دمرت نفسي "نوفيلا "

"البارت الأول "

"البارت الأول "
...................
...قصتنا جميلة وأحداثها مثيرة جدآ وهتحبوها كتير وهنعرفها ونعرف كل مايدور فيها وفي أحداثها ......
.......................................................................
..الأبطال :
_بطلة قصتنا الأولي والأساسية هي اسمها زينيب واسم دلعها وشهرتها زيزي وهي فتاة مستهترة جدآ كانت في كلية التجارة والحقوق لمجموعها القليل الذي لا ينفع أن تدخل به أي كلية عالية من كليات القمة ولكن أهلها حبوا تكون بنتهم متعلمة تعليم عالي يليق بيها وبيهم ودخلوها كلية أداب إنجليزي خاصة بالفلوس وكل سنة يدفعوا ليها مبلغ عالي أملا أن تتغير للأحسن وتطور من نفسها وهي مدلعة زيادة عن اللزوم وكل طلباتها مجابة لدرجة أنها أصبحت بنت منحلة وليس لديها أخلاق ولادين ولاتصلح أن تكون زوجة وأم كل اللي يشغلها في حياتها تسهر في ديكسوهات مع صحابها وتخرج نوادي وأي مكان وفي أي وقت عادي ولاتعرف حدود لأي شئ وتتعرف علي شباب وتعيش قصص حب وغرام وتقضي معاهم فترة قصيرة وفي الأخر الشاب يزهق منها ويسيبها ويشوف غيرها بعد مايكون مشي معاها واتسلي بيها شوية وخلاص وهي كذلك الأمر الشاب يسيبها تشوف غيره ومقضياها تسالي وفسح وخروجات وعايشة حياتها عادي لامبالاة وظاهرة قدام أهلها وفي كليتها ولأي حد الملاك البرئ الطاهر والناس كلها عارفة عنها الأخلاق الحميدة التي تتصف بها وطبعاً لأن أهلها ناس محترمين وميسورين الحال بنوا نفسهم بنفسهم فأكيد مربين بنتهم تربية سليمة ولكن بنتهم هي اللي خدعتهم وضيعت ثقتهم الزيادة فيها وسايبين ليها مطلق الحرية علي أساس هي تستعملها صح لكن هي فعلت عكس ذلك وفهمت حبهم ودلعهم ليها غلط واستعملته بشكل سئ ولان كل شئ تطلبه منذ صغرها تلاقيه في ثواني قدامها وجاي لحد عندها فعلشان كده نشأت لم تتحمل أدني مسئولية في حياتها العلمية ولاالعملية .......!!!!!!!!
_نبيل :أخو زيزي الكبير أكبر منها بسنتين وهو شاب نافع وطالع منذ صغره في ضهر أبوه من شغله ودراسته وينجح كل سنة بمجموع عالي ويدرس في كلية الطيران سنة تالتة ليحقق حلمه ويصبح طيار وفي أوقات فراغه في أجازات دراسته يشتغل مع والده لمساعدته من وهو صغير شاب متحمل المسئولية عكس أخته تماماً لأنها الصغيرة ودلوعة البيت ولكن للأسف فهمت كده غلط وافتكرت نفسها تعمل كل اللي هي عاوزاه وماحدش هيعاقبها ولايحاسبها ولا يغلطها في شئ من اللي هي بتعمله .....
_سعيد والد زينيب ونبيل :هو رجل عصامي بني نفسه بنفسه وفتح بيته بشغله البسيط في البداية وكان مبيض محارة يشتغل في المحارة والبياض وواحدة واحدة بمجهوده أصبح مقاول كبير وفتح شركة مقاولات وبقي يشغل هو ناس ويشرف علي شغلهم وشغله كبر وبني مستقبل كويس ليه ولبيته وزوجته وولاده .....
_فريدة والدتهم :ست محترمة جدا وكانت مدرسة لغة عربية وتربية دينية مرحلة إعدادية وده شئ معروف اللي بيدرس العربي هو اللي بيدرس الدين المادتين مهمين في حياتنا لغتنا وديننا وأصبحت مدرسة أول كبيرة وليها وضعها قدام تلاميذها وصحابها المدرسين والمدرسات بل هي قدوتهم ومثلهم الأعلي في كل شئ ويستفادوا ويتعلموا منها كمان .......
.....باقي الأبطال هنعرفهم في قصتنا خلال سرد أحداثها ........!!!!!
....................................................................
....في شقة جميلة متوسطة وهادئة في مصر في التجمع الخامس كانت نائمة زيزي علي سريرها لبعد الضهر في يوم أجازتها من الكلية ومامتها بتحاول تصحيها تفطر معاهم وهي مش راضية تصحي ومطنشة خالص وعاوزة تفضل نايمة براحتها ماحدش يصحيها ولايكلمها......
_الأم :زينيب فيه ايه يابنتي كل ده نوم احنا بقينا بعد الضهر خلاص والعصر قرب يأذن يلا بقي اصحي كده مايصحش ولاينفع يعني ......
_زينيب بصوت نايم :يوووة بقي سيبوني أنام براحتي في يوم أجازتي دي حاجة تقرف .....
_الأم :يابنتي هتفضلي نايمة لحد امتي كده غلط وكتر النوم مش كويس كمان ده أنتي نمتي أكتر من معدلك الطبيعي وده يأثر عليكي ويتعبك .....
_زينيب صحيت من نومها :اديني صحيت وقومت اهوه ياست ماما مرتاحة كده مبسوطة كده وبعدين ميت مرة بقول أنا مش اسمي زينيب اسمي زيزي فاهمين ولالا حرام عليكم ظلمتوني والله هو ده كان اسم تسموه ليا ......
_الأم :ده علي اسم جدتك الله يرحمها وكمان كانت رغبة باباكي وهو اللي كان عاوز يسميكي علي اسمها أنتي ماتعرفيش أمه دي كانت غالية عنده اد ايه .....
_زينيب :لا والله فكان يقوم يسميني علي اسمها عليا النعمة أنا بكره نفسي وبكره اسمي ده وببقي مستعرية أقوله ولاانطقه أما يطلبوه في الكلية بس يلا بقي نصيبي واديني اخترت اسم لايق شوية زيزي عالأقل اسم دلع وشبابي كده ينفع ويمشي مع أسامي صحابي البنات بدل ما أنا اسمي نيلة في وسطهم كده .......
_الأم :حرام عليكي ليه كده يابنتي لدرجاتي طب بلاش اسم جدتك اسم السيدة زينب وبعدين علي فكرة بقي اسم زيزي ده مش حلو ومش عاجبني ولاعاجب أي حد فينا ده زينيب أحلي منه بكتير ووقار عنه عالأقل كان اسم من أسماء بنت من بنات الرسول ..صلى الله عليه وسلم ...
"عليه أفضل الصلاة والسلام"
_زينيب :ماليش فيه يعجبكم مايعجبكوش المهم عاجبني أنا ومن إختياري وعاجب صحابي البنات في الكلية وببقي مرتاحة ومبسوطة كده وحاسة براحة نفسية وأنا بيتقالي زيزي مش زينيب وسعي كده أما أقوم اروح الحمام .....
_الأم في سرها بعد بنتها مامشيت ربنا يهديكي يااارب يابنتي وتعقلي كده .......
...وصحيت زينيب ودخلت الحمام واخدت دش والأم كانت بتجهز الغدا في المطبخ ......
_زينيب :ماما ماما هو بابا فين كده هو ونبيل .....
_الأم :باباكي ياحبيبتي نزل عالشركة يباشر عالشغل كده وهيرجع لما نجهز الغدا ونرن عليه وأخوكي النهاردة عنده محاضرات في الكلية وتمرين يعني إحتمال يتأخر النهاردة اليوم عنده مليان محاضرات وتدريبات ......
_زينيب :أه طيب ماشي هطلع اذاكر شوية كده في أوضتي وبالليل كده ابقي اروح اراجع مع ديدي .....
_الأم :طب يابنتي بس ماتتأخريش أوي ......
_زينيب :ماتقلقيش عليا علي فكرة ديدي دي بنت محترمة جدا وماعندهاش إخوات شباب يعني هي وأختها الصغيرة وخلاص يعني عادي اما اروح عندها ولو اتأخرت وممكن كمان ابات عندها عادي ....
_الأم :زينيب أنتي بتتكلمي إزاي يابنتي ترجعي متأخرة ليه بالليل الناس تشوفك وأنتي راجعة يقولوا دي جاية منين وكمان تباتي عند صاحبتك ليه مالكيش بيت ولاايه المفروض البنت ماتباتش في أي مكان غير بيت أبوها وبعدين بيت جوزها ......
_زينيب :يوووة بقي الكلام ده كان زمان عندكم لكن دلوقتي عندنا لا ....
_الأم :يابنتي زمان ايه ودلوقتي ايه الأدب والأخلاق والإحترام في كل زمان ومكان وبعدين الإنسان يعيش زي مااتربي واتولد إن شاءالله حتي لو راح المريخ أه فعلا يتعلم ويتنور ويتنقل من تقدم لتقدم ويعيش حياته زي ماهي ماشية بس بالأصول والأدب والأخلاق والأحترام وبرضا ربنا عليه مش يعمل أي حاجة كده والسلام من غير مايعرف هي صح ولاغلط عيب وحرام ولامش حرام ......
_زينيب :طيب طيب أنا راحة أوضتي اذاكر .....
......وبالفعل دخلت زينيب علي أوضتها ولكن لم تذاكر تتكلم مع شاب عرفته من فترة بسيطة في يوم بالليل وهي سهرانة في الديسكو وبقت معاه علي طول فون وتتفسح معاه وهي راجعة من الكلية ويروحلها يستناها قدام الكلية ويأخدها وهي تضحك علي أهلها وعلي إنها اتأخرت في المحاضرات أو بتذاكر مع صحابها أي حجة بتقولها ليهم وخلاص تسكتهم بيها وهما من ثقتهم فيها بيصدقوها بدون سؤال ولاكلام ........
_زينيب :ألوووو ياحبيبي أخبارك ايه......
_حسين :حبيبي وقلبي الحمدلله كويس أول ماسمعت صوتك علي طول زي ماأكون كنت عطشان ولما سمعت صوتك شربت وارتويت كمان زي ماأكون كنت جعان ولما سمعت صوتك أكلت وشبعت كمان زي ماأكون كنت تعبان ولما سمعت صوتك اخدت الدواء والعلاج وخفيت وارتاحت ........
_زينيب :هههههههههههه ايه الكلام ده كله أنتا هتغنيلي ولاايه .....
_حسين :ده أنا أغنيلك وارقصلك واعملك أرجواز كمان وأنا أطول يامانجاية قلبي أنتي .....
_زينيب بدلع :بس بقي ياوأد أنتا هتدوخني من كلامك الحلو المعسول ده .....
_حسين :لا مش كلام معسول والله فاكراني بضحك عليكي يعني بالكلام يابت .......
_زينيب :لا أقصد معسول بعسل ومحلي بالكريمة ههههههههه ايه رأيك بقي مش أنا عسل برضه ....
_حسين : ههههههه ياوأد أنتا ياجامد سكر محلي محطوط علي كريمة ......
_زينيب :هههههه يالهووووي هدوخ وهيغمي عليا من حلاوة كلامك ياقلبي .....
_حسين :لا ياقلبي بعيد الشر عليكي وأنتي معايا يغمي عليكي أه أفوقك أنا لكن بعيد عني لا هكون ميت عليكي من القلق .....
_زينيب :لا ماتقلقش ياحبي وبعدين هقفل بقي علشان بابا تحت صوته واصل للأوضة هنا لازم يدخل البيت بالمقدمات وماما سلامات وأهلات وكأنه كان راجع من الخليج وكمان هيطلعوا يندهوا عليا علشان الغدا جاهز سلام ....
_حسين :الله يسلمك ياروحي مستنيكي بالليل ...
_زينيب :حاضر عيوني ....
...وقفلت زينيب معاه الفون ونزلت علي طول قبل ماينادوا عليها ويسمعوها وهي بتتكلم مع حسين .....
......................................................................
_في مدينة السلام في مكان راقي وجميل وهادي وفي شقة متوسطة لعائلة وأسرة بسيطة جداً تتكون من أم وأب وابنهم وبنتهم وهما ناس محترمين وفي حالهم دائما .....
_الأب :مهندس بترول كبير بقاله سنين كتيرة يعمل في شركة بترول من أقدم المهندسين الكفاءة .....
_الأم :ربة منزل في البيت والأب كان لم يسمح لها أن تشتغل يكفي تربيتها السليمة لأولادها ورعايتها لهم ..
_الأبن الكبير :شريف معيد في كلية الهندسة وشخص متفوق جدآ في مجاله ....
_الأخت الصغيرة :سهام طالبة في كلية أداب إنجليزي دفعة أولي ولسه في أول سنة ليها .....
...في بداية يومهم الجديد وفي يوم أجازتهم وهما كلهم صاحين من بدري ومتجمعين عالفطار .....
_الأم :صباح الخير يا حبايبي اد ايه اللمة حلوة والله في يوم الأجازة كده ....
_الأب : بس أنا بقي ماليش أجازات هفطر وانزل امشي عالشغل علي طول ...
_شريف بهزار :خدوا أجازة النهاردة ونخرج كلنا خروجة حلوة كده ياهندسة ...
_سهام :أه والنبي يابابا ده هيبقي أحلي وأجمل يوم أجازة والله ......
_الام :ياريت والله وتعزمي خطيبك حسام يابت ياسهام وتعزميه معانا واهو بالمرة تصالحيه وتتصالحوا سواء كده بدل ما أنتم زعلانين ....
_سهام :والله ياماما حسام هو اللي بقي بيتلكك وعاوز يزعل وخلاص من أي حاجة مش عارفة متغير ليه معايا الفترة دي من ساعة مادخلت الكلية لانو كان رافض المبدأ وعاوزني استكفي بالثانوية العامة ....
_شريف :إزاي هو اتجنن ولاايه عاوز يضيع مستقبلك ده ولاايه ولاغيران ومش عاوزك تبقي أحسن منه ومتعلمة علام عالي بدل ماهو دبلوم صنايع مش كفاية رضينا ووافقنا بيه كده ومااشترطناش عليه في أي حاجة وماجابش ليكي غير الدبلة بس وقال ظروفي وظروف أهلي الصعبة كمان مش عاجبينه ...
_الأم: إهدي بس يابني مش كده ...
_الأب :يابني أهم حاجة أخلاقه هو احنا يعني بشوات مااحنا برضه ناس علي قد حالنا كلنا فقراء ربنا سبحانه وتعالى....
_سهام :هو يقصد لسه قدامي كتير وهو عاوزنا نتجوز علي طول ....
_شريف :ليه هو خلص حاله ولاايه ده لسه بقاله سنة خاطبك وبيقول ياهادي اهوه لحئق يجهز حاله بالسرعة دي .....
_سهام :ماهو الفكرة بقي هيخلص حاله سنة أو بالكتير سنتين أنا بقي قدامي أربع سنين كلية ....
_شريف :والله مش بمزاجه اديكي بتتعلمي ايه اللي يخليكي تضحي بمستقبلك علشانه حد ضامن النصيب هيكون فين كبري دماغك يابت وسيبك منه....
...وفجأة رن فون سهام وقامت ترد عليه ....
_سهام :ألوووووو ....
وبعد ماأنهت المكالمة سقطت عالأرض فاقدة للوعي من الصدمة لأنها ماقدرتش تتحملها والكل قام جري عليها من خوفهم وشدة قلقهم .....
....................................................................
ياترا ايه اللي حصل
انتظروني البارت اللي جاي إن شاءالله .....
رأيكم بكل صراحة وتعليقات بالأراء مش أيموشنات ولاتم ولاالكلام ده ....
بقلم وتأليف :أية علي......