ألم الخذلان

البارت الخامس عشر

بيوم الزفة ..اخذنا نيار اني ونيفين وسارا للصالون

من صعدنا نيار. ..اندار علينا..

نيار ..سمعت الي صار  البارحة جثير اتضايقت ..مو

من شيمنا وحده تحجي بشرف ...انا اسف

جاوبته نيفين بقهر

وشيفيدنا اسفكم ...وعمك بدل مايلطم الي

حجت عافها تطلع من البيت وبس بالله هذا هم

عقاب..

خزرها واندار ...

نيار ..اولا مااعتذرت منج ...ثانيا انتي ماعدج

علم اذا اخذ حقها اولا ...

قاطعته ....

نيفين...خالتي انهانت كدامنا ..المفروض العقاب هم

يكون كدامنا....

نيار ...عمي ادرى باليريدو..

واني كلساع اكرصها حتى تسكت ..سارا ابد ماحجت

وصلنا ....وطلبت مكياج مو كولش طوخ ...لان

اخجل ...خاصة هذا مو زواجي الاول...وحتى

البدله مااخذتها منفوشه ...نفشتها عاديه ...

بس بيضه...مثل الفستان وبيها النفشه قليل...

لبست حجاب والبركع...

كالت سارا وصلت الزفه....لزمت ايد نيفين بقوة ..

وطلعنا ....سارا طلعت قبلنا....

سمعت صوته...

دنجي راسج ..حبيبه ...لزم ايدي ..بايده

الدافيه ....اسمع صوت المزايق ...

سارا اخذت نيفين ...

صعدنا لوحدنا ...هو يسوق واني بصفه....

اول ماصعد ..جر ايدي وباسها ...

ريسان ..مبروك حبيبتي....

اول مره يكول حبيبتي ...دائما يكتفي بكلمة

حبيبه ...رغم كايلي هوايه هو يحبني ..بس كلمة

حبيبتي حسيتها غير..

رحنا لمصور ...ابنيه التصور ...اخذنا راحتنا...

اخذو كرايبو الصور ...طبعا بس المقربين ...

انصدمت ولاواحد من عمامه وعماته موجودين...

شاورته ...

جيهان...لعد وينهم عمامك زعماتك..

ابتسم بوجهي ....انا مااكفي ...

نزلت راسي وجاوبته بخجل...

تكفي وتوفي ...

ريسان...ول ياب مااتحمل هالجمال ...يمته نوصل

سكتت ونزلت راسي ....