الفصل الخامس
هل ستبتسم الحياه ويعود الحب الضائع ! ...........
عند همس
همس: يبنتى اى الحصل
ولاء: شوفتوا شوفتوا
همس : مين دا
ولاء: صاحب العيون الرماديه
همس: بجد فين !
ولاء: فى النيابه
همس: بمزح اى طلع مجرم ههههه
ولاء: بس بس طلع وكيل نيابه بتنهيده مروان الحريرى
همس: يواد انت لا واسموا حلو كمان بس استنى هنا وكيل نيابه ولسه اول مره تشوفيه !
ولاء: كان واخد اجازه
همس: امممم اجازه بقي لشهر العسل بتاعوا
ولاء: ايه مين لا لا اكيد مش متجوز هو مكنش لبس دبله صح ولا احيه مخدتش بالي
همس: بضحك هستيرى ههههههه شوفي شكلك عامل ازاى ولا الخضه الانتى فيها ههههه يخربيت الحب هههه صحيح نسيت اطمن محمد استني اتصل عليه الله انا مش لقيه الفون بتاعي
ولاء: دورى كويس طيب
همس: مفيش حاجه يبنتى هاتي فونك ام اتصل عليه
ولاء: عندك على السرير
همس: اى دا هو انا وانتى مقفلناش الخط من ساعة مكلمتك
ولاء: اى دا بجد ههههه
همس: استنى استنى فونك بيسجل كمان انتى بتسجلى ليا ههههه
ولاء: لا ابدا اكيد دوست بالغلط على التسجيل ههه هاتى نسمع بقي
فى التسجيل سمعوا كل ما قاله محمد وسميره لان همس نست الفون فى سيارته
ولاء: همس همس انتى كويسه
همس: بعدم استيعاب ايوا كويسه
ولاء: بشك متاكده !!
همس : جدا هو اى الحصل يعني انا خارجه
ولاء: على فين استني هنا بس همس همس ولكن لم تستمع لها وخرجت وانطلقت بسيارتها مسرعه جعلت ولاء ف قلق وحيره لا تحسد عليه فاتصلت على وليد لعله يتصرف
كان فى اجتماع حينما رن هاتفه الو ي ولاء قالها وليد
ولاء: بدموع ولم تجمع او ترتب افكارها همس ي وليد محمد و سميره وهمس واخدت تبكي
وليد : بفزع وقام مسرعا خارج من الشركه ترك الكل فى حيره حتى والده ممكن تهدى بس وتفهمنينى فى اى همس مالها وليه بتعيطى
ولاء: محمد طلع بيخون همس مع سميره صاحبتها وهمس عرفت وخرجت وانا مش عارفه هى راحت فين
وليد : بصدمه محمد !! طيب همس فين وازاى تسبيها تخرج
ولاء: بدموع ملحقتهاش خالص ومش معها فون حتى اتصل عليها
وليد : طيب اجهزى على ما اوصل
ولاء: انا جهزه ومستنياك وبلاش تتصل ب بابا او مامى استني لما نعرف حاجه
وليد : بغضب ماشي
............$
كانت تجلس ع احد صخور الشاطئ تتامله وشارده فهي لا تشعر باى حزن او الم فى قلبها ولكن كيف يخونها ومع صديقتها المفضله ولما كان يسمعها كلاما عن الحب واصر على خطبتها لما وظلت الكثير من الاسئله تتردد فى ذهنها ولم تجد اجابه ولم تشعر بالوقت وهو يمر واصبح الجو ليلا وفجاه وجدت شخص يتحدث بجوارها
- مش خايفه تقعدى كدا لواحدك
همس: بخضه ها انت مين !
- مش مهم المهم ازاى قاعده لواحدك فى الواقت دا
همس: بقوه ودا يخصك فى اى معلش
- مستغرب من ردها انا بنتكلم ان لو واحد مش كويس جه لقاكى فى مكان زاى دا لواحدك كدا مش هيبقي كويس ليكى
همس: مصححه له تقصد مش هيبقي كويس ليه
- اعجب بشده بقولها وثقتها العاليه واردف تعرفي انا مش من السهل حد يتكلم معايا لكن لما كنت ع الشاطي وشوفتك قاعده كدا على الصخره جذبنى قوتك
همس: انت بتعاكس بقا طب من قصرها قوم من هنا وشوف انت رايح فين
- ضحك بشده ههههههههه تعرفي محدش يجراء يكلمني كدا
همس: تاهت فى ضحكته وشكله فكم يبدو وسيما هذا الرجل ولكن استدركت نفسها طيب يلا قوم من هنا
- واسيبك هنا !
همس: انت غريب قولتلك مالكش فيه تقدر تتفاضل
- مش همشي واسيبك دى مش اخلاق لازم تمشي
همس: بنفاذ صبر انا حره مالكش فيه
......$ فى نفس الوقت ولكن عند وليد و ولاء اصبح القلق يمتلكهم
ولاء: انا ازاى مخطرش فى بالى اتصل ب مها اكيد هى تعرف هى فين هما صحاب من زمان
وليد : طب اتصلي يمكن تعرف
ولاء : ثوانى الو ازيك ي مها
= لا انا مش مها انا ياسمين اختاها ازيك ي ولاء
ولاء: الحمد لله مها فين
ياسمين: ثوانى وهتكون معاكى
مها: الو ازيك ي ولاء وحشانى والله
ولاء: بسرعه الحمد لله متعرفيش همس فين !
مها: بستغراب همس ! لا هي مالها
ولاء: كانت زعلانه من موضوع كدا وخرجت وحاليا مش عارفين هى فين والوقت اتاخر
مها: بتفكير قولتى زعلانه طيب انا عارفه هنلقيها فين
ولاء: بجد طب اجهزى هنعد عليكى حالا نروح
مها: تمام مستنياكوا
ياسمين : هتروحى فين !
مها : مشوار مش هتاخر
ياسمين : لا انا هاجى معاكى هلبس انا كمان مفيش حد فى البيت وانا مستحيل افضل لواحدى
مها: باستسلام تمام يلا
.......$
عند همس مازال هذا الشخص المجهول لا يريد الذهاب او تركهابمفردها فاردفت همس : ممكن اعرف هتفضل هنا لامتى
- قولتلك مش همشي غير لما تمشي المكان مش امان
همس: قولتلك امان بالنسبه ليا ممكن تتفضل
-بنفاذ صبر تمام براحتك بعد اذنك وتركها وذهب ولكن كان قريبا منها يرقبها من على بعد فلا يعلم لماذا يفعل هذا
....$ بعد قليل
مها: همس اكيد هتكون على صخره جوا في الشاطي
وليد : طيب انا هروح اتاكد متخرجوش من العربيه وفعلا سرعا ما راها تجلس وحيده وحزن بشده على حالها واقترب منها همس قالها وليد
همس: بدهشه عرفت مكاني منين
وليد : دا الشغل بالك مشغلش بالك اننا من بدرى واحنا قلقنين عليكى
همس: تقلقوا لي انا كويسه
وليد : طيب يلا نروح اذا سمحتى
- مازال الشخص يرقب همس وحينما راء شخص يقترب منها خاف عليها كثيرا فقدما على الذهاب لها مره اخرى ولكن وقف مكانه حينما راها ترتمي فى احضانه بشده وتقبض عليه وتبكي شعر بؤغزه في صدره لا يعلم مصدرها
وليد : وهو يضمها ايضا متعمليش كدا تاني انا قلبي كان هيقف بلاش تعملى فيا كدا تاني مش عايز اخسر حد فيكوا كفايه الخسرتوا
همس: بدموع انا اسفه بس كان لازم اقعد لواحدى
وليد : طيب يلا نروح ونزلا مع على الصخور وقام وليد بحملها الى السياره تحت نظرات الشخص المجهول وهو يشعر بالغضب لا يعلم مصدره حينما رات ولاء وليد يحمل همس ترجلت من السياره بفرحه
ولاء: الحمد لله انك كويسه كدا ي همس
همس: متزعليش انتى عارفه بقي
ولاء: فهماكى ي قلبي
مها: متدخله حمدلله ع سلامتك بهدلتينا كدا
همس: بفرحه فمن مده لم تراها واردفت اه وانا اقول عرفوا مكاني منين اكيد منك
مها: ببتسامه ايوا عارفاكى لم تزعلى تحبي تيجي شاطئ جليم وتقعدى على صخوره المهم انك كويسه
وليد : مازحا طيب يلا بقي ولا هنبات هنا
همس: هنبات هنا هههههههه وضحك الجميع بشده
............$
من دخل شقه عائله المرشدى
محمود: اردف بحده همس
همس: ايوا ي بابا
محمود : تعالى معايا ع المكتب جوا
وليد متدخلا: ممكن بس نخلى اى كلام الصبح
محمود : بعصبيه انت تسكت المفروض انت الكبير العاقل وتقولى ع الحصل لكن اعرف من صفيه بصدفه
وليد : ي بابا كنا هنقول بس لما نعرف مكان همس علشان منقلقش حضرتك انت وماما بس
وفاء: اذا سمحت ي محمود سيب همس ترتاح اتكلموا الصبح
محمود : اى رايك استاذه همس طلما بتخبي عليا ومش بتحكى !
همس : بدموع ي بابا والله معرفت اتصرف وكنت محتاجه اقعد لواحدى انا اسفه لو قلقت حضرتك
محمود : اقترب منها بحده واخذها فى احضانه واردف بنت محمود المرشدى متبكيش في يوم انتى قويه طالعه لابوكى وعيونك دى مالهاش غير الابتسامه فاهمه
همس: فاهمه
محمود : يلا كل واحد على الاوضه بتاعتوا يلا ي همس معايا
همس: فين !
محمود : هتنامي معانا انا وماما ولا اى فكرتى نفسك كبرتى يلا ي وفاء علشان احنا سهرنا نكمل كلام الصبح
وفاء: حاضر يلا ي هموستى و اخذتها والدتها فى احضانها بتجاه غرفه النوم ونام ثلاثاتهم على الفراش كما كانت صغيره فهي الصغره له ورغم ذلك هي اكثرهم طبع منه و يعلم جدا انها تتالم ولكن لن تقوم بالبوح حتى لنفسها فهو ربها لتكون قويه ليست ضعيفه ومهما وجهها فهى اقوى منه وستتغلب عليه ولكن الضربه كانت اقوى منها ويشعر بالذنب وانه شارك فى ما حدث لها ففى اخره المطاف ابن اخته هو من اساء الى قره عينه ........
ونكتفي اليوم بهذا واخبرونى ما رايكم في التعليقات🤩
اسراء عامر
