#مشوار العمر.. باللهجه العراقيه .احلام السعدي

.. مقدمه صغيره..

مشوار العمر....

للكاتبه احلام السعدي....

ارجو الدعم والتصويت...ودزي تاكات لصديقاتج...

..................

ليلى ذات الثوب الاحمر...خرجت ذات نهار..

اغنيها وانضف.وابتسم.

لان احب كلش هالاغنيه.وخاصه لان اسمها عله اسمي.

ضحكت....وطلعت من الخيمه.

باوعت اكو شخص جاي.هذا اكيد طاك.وعنده فلوس هوايه.

مبين من اناقته.ومشيته. وتكبره اممم شكله.

لابس ملابس مال شرطه.

بتسمت....اكيد هذا دايتبرع للخيام.

راح ل اكثر من الخيمه.

باوعت عليه وبتسمت.

ادري مراح يعبرني وخاصه بهدومي هايه.بس اذا ضبطت.يعني اضحك عليه واخذلي جم فلس منه.

باوع عليه...وعقد حواجبه.

بس بعدين بتسم.وضل يباوع عليه.

رفعت حاجبي.اهااااا هذا من هيج نوع.الي بسرعه يبتسم.والي بسرعه ينضحك عليه.

عضيت شفتي.وبتسمت.

من عضيت شفتي.خنزرني.وباوع عليه بقرف.وراح للخيمه الثانيه.

هذا شبي.

هزيت جتافي.اوووي.اني شكوو. بس والله لااراديه طلعت مني. المهم.

دخلت للخيمه.حووور ميته من الجوع اني جوعانه.

حور.....هسه شويه نوب ناكل.انتضري بين مايجن بنات خطيه هنه هم جواعه هسه.

لويت شفتي.وطلعت مره ثانيه.بلكت المح هذا الشخص.

طوله وهيبته عجبني.يااخي جميل.واني احب الجمال.

مشيت.وصلت للخيمه الثانيه.

باوعت عليه...لكيته صدك دايتبرع.ينطي فلوس للكل.

باس ايد الحجيه.وطلع.

باوع عليه...رفع حاجبه.وفات من يمي.

بتسمت...ريحته ريحه رجوليه.اقشعر بدني.واني درت وجهي.اشوفه وين رايح.

وكف بالنص...يباوع عالخيام.

وكفت كباله.ورفعت حاجبي.

عقد حواجبه....عفوآ.

.......عجبتني.

رفع حاجبه...شكد وكحه لعد.

بتسمت...ليش الي يكون صريح وكح.

الرجل....يبنيه.انتي وين اهلج.

باوعت عليه...بشرته بين الابيض والاحمر.ولحيته سوده كلش..ويه شعره اسود.وعيونه بني فاتح.