بعد لا تبجين)
ورده وهي تبوس راسي: ياا عمري تدللين