ألم الخذلان

مقدمه

اقتباس الاول

كاعده على فراشي ودموعي تنزل ...

دموع الم وخذلان ...

دموع يتيمه ....

دموع حبيبه على خيانة حبيبها ...

اليوم زفته ....

واسمع هوسات الزفة...

ولاعبالك اكو انسانه هنا ...

راحت تموت من الوجع والخنكه ....

حسيت الباب انفتح ...

مرفعت راسي ...

لان العطر خلاني اعرف منو هذا

وشيريد....

حجه بصوت وبيه استهزاء

اااااي ...يا نيفين ...

سامعه صوت الهوسات ....

واخيرا راح اتزوج حبيبتي ...

حاولت اكون قويه ...

رفعت راسي ...

بس وين واني دموعي بينت ضعفي

مع هذا حاولت ...

ابتسمت ..

مبروك صخر ...

وان شاءالله زواجة الدهر .....

بس يكون بعلمك ...

انت اليوم كتلت نيفين بايدك ...

وخلقت وحده راح تعوفكم وحده اتحملت

عصبيتك وغيرتك بمجرد غلطه بعتني وخنتني ....

اتقرب مني وكال باستهزاء

شتسوين حتى عمامج ميطيقوج ...

ابتسمت بوجع ...

وانت مكيف ...

عمامي اتخلو عني ...

وخوالي نسيتهم ....

عقد حواجبه وباوع لعيوني ....

وانتي من وين تواصلتي ويه خوالج ...

ابتمست واني اسمع صوت صياح ..

ورمي بالجو ...

ضحكت بصوت عالي وكتله ....

كتله اجوو سندي ...

اجو ياخذوني ...

قبض ايده ...ولزم فكي بقوة اني لو اذبحج

انتي تضلين هناااااا سمعتي ..

دفعت ايده وكتله حجي يفيدك...

طلع بعصبيه ...من زاد المصايح

واني لبست الجبه وحطيت العبايه على راسي. ..

وجنت مجهزه جنطتي ...

من خابرت خوالي وكتله اذا مااجيتو اهج

وانتو هم تنفضحون ....

عاد خالي الجبير كال انا اجيج

طلعت للهول وشفت ام صخر واكفه اندارت عليه

وكالت ...

اقتباس ٢

كاعده على المصطبه بالكليه رفعت راسي ...

وشفته من بعيد يدور بعيونه عليه ...

كمت بسرعه من مكاني ...

واني اتلفت خاف شافني ولحكني ...

محسيت غير انضربت بشخص..

وكعت سجلاتي ...

مباوعت عالشخص وكمت الم بيها ..

لميتها ووكفت ...انداريت...

شفت واحد صافن بوجهي ....

كتله اعتذر ...

عادي ياب ...

مريت من يمه ...

سمعته همس ..

ول يابه  مو مره حوريه ...

سويت روحي مسمعت ..

واني امشي بسرعه ..

وفتت لغرفة رئيس القسم الي اداوم بيها لان يصير خالي الصغير...

وهاي بدايه وان شاءالله من احس روحي جاهزه ابلش بيها اما القصص الي ممبلشه بيها ومنطي اعلان الها التقصير مو مني لان الاحداث البطلات منطوني الاحداث الكامله وخاف ابلش ويختفون واني ماعندي كامل الاحداث او حتى فكره عنها مااكدر ابلش بيها بس هاي عندي كامل الاحداث

ويلا شوفوني تفاعلكم حتى اتشجع من خلالكم

اختكم

ام سامان