انقلاب حياة (روايات ليبيه)

اعلان الروايه

اهلين حبايبي رجعتلكم من جديد بقصه حقيقه حلوه قويه وحزينه اشويا تحكي علي حياة بعض الاشخاص وشن ايواجهو من مشاكل

موسف انك اتعيش بين اهلك الي هم بوك وامك ايعاملو فيك بابشع الطرق وامدايرين فرق بينك وبين خوتك وخواتك انك اتكوني كانك خدامه ابسط حقوقك محرومه منها متعذبه باجميع انواع العذاب انسانه مدامره عاطفيا ونفسيا وجسدينا واكبر مشكله فحياتي الي هم اهلي يكرهوني لدرجة ايقولو فيها في وجهي وقدام الكل نكرهوك حياه لدرجة كل العيلة تكرهني واتعامل فيا كاني خدمة رخصيه مش بنتهم لدرجه كنت راقده في اليل جت ماما وقصتلي شعري ليش لانه احلى من شعر بنتها بس جا يوم الي قلب حياتي كلها 💔

قصة حب نشات بين طرفين حب دام لي 4 اسنين حب تخطا كل المصاعب بنت حبت شخص وتقت فيه تقه عميا الا وجاء يوم الي انتشر رقمها اسمها علي جميع مواقع اجتماعيه باانها بنت ماتنفعش انقلب فيه حياتها وحياة عيلتها اسواء مايكون كله من وراه الشخص الي حباته وغدر بيها 💔

ولد كان عايش حايته كلها في الغربه وجا يوم الي رجع لبلاده ويستقر وايقرر ايكمل حياته امع البنت الي حبها
بس تنقلب حياته كلها ايواجه مشاكل هو وعيلته ويتغير مسار حياته كلها 💔

بنت عايشه حياتها يوم بيوم فرفوشه وتحب الحياه حياتها كلها ضحك ومقالب حبت شخص للاسف طلع شخص ماينفعش امتاع وجيج بنات وصايع بس بعد فتره رجع لحياتها من جديد شن تتوقعو اول لقاء ليهم بعد سنه ممكن افراق 💔

ولد كان عايش حياته بالطول والعرض حب بنت جرانهم بس امه رفضت لانه البنت مش ليبيه واهله كله رافض الفكره قرار انه ينساها وانه الحب هدا فاشل بس في يوم اتجيه مكالمه تقلب حياته كلها 🤔

واهم من القصص كلهم سر كبير الي هو حايقلب حياتهم كلها سر فيكم اتسمو جريمه ودفعت تمنها باغلا اشخاص عندي وتعاقبت عليها بس هل السر الي ليه اسنين امخبيته ينكشف او لا هل اتكون نهايتي بشعه زي ما احلمت بيها 💔 بس مش مني كله من صاحبتي غرتني 💔

وهلبا قصص في الروايه

الروايه بتكون باسم ( #انقلاب_حياة)
باقلم ميرو احمد

تفاعلو حبايبي علي اعلان وصلوه 400 لايك حا انزل المقدمه والحلقة الاولى