ألم الخذلان

البارت الرابع

كالو ما تجي وكالو عليك بعيد ...

كالو ما تجي وكالو عليك بعيد...

ودرب كلش طويل البينك وبيني....

شح مني الدمع كد ما بجيت أعليك....

وأعاتب بالكمر هلبت يواسيني...

ظلم كلش ظلم تحيا وتموت بشوك....

وجا شنهو العمر من تذبل رياحيني....

تعب حتى الورق حبر ودمع مخبوط.....

وحسره وي القلم تأذيني وتبجيني....

صفة رسمك حلم عذب حنايا الروح....

مثل طيفك أبد ما شايف بعيني.......

نهر طولك عذب صافي ويرد الروح..

وأنه الميت عطش وبكطره ترويني....

أكتبلك شعر وأسطرلك الأبيات....

وانته بلا بخت بالفركة تجويني......

قيس بعام واحد وتيبّس من الشوك....

وآنه سنين مرّت ما غفت عيني  ......

كلي شلون رايك والعمر محسوب ....

وجلمات الشماته تكول ناسيني....

طلابه وي العشك وأيامي كلهن ليل ....

وشمس حبك ظلم من ما تضوّيني....

كافي من العتب راح أختم الأبيات ....

وأحجيلك سطر بي كل عناويني....

مثلك ما شفت ولا رايد ولا ريد ....

وأحبك موت عنوان لدواويني

**********
دخيلك ربي مو حملها وزوجها بيوم واحد ...

على صياحنا فات فلاح ..من شفته...

كتله فلاح دخيلك دتنزف ...

فلاح؛بسرعه لبسيها حجابها ..خلي ناخذه للمستشفى

سليمه فاقده ...من جهه ابنها الي ربته مات ومن جهه

ابنها بالمستشفى ...

تلطم ...وخواته وصلن..

وديناها للمستشفى وبالطريق ادعي كون ماتخسر

جنينها ...

وفلاح دموعه تنزل ويحجي ويه روحه..

ربي ليش اخذته وحرمتنا منه ..وين جانتلنا هاي .

كول يالله حبيبي ...

الللللللله....

وصلنا ورحنا قسم الولادات...

اخذوها مني ....

ورا ساعه كالو ...

اسفين خسرت الطفل ...نزلت دموعي ..

اخ ربي ..

سئلتني الدكتوره هي متعرضه للضرب ..

لان وجهها كله اثار دم..