انقلاب حياة (روايات ليبيه)

الحلقه التانيه

#انقلاب_حياة

#الحلقة_التانيه

الكاتبه مرام حمد
meroo ahmad

🌹 "«قراءة ممتعة»"🌺

ام روفان حاولت اتهدي بنتها اتفكر في المصيبه الي جتهم
بعد حوالي ساعه روفان علي نفس الحاله تبكي
خش خوها
زيدان: روفااان وينك ياكلبه
روفان 😭😭
روفان:حي عليا ياماما عرف
جميله: كله من تحت راسك بعد قتلك فوتي والوسخ عنك ما اسمعتي
روفان: وانا شن ذنبي
خش زيدان متعصب ماسك تليفونه
روفان ماتت من الخوف
زيدان يتكلم وماسك علي اسنونه: شنو الي شفته هدا فهمني
روفان قعدت تشهد علي روحها خلتص نهايتها اليوم
جميله:اهدا ياولدي
زيدان:اطعلي منها انتي يا امي
جميله تبكي ولفت روفان وراها: راس اولدي اهدا ماتقربش من اختك
زيدان يتكلم والنار طالعه من اعيونه: تي تعرفي العمله الي امدايرتها بنتك الي تستري عليها وطت روسنا قدام الناس شن بيقولو علينا
جميله 💔: والله بنتي مش امدايره شي هدوم افروخ حرام
زيدان 😡: وشن لمها امع افروخ حرام حيدي غادي خلي نتفاهم امعاها
جميله: والله لو قربتها ماك ولدي ولا نعرفك
زيدان:وربي ذفنها الكلبه وطت روسنا حتي اصحابي مش قادر نرفع عيني فيهم
خش زياد لي البيت واسمع صوتهم جاهم في الدار
زياد: شن في يازيدان اتصلت وقلت تعال ضروري لي البيت
زيدان بغضب: شوف اختك الي امدعلها شن امدايره وعطا التليفون
رفع زياد التليفون انصدم 💔💔
زياد: شن هذا صح الكلام ياروفان
روفان تبكي: والله مانعرفش شي يكذبو
زياد: اعطيني تليفونك
جميله من الخوف وعطت اولدها التليفون امتاع روفان كان فيدها
زيدان: كم رمزك
روفان خافت 💔لكن خلاص كل شي انفضح: رقمي
زيدان: رقمك ياكلبه اليوم احسابك امعايا
فتح زياد التليفون وانصدمو في الارقام الغريبه الي متصله قبل اشويا فتشو السجلات المكالمات وقبل 16 ساعه متصل احبيب قلبي نزلو لقيو اغلب المكالمات من الاسم هدا اتصلو بيه بس مقفل
خشو ع الفيس ونفس الشخص الي اتكلم فيه امنزل المنشور والكلام عليها كل شي شافو علاقتها بالشخص هدا انه واضح كانت ايكلمو في بعض
زياد نحا الشفره وكسرها بين اسنونه وكسر التليفون علي الساس
الاتنين كانو النار تطلع من اعيونهم ناوين يقتلوها رسمي
زيدان: امي اطلعي وسكري الباب
جميله:والله مش طالعه
زياد عيط 🔥: قتلك اطلعي خير مانقتلها قدامك
زيدان قعد ايدف في امه وطلعها برا

روفان ضمت رجليها وتبكي شبه عرفت نهايتها

زياد مسكها من شعرها: اخرتها اتوطي روسنا يا فاسده
روفان تبكي: والله مادرت شي 😭😭😭
زيدان طاح فيها ضرب: هدا كله واتقول مادرت شي هكي اتمعيلي بينا قدام الناس احني الي مش امنقصيك عليك شي اديري هكي

الاتنين طاحو فيها ضرب بكل وحشيه 💔💔
ضربها زيدان جا راسها علي حافة السرير 💔 طول اغمى عليها وجها كله دم
انصدمو زيدان وزياد 💔💔
اما جميله قاعده اتعيط عليهم خافت بعد ما سمعت صوت