ألم الخذلان

البارت الثاني

شميتك كبل بس ما قاومت وياي ولميتك نفس واتعثر بلمك وهسه تريد اشمك خايف اني عليك يمكن راح اخلصك لمن أشتمك ####
***************
فلاااااااح....

اصرخ من وجعي ....

اصرخ من الم روحي الي جايه تطلع من جسمي...

وصلنوي لغرفتي ....

سليمه ودت رياض حتى يجيبلي الجده

اني احس روحي راح تطلع ...

مرت نص ساعه واجت الجده...

هي مو كولش قريبه ....

شهد لازمه ايدي ...وهي تهدي بيه ..

وج سهيره ولج والله هسه راح تجيبين ويرجع فلاح....

من جابت اسم فلاح ...صرخت صرخه ...

دعيت بكل صوتي ...

ربي اذا تاخذ فلاح اخذمي وياه مااتحمل بدونه

سليمه وشهد يهدون بيه ودموعهم على خدهم ..

والجده تصيح ولج دفعي ولج راح يختنك ...

من سمعت كلامها ..

كمت احاول لاربي دخيلك لاتاخذ كل شي

مني ادري والله دتعاقبني ..

بس مو كل شي يارب ...

اخر شي صحت بكل صوتي ...

يااااااااااااااااااااارررررررب....

وولدت ابني ....

ااااااااااااااااه...ربي ردلي فلاح بالسلامه...

تعبت واني بس عيوني تتحرك ...

شهد باستني يولي الف مبروك...

هزيتلهاراسي. ...

حمويني ماكو كلهم راح على فلاح بس رياض موجود

ريهام فاتت وتقربت مني...

عالخير حبيبه ....ولا يضل بالج ان شاء الله

فلاح مابيه غير العافيه ....

احس روحي تعبت مدااكدر اجاوبهم

دموعي تحجي ألمي ...

يواسوني كلهن ...مقصرن ..

بس اريد اشوف طوله ...

من يدخل عليه ...

صدك ربي حقق امنيتي ..

شفت فات وراسه ملفوف ...

وايده هم ...

كمت ابجي بهستيريه ...واحاول اكعد .

ركض عليه ...وحضني بقوة...

وج والله بنص الموت ..وانا بس تفكيري

بيج ...

كلهم عافونا وشهد اخذت الطفل ...

كالت شويونه وارجعه...