انقلاب حياة (روايات ليبيه)

الحلقه 5

#انقلاب_حياة

#الحلقة_الخامسه

الكاتبه مرام حمد

Meroo Ahmad

🌹"«قراءة ممتعة»"🌺

وصلنا لبيت العروس
نزلنا استقبلونا استقبال راقي وحلو
كانو امدايرينه كبير اغاني وجو
ونزلت نورسين كانت مش حلوه واجد دايره مكياج تقيل امخرب كل ملامحها وصابغه شعرها اشقر مش ماشي امعاها نهائي هي لونها مش بيضه ولا سمره قمحاوي كانت نازله بكل غرور
سلمنا عليها بعدها لبستها عمتي فاطمه
وحطو العشاء كان الجو عادي فيه نوع من الممل
غفران: شن رايكم نتعرفو عليها
حور: مش عارفه ليش دوقه هكي يوسف اععععع مايعرفش يختار
انا: المحبه مش من الشكل المحبه اتجي من القلب لو حبيبتي شخص حتي كان اعور وشين واعرج اعمى اسود ابيض المهم قلبك حب الشخص هدا ايشوف فيه اجمل شي علي الارض
غفران: ناضت الفيلسوفه هيا نمشو
وقفو البنات وامشو لي نورسين سلمو عليها
نورسين: اما وحده فيكم حياه
تكلم انا: انا حياه
نورسين انصدمت 😨 في جمالها:تشرفت بيك حكالي عنك يوسف الحق ازعلت وجعتيني
انا 💔: مايوجعك غالي
نورسين: ماشاء الله عليك جمال ربي يحفظك
انا: تسلمي حبيبي ويحفظك
غفران: اي ماشاءالله حيوته عسل
سهام: اي حتي اليوم طالعه احلى وحده
نورسين تغلي من داخل وغايره منهم في تلبيستها الكل ايشوف لي حياة مش بس البنات حتي الناس التانيه كانت اعيونها علي حياة ويمدحو فيها اكثر من نورسين
(نورسين في طبيعتها غيوره واجد وحقوده وتعشق حاجه اسمها افلوس)
نورسين:ربي يحفظها وعقبالها انشوفها عروس
جوري: امين
غفران: شكلها بتزوج قبلك من اعيون الناس كيف معجبه فيها غير شوفو الي لصقه في ماما اكيد تسال عليك
انا ضحكت: اصلا مانبيش نتزوج توا نبي نقرا
ياسمين: تي اما اقرايه اتفكري فيها 😂😂😂 غير نزوج اول شي بنوقف القرايه انعيش حياتي كلها اهياجه لا انفكر في امتحان وشي غير راجلي
انا ضحكت: اختك بتنكلب يا سهام 😂😂😂
سهام: مكلوبه من يومها هي والفرخه غفران
قعدو البنات ايهدرزو
طول الحفله نورسين اعيونها عليا قريب تاكلني
وانا درت روحي طبيعية لانه شكيت في روحي انه فيا حاجه غلط 😂😂
المهم الحفله مشت كلها ضحك وغفران اتقرم في الناس مانجاش حد من السانها

اشويا وطلعت نورسين لي يوسف طلب ايشوفها
سلم عليها وباركلها هدرز اشويا وطلع لانه كان متحشم

طلعنا روحنا وصلنا لي البيت

رقينا انا والبنات لي الدور التاني علي خاطر انغيرو

خشيت لي الدار انا وحور
عفست بالكعب علي طرف العبايه وانجي طايحه علي وجهي جتني تجري حور
حور: بسم الله كنك
انا نبكي: رجلي ياحور 😭😭😭😭
حور: حاولي تنسدي عليا
انا حسيت برجلي مش قادره نوقف كانت اتسطر فيا واجد
انا نبكي 😭😭:مش قادره
حور توترت ماعرفت شن ادير قعدت اتشوف في رجل حياه كانت منفوخه وحمرا مكان الطيحه
حاولت حور اتساعد حياه لين وصلتها السرير نحتلها عبايتها
حور 🥺😭: شن بندير انا خليني انخبر ماما بسرعه
انا: كلمي شاهين
حور: اي انسيت وطلعت تجري
قابلها يوسف ماشي لي جناحهم
حور: يوسف تعال بسرعه حياة طاحت علي رجلها وقالت مش قادره اتصبي عليها ورجلها منفوخه
يوسف: ان شاء الله غير مش كسر
حور: ان شاء الله لا تعال بسرعه قالبه الدنيا اعيطات هذي
يوسف مشا بسرعه امع حور وخشو لي الدار
اوقف يوسف انصدم بعد شاف حياة شن لبسه 🔥🔥
حور: في شن اتراجي وشدت في يده ومشت بيه لي حياة
اما انا كنت قالبه الدنيا ابكا ماكنت امركزه لي غير الوجع الي انحس فيه
يوسف قعد ايشوف في رجلها ويلمس فيها وقلبه يرجف 🔥🔥🔥❤️ ضغط عليها
انا: احححي وجعتني بعد 😭😭😭
يوسف: اصبري خلي انشوفها
انا: حاره توجع فيا 🥺😭😭 اكيد مكسور
حور تبكي:اصبري انتي خيرك بكايه خليه ايشوف رجلك
يوسف ضحك: عمري ماشفت حد بكاي كيفها دمعتها سابقتها 😂😂
حور:😂😂اي
انا نبكي 😭🥺: كنكم ماتحسو بيا
يوسف مسك رجلي: اسكتي وترتيني امعاك
فعلا يوسف كان متوتر بسبب حياه كانت لبسه قفطان قصير منضرها كان ايجنن حتي وهي تبكي 🔥🔥 منضرنا كان مغري اي راجل يوقف قدامه يضعف مجرد ما ايشوف جمالها يابال شافها شن لبسه 🔥🔥 ولعت 🔥😂😂
يوسف: ضروري نرفعوك المستشفى تبي تصوير (قال هكي متيبش ايطول امعاها خايف يضعف 🔥)
انا نبكي: انا الشكله شن املبسني كعب
حور: نمشي انكلم ماما وطلعت تجري خايفه ع حور 🥺
يوسف:ضحك اسكتي يا بكايا وبعدين شن املبسك كعب لو ماتعرفيش تلبسيه
انا: 😭😭 ما كله من حور
خشت ماما تجري وامعاها البنات
ماما: بسم الله اعوينه يابنتي عطوهالك طول
حور:استغفرالله بنتك طاحت ابروحها مش الناس طيحوها
ماما: يوسف 🥺صح كسر
يوسف: مش عارف خلي نرفعوها المستشفى لانه الرجل متورمه لبسوها حاجه مستوره خلي نرفعها بسرعه
ماما: تبكي باهي ياولدي
انا انسيت الوجع وكل شي بعد شفت روحي شن لبسه والقفطان كان مرفوع واجد شبه عريانه 🔥🔥🔥
ماما مادققت واجد فتحت الدولاب بسرعه طلعت قفطان حوش
يوسف شافه: شنو هدا ياعمتي طلعي حاجه مستوره واتكون واسعه
ماما: تي خليها تلبس اي شي بسرعه
كانت ماما تبكي وخايفه عليا واجد
نتهد يوسف: جوري بالله طلعي حلجه تلبسها تلقوني برا
وطلع
طلعتلي جوري تشرت وسروال اقماش واسع لبستني
كنت انحس في رجلي اتسطر فيا وكبدي وراسي كل شي تخلط عليا حسيت روحي فاشله 💔😭