ألم الخذلان

البارت الحادي عشر

دير بالك ع امك يالبعده وياك
مو فوگ الضهر ع الراس خليه
الدنيا بلايه ام متسوه بيه نعيش
شلي بدنيا وامي مابيه ..
******&&&&&&

ماما نيفين ...تقربت مني ...وحضنتني بقوة ..

واني جامده بمكاني ...ماعندي اي ردة فعل ...

عيوني افترت على كل الموجودين ...شفت

رجال اول مره اشوفه ..و٣اطفال ...اعمارهم

صغيره ...

ضلت حاضنتني ..مكدرت ابادلها الحضنه ...

بيبي ..دموعها على خدها ...

واخيرا تنفست من ابتعدت عني ...

وحضنت وجهي بكفوفها الدافيه.....

يالله ايام وليالي واني مفتقده هالدفئ

منطيت اي ردة فعل...ابتعدت خطوات لورا ...

وفتت لغرفتي ...

فتت لغرفتي كعدت عالجربايه ...واني افكر

انطيها فرصة تشرحلي اولا  ...متستاهل ماكو

ام تعوف بنتها وهي صغيره..ايام  وليالي حتاجيتلها

صح ماما سهير مقصرت...بس من اتذكر هي مو امي

الحقيقيه ..تطلع روحي .  حسيت انفتح الباب ..

كعدت مقابيلي ...على جرباية جيهان....

شهد ...ايام واني اجرع المر وساكته ...

عبالج سهلة تنسين شخص حبيتي للموت..

عبالج اني ناسيه ابوج ...غلطانه ..ابوج لحدهسه

يعيش بداخلي ..ويه كل نفس اخذ احس حبه

يكبر اكثر ....عبالج شهله من عفتج ...شهور وسنين ..

واني احلم بالساعه الي التقي بيج..

عفتج وراي تبجين ..كل دمعه نزلت من عيونج. 

جانت تيزاب وتحرك كلبي ...لحد هاللحظه محد

يعرف ليش اختاريت بعدج ...

رفعت راسي ..وسالتها..

نيفين ...ليش ..

شهد ..وعد مو هسه ..وعد بس هاي الشغلة من يجي

وقتها احجيلج. .بس ثقي بيه..انتي قطعه مني ومن

اغلى شخص عندي ..تدرين من جبروني اخواني

تبريت منهم ..تدرين احمد ابن خالي ..

هو جان دكتور ...معافني للحظه ..من خطبني

كتله ترى انت راح تتزوج بقايا انثى...كلي راضي. .

كتله يجوز مااحبك ابد ..كال موافق ...

شهور ...اردد اسم علي مكان اسمه..