دمرت نفسي "نوفيلا "

"البارت الرابع"

البارت الرابع :
..............................
...تاني يوم في المساء بالليل عند بيت سعيد وفريدة وبنتهم زيزي وابنهم نبيل اتفاجئ الأب بتليفون من شريف بيتصل ......
_الأب :ايه ده شريف بيتصل عليا ليه ....
_الأم :أنا عارفة يمكن عاوز يسألك أو يقولك علي حاجة رد عليه طيب هتسيبه يرن يعني .....
_الأب :طيب يامسهل الحال ياارب ....
_الأب : ألووو ازيك ياشريف يابني أخبارك ايه...
_شريف :الله يسلمك ازيك ياعمي الحمدلله كلنا بخير ياعمي تسلم يااااارب....
_الأب :خير ياحبيبي فيه حاجة ولاايه أخبارك ايه أنتا وزيزي ....
_شريف : الحمدلله ياعمي بس زيزي خلاص مابقتش تنفعني ولاأنا أنفعها احنا أصبحنا مش مناسبين لبعض خلاص وكل شئ قسمة ونصيب وأنا اتكلمت مع بابا وماما عادي واتشاورنا كلنا وخلاص أخدنا نفس الرأي والقرار وزيزي قبلهم كلهم واخداه معايا لأنها هي اللي مابقتش عاوزاني وكانت بتلعب بيا وبمشاعري .....
_الاب :ايه الكلام اللي أنتا بتقوله ده يابني واحنا فين من ده كله يعني أنتا وهي وأهلك طب وأبوها وأمها وأخوها فين ....
_شريف :ياعمي زيزي بتحب واحد غيري من قبل مااتقدملها ووافقت عليا بس علشان تأخدني ليه كوبري بقي أو علي ماهو يخلص حاله ويكون نفسه حضرتك اسالها وأنا هبعتلك صور غير محترمة ليها معاه صورتهم ليهم لما شوفتهم بالصدفة ولما كلمتها اواجهها في الأول أنكرت ولما قولتلها عالصور اعترفت بكل حاجة وهبعتلك ريكورد المكالمة مابينا علشان بس تصدقوني ومش تفتكروني افتريت عليها ولاظلمتها ومعلش أنا شاب عندي كرامة ماأقدرش استمر في خطوبتي مع بنت مش عاوزاني وبتحب غيري كده خيانة ياعمي بكرة تكون متجوزاني وتبقي نفس النظام برضه تحب عليا وتخوني وياعالم ممكن أكون في شغلي وسايبها في البيت تدخل وتطلع رجالة دي ماأمنهاش تكون زوجة ليا ولاأم لأولادي في المستقبل أسف عالكلام ده ياعمي بس صدقني دي الحقيقة ....
_الأب :والله يابني مش عارف أقولك ايه خلاص ابعتلي الحاجات اللي أنتا بتقول عليها علشان أشوفها بس أمانة عليك ماحدش يعرف مهما كان برضه احنا أكلنا عيش وملح مع بعض ....
_شريف :لا طبعاً ياعمي أنتا بتقول ايه وأنا مش خاين العيش والملح ومهما كان برضه كانت خطيبتي وبعدين هتكون أختي زي سهام بالظبط وأنا أخاف علي سهام من الهوا وأي حد بس يقربلها أو يزعلها ممكن اقتله أو امحيه من علي وش الدنيا ماتقلقش هبعتهم ليكم وهمسحهم من عندي أنا بس صورتهم وسجلت الريكورد علشان بحيث لو أنكرت يبقي فيه إثبات تصدقوني بيه .....
_الأب :كتر خيرك يابني وربنا يرزقك باللي أحسن منها إن شاءالله وبالنسبة لسهام ونبيل ماتقلقوش ولاتشغلوا بالكم خالص ولاتخافوا نبيل بيحب سهام جدا وكده كده احنا أهل وهنفضل أهل إن شاءالله..
_شريف :لا ياعمي ده بيرجع للقسمة والنصيب وهما مالهمش ذنب وحرام يتأخدوا بذنبنا أنا وزيزي ماتقلقش وإن شاءالله هنيجي بكرة ولابعده نأخد حاجتنا كلها ....
_الأب : طبعاً يابني ده حقكم احنا مانقبلش حاجة علي نفسنا أبدأ وبعدين احنا خسرنا راجل أهم من كل ده ......
_شريف :ماتقولش كده ياعمي أنا معاكم في أي وقت وأي حاجة تحتاجوها أنا تحت أمركم وعنيا ليكم وكأن ماحصلش أي حاجة ....
_الأب :تسلم يابني وشكرا على ذوقك والله ....
_شريف :ربنا يخليك يارب ياعمي سلام حضرتك ...
....وقفلوا الفون مع بعض وبقي سعيد مصدوم وفي قمة إحراجه وكسفته من بنته ومستغرب من اللي هو بيسمعه ومش مصدقه وأول مرة يسمعه أصلا .....
_الأم :خير ياسعيد فيه ايه طمني ....
_نبيل :فيه ايه يابابا ....
_الأب :شريف عاوز يفك الخطوبة لأن بنتك بنت منحلة ودايرة علي حل شعرها وبتتصرمح مع شاب تاني وهو شافها وصورها ولما جه يواجهها هي بكل بجاحة قالتله إنها بتحبه ...
_الأم :يالهوي زينيب تعمل كده مش معقول لا أنا مربية بنتي كويس وواثقة فيها لا مش معقول ....
_الأب :دلوقتي هيبعتلي الصور والريكورد اهوه وهتصدقوا بنفسكم .....
_نبيل : صدقتوني بقي أما كنت بقولكم شدوا عليها شوية خروجها بالليل ورجوعها في نص الليل ده مش يطمن خالص وقفتوا كلكم ضدي ....
_الأم :يعني ايه كانت بتروح وتخرج معاه واحنا مش حاسين ونايمين علي ودانا بنتنا كانت بتستغفلنا .....
....وفجأة اتفاجئ الأب بفونه جاي عليه الصور والريكورد واتس من شريف فتحهم وسمع الريكورد وبقي هو والأم ونبيل مصدومين ودخلوا كلهم علي زيزي أوضتها بكل عصبية .....
_زيزي :فيه ايه ياجماعة مالكم كده .....
_نبيل :شريف فك الخطوبة ولسه مخلص كلامه مع أبوكي دلوقتي وقاله كل شئ قسمة ونصيب وهيجولنا يوم بكرة ولابعده يأخدوا حاجتهم بسبب إنحلالك وقلة أدبك وصياعتك مع ده وده ....
_زيزي :اخرس ....
....فجأة زيزي اتفاجئت بقلم علي وشها من أبوها ....
_زيزي :أه يابابا أنتا بتضربني ....
_الأب :أيوة بضربك وأقطع رقبتك كمان أصل أنا اللي غلطان سبتلك السايب في السايب واديتك مطلق الحرية الكاملة أكتر من حجمها لما أنتي استعملتيها غلط بتلعبي بولاد الناس ضيعتي من إيديكي شاب كان في غاية الأدب والإحترام وأهله كانوا ناس محترمين احنا عمرنا مانحلم نناسبهم علشان شاب صايع وضايع ياعالم هيتقدملك فعلا ولابيلعب ويتسلي بيكي ...
_زيزي :لا علاء بيحبني ومش بيلعب ولابيتسلي بيا أبدأ وهيكون نفسه ويجي يتقدملي ويطلب إيدي منكم وأنا فعلا مش عاوزة شريف ومابحبوش ...
_نبيل :أنتي واحدة سيئة وابقي استني بقي سي علاء بتاعك ده أما نبقي نشوف لو كان عاوزك أصلا كان جالك من زمان لادامكم كنتم مع بعض من قبل خطوبتك علي شريف ماكانش سابك تتخطبي ليه أصلا ....
_الأم :ياخسارة يابنتي بعتي الدهب بالتراب هو أنتي ضامنة ده هيكون شكله ايه طب شريف وكنا عارفينه وعارفين أهله ياعالم ده هيكون ايه هو وأهله ....
_زيزي :أنا ماليش دعوة بأهله أنا بحبه هو وهو بيحبني وقريب إن شاءالله هيجي يتقدملي وبعدين أهله ناس فافي ومحترمين عالأخر ....
_نبيل :خودوا في بالكم أنا مش هسيب سهام أبدأ مهما يحصل أنا بحبها وهي كمان بتحبني ومافيش أي شئ هيفرقنا عن بعض كفاية عليا أخلاقها وإحترامها وحبها ليا فاهمين ....
_الأم : طبعاً يابني هي مالهاش ذنب ولاأخوها كمان الذنب ذنب أختك وبعدين يازيزي خلي بالك كما تدين تدان زي ماعملتي في شريف ولعبتي بيه وبمشاعره أكيد ربنا هيعاقبك وهيكون علاء ده بيلعب بيكي وبمشاعرك وفي الأخر هيسيبك ويرميكي وتبقي لاطولتي ده ولاده لااتجوزتي اللي حبك ولا اللي أنتي حبتيه وهيكون ده أشد عقاب ليكي ....
_زيزي :ههههه بكرة تشوفي ياماما وتشوفوا كلكم كويس وتعرفوا إن كان عندي حق .....
_الاب :يااريت يكون فعلا عندك حق واحنا الغلطانين بس حتي لوحصل النصيب أكيد هتكون عيشتكم مع بعض جحيم لان ربنا مش بيسيب حد أبدأ سواء ظالم أو مظلوم .....
....والأب والأم والأخ استعوضوا ربنا وزعلوا وخرجوا وسابوها لوحدها وزيزي بقت مبسوطة وسعيدة وفي ثواني كلمت علاء وبلغته بالخبر ده ...
_زيزي :ألوو ياحبيبي افرح يلا أنا وشريف خلاص سبنا بعض الحمدلله وهيجوا يأخدوا حاجتهم بكرة ولابعده إن شاءالله أخيرا خلصت من الخنقة دي ...
_علاء:بركة حلو أوي ....
_زيزي :هتيجي تتقدملي أمتي بقي علشان الجماعة في البيت دلوقتي بيقولولي إنك ممكن تكون بتتسلي بيا لازم تثبتلهم غير كده ....
_علاء:لا ماتقلقيش أصلهم مايعرفونيش كويس ولالسه شافوني لكن أول مايشوفوني هيحبوني جدا ......
_زيزي : طبعاً اومال ايه ده أنتا وأد عسل وتتحب من أول مرة ده أنا وقعت فيك وفي حبك ياوأد من أول مرة شوفتك فيها .....
_علاء : طبعاً ياحياتي ده أنا اللي وقعت طبيت ولاحد سمي عليا ياعيوني ....
_زيزي :الله عالكلام ....
_علاء :طب اسيبك بقي دلوقتي تنامي وانا كمان أنام ونتقابل بكرة إن شاءالله ونحكي ونرتب أمور حياتنا كده .....
_زيزي :ياااه أخيرا هيتحقق حلمنا سواء وربنا هيجمعنا ببعضنا في عش حبنا ....
_علاء :طبعا ياروحي هو أنا حد أي كلام ولاايه .....
_زيزي :طب ياقلبي تصبح علي خير ياحبي ده أنا هنام واحلم ببكرة واليوم ده ...
_علاء:أنا أكتر والله يلا ننام ونحلم وبكرة وبعده نحقق إن شاءالله ....
_زيزي : طبعاً ياحبيبي ربنا يحققلنا أحلامنا كلها ياارب تصبح علي ألف خير ياحبي ....
_علاء :وأنتي من أهله ياحياتي ....
وقفلوا مع بعض ونامت زيزي وهي بتحلم باليوم ده ....
...وعلاء كان مدبر ليها خطة هو وحسين ابن عمه ....
_فلاش بااك ...
......................
حسين ابن عم علاء هو نفس الشاب اللي كانت بتحبه زيزي وترقص وتسهر معاه في الديسكو وأول ماشافها وعرفها وعرف إن أهلها ناس متريشين ومعاهم فلوس مشي معاها وجاب رجليها وبعدها سلمها لعلاء ابن عمه وعملوا التمثيلية دي مع بعضهم عليها ومثلوا نفسهم إنهم أعداء وبيتخانقوا ويضربوا بعضهم في الديسكو علشانها وعلاء عمل نفسه إن هو يعني ضربه علشان تحبه أكتر وتقول عليه راجل وهما بقي مدبرين ليها خطة علشان يأخدوا من وراها فلوس زي مابيعملوا كده مع أي حد متريش ومعاه فلوس سواء أي بنت منحلة من البنات اللي أهلها مبسوطة ومدخلينهم كليات بالفلوس ووراهم عصابة ممشينهم 2رجالة صحابهم كبار متخصصين في السرقة والخطف والحاجات دي .....
....بااااااك :
.................
...علاء اتصل بحسين وكلمه بعد ماقفل مع زيزي الفون علي طول .....
_حسين :ألووو ياعلاء ....
_علاء:أيوة ياحسين البت سابت خطيبها خلاص ومنتظراني اتقدملها وطبعا هتستلمني وتدوشني كل يوم وأنا لابخطب ولابتجوز كلها كام يوم وأسافر أنا قولتلها تقابلني بكرة إن شاءالله وننفذ الخطة أنا وأنتا والرجالة ....
_حسين :افارم عليك ياجدع يعني خلاص نجهز علي كده ......
_علاء :أيوة أنا هخليها تقابلني بالليل هيكون الليل هادي والجو ضلمة وماحدش هيشوف حاجة وهي كده كده طبيعي تروح ورايا في أي مكان وفي أي وقت دي بنت سايبة ومنحلة ومالهاش كبير .....
_حسين :تمام ماهي كانت كده معايا برضه .....
...وقفلوا الفون مع بعضهم وناموا كل أبطال القصة علي كده .......
.....................................................................
_تاني يوم الصبح في كلية أداب إنجليزي :
............................................................
....زيزي رايحة كليتها فرحانة ومبسوطة وقالت لكل صحابها إنها سابت خطيبها وقريب هتتخطب وبقت ترمي علي سهام بالكلام وسهام بنت محترمة مش بترد عليها ولابتسمع ليها وتقول للبنات كل شئ قسمة ونصيب ومااتفاهموش مع بعض وخلاص علشان ماتغلطش في صاحبتها وزيزي تقلب الصورة وتقول دي بتعمل كده علشان خايفة لانبيل يسيبها هي كمان مش نبل ولاكرم أخلاق منها والكل كبر دماغه عادي من ناحيتهم بيسمعوا وخلاص ويبقوا مع اللي بيحكي وقتها بوشين يعني اهو كلام وخلاص وخلص اليوم بمحاضراته مع كل الطلاب وروحوا عالبيت في أخر اليوم الدراسي وشريف وأهله راحو البيت اخدوا حاجتهم من أهل زيزي وإنتهي الموضوع علي كده ومابقاش فيه غير نبيل وسهام وهما بيحبوا بعض ومتفاهمين .......
.....................................................................
...زيزي خرجت من كليتها من بره بره مع علاء في عربيته وكانت في منتهي الفرحة والسعادة الكاملة ...
_زيزي :أخيرا ياحبيبي مابقتش لحد غير ليك اهوه بس أنتا هم نفسك بقي واخلص كده .....
_علاء :خلاص ياقلبي إن شاءالله هترتاحي خالص وتكوني أسعد إنسانة في الدنيا كلها تيجي نتفسح شوية ولانروح ديسكو نرقص ونسهر ونشرب إحتفالا بفك خطوبتك وإننا بقينا لبعض خلاص ...
_زيزي :أهلي مش هيسكتوا ليا لأنهم خلاص عرفوا كل حاجة وكمان هتلاقيهم زعلانين جدا لان شريف وأهله هيروحوا ياخدوا حاجتهم النهاردة ......
_علاء :أحسن برضه لازم ماتكونيش موجودة قدامهم في الوقت ده علشان لما يشوفوكي أكيد مش هيسكتوا ليكي ابعدي النهاردة عنهم بس .....
_زيزي :طب ولما يسألوني عالتأخير ده أقول ايه خلاص مابقاش ينفع اتحجج بأي حاجة تانية كل شئ انكشف واتعرف ....
_علاء :عادي قوليلهم إنك معايا وبنتفق علي إني اجي اتقدملك خلاص ....
_زيزي :بجد ياروحي يااااه أخيرا حلمي هيتحقق واترمت في حضنه وقالتله بينا يلا نروح نحتفل ونفرح ونرقص ونتبسط .....
_علاء : طبعا يلا هطلع بالعربية اهوه وكفاية إنك في حضني بس ياحياتي عقبال ماتبقي في حضني واحنا في بيتنا كده وفي عش الزوجية بتاعنا ....
.....وفضل علاء يلف بزيزي بالعربية ويفسحها لحد ماالجو بقي ليل وراحو عالديسكو رقص وشرب وضحك وهيسة وزيزي أهلها بيرنوا عليها وهي تنكسل لحد علاء مااقترح عليها تقفل فونها خالص علشان يريحوا دماغهم ويتبسطو براحتهم ......
....وأثناء ماكانوا بيرقصوا جه تليفون لعلاء فاستأذن زيزي وقالها إنهم أهله وسابها ترقص وراح اتكلم ....
_علاء :ألووو ياحسين هااا جاهزين....
_حسين :أيوة جاهزين أنا والعصابة أنتم ايه أخباركم البنت معاك ولاايه ....
_علاء:أيوة معايا طبعاً ونازلة رقص وشرب وفرحانة أخر فرحة ليها هههههه ياعيني عليها وعاللي هيحصلها كمان شوية خليها تفرحلها دلوقتي أحسن ده بعد كده هتشوف حاجات وتتعذب عذاب ......
_حسين :تمام احنا جايين أنا والرجالة في العربية وأنتم يلا اطلعوا بقي .....
_علاء : طبعاً طالعين اهوه فاهمين هتعملوا ايه تيجوا ورانا تهاجمونا كأنكم عاوزين تخطفونا وأنا اهرب منكم لحد مااطلع بيها في المكان اللي اتفقنا عليه وطبعاً أنتم ورايا وهي هتكون فاكراني ضحية معاها وبعدها ننفذ الخطة سواء يلا سلام ...
_حسين :الله يسلمك مستنينكم ....
.....علاء راح لزيزي وهي بترقص وقالها مش يلا بينا بقي ياحبي احنا اتأخرنا اوي والجماعة استغيبوني في البيت ....
_زيزي بدلع :امممم بقي سيبني شوية ياحبيبي عاوزة ارقص معاك ماشبعتش رقص....
_علاء :طب خلاص ياقلبي تعالي نركب ونلف مصر كلها فسحة ولايهمك ياحبيبتي هو أنا أقدر ارفضلك طلب أبدأ .....
_زيزي : حبيبي بينا يلا أنا معاك في أي حاجة وباسته من خده وطلعوا مع بعضهم العربية وركبوا وبقت زيزي في العربية تشغل الكاسيت ورقص وتسقيف وغني مع الكاسيت وأغانيه من شدة فرحتها .....
_علاء :ههههه يابت اعقلي واركزي كده بس برضه بحبك وبموت فيكي وفي جنونك العسل زيك ده ...
_زيزي :مجنونة بحبك ياحياتي وقلبي من جوا ....
.....وفجأة علاء شاف العربية اللي بتجري وراهم ومراقباهم في المراية وقال لزيزي الحئقي ....
_زيزي :فيه ايه ياعلاء ومين دول وعاوزين مننا ايه وليه مراقبينا وبيجروا ورانا كده أنا خايفة أوي ....
_علاء :ماتخافيش وأنا معاكي هخلع منهم واخد زيزي في حضنه قال يعني بيطمنها وبيوريها أنتي معايا وفي حضني يبقي ماتخافيش من أي حاجة ...
....وزيزي بقت مطمنة وهي معاه وفي حضنه وعلاء طلع بيها عالمكان المقطوع اللي متفقين عليه هو وحسين والرجالة ووقف بالعربية فيه .....
_زيزي :هاااا ياحبيبي وقفت ليه وايه المكان الغريب والمخيف ده ....
_علاء :ماتخافيش خلعت منهم خلاص وشوية كده ونرجع تاني لمكانا ....
_زيزي :حبيبي طول ما أنا معاك وأنا حاسة بالأمان ومش خايفة أبدأ .....
...وفجأة هجمت الرجالة عليهم في العربية واحد فتح باب عربية علاء ونزلوا منها واشتغل فيه ضرب كده وكده يعني تمثيل قدام زيزي علشان تصدق ....
_زيزي نزلت تجري عليه تقول :علاء حبيبي سيبوه ياحيوانات لكن مالحقئتش تنزل منها وللأسف اتفاجئت بالراجل التاني من الناحية التانية في وشها وبالمنديل علي مناخيرها ووشها وخدرها وبقت تحاول تقاومه لكن ماقدرتش تتحمل وفجأة غابت عن الوعي وراحت في دنيا غير الدنيا والرجل فضل ضاغط عليها لحد مااتأكد إنها خلاص اتخدرت تماما وفقدت وعيها وراح شالها وقال للرجل اللي بيضرب علاء يلا البت خلاص اتخدرت وبقت في إيدينا ومش دريانة بالدنيا حواليها بينا يارجالة عالعربية .....
علاء والرجل جريوا عالعربية وكان حسين فيها مش راضي ينزل معاهم لأحسن زيزي تشوفه وتعرفه وأول ماراحو كلهم حطوا زيزي في شنطة العربية وقفلوا عليها وركبوا هما الأتنين الرجالة في الكنبة ورا وعلاء جنب حسين في الكرسي قدام وحسين هو اللي سايق بيهم ....
_حسين :هههههه ولا وقعت البت ولاحدش سمي عليها .....
_علاء:هههههه أيوة اومال ايه افارم عليكم يارجالة ...
_راجل منهم ورا :عيب ياعلاء ده احنا متمارسين ومتتدربين من زمان في الحاجات دي هتيجي خطة تافهة زي دي تقف قدامنا برضه ....
_علاء:لا طبعاً ده أنتم مافيش زيكم حد طب أنتم يتعملكم برواز وتتحطوا في موسوعة جينز ....
_حسين :ههههههه بس فيه حاجة افرضوا البت فاقت قبل مانروح بيها المكان وشافتني وكشفتني وكشفت اللعبة كلها هنعمل ايه .....
_الراجل ورا :ماتقلقش ودي حاجة تفوت علينا برضه أنا مديها بنج ينيمها ويخدرها لمدة يوم كامل لو جمل واخده مش هيفوق منه يعني البت هتفوق علي بكرة زي دلوقتي إن شاءالله نكون احنا عملنا معاها الصح والواجب وظبطناها عالأخر ويجوا أهلها بعد مايدفعوا الفلوس ويأخدوها يلاقوها ياعيني متدمرة نهائي وينصدموا هما كمان واحنا نكون أخدنا كل حاجة ومشينا من البلد كلها ......
_حسين :أيوة أنا هسافر معاكم مش هفضل هنا لوحدي مش كل واحد فيكم يشوف حاله وتسيبوني أنا البس الليلة كلها افرضوا حد عرف ولا أهلها بلغوا البوليس مايلاقوش غيري أنا بقي نهج كلنا من البلد يانعيش عيشة فل يانموت احنا الكل بس إن شاءالله العيشة فل وهما يخبطوا دماغهم في الحيط .....
....وضحكوا كلهم في العربية لحد ما وصلوا الشقة بتاعتهم اللي دائما يعملوا فيها كل الخطط القذرة وماحدش قادر يوصلهم ......
....................................................................
....في البيت عند شريف وأهله وكلهم متجمعين مع بعضهم وهما أسرة كويسة ومحترمة وبيحبوا بعض ..
_الأم :ياااه أخيرا خلصنا يابني من البت دي الحمدلله ربنا نجدك بكرة تلاقي اللي أحسن منها وتستاهلك بجد ...
_الأب :بس برضه افتكري إن احنا ماخلصناش منهم خالص لسه فيه صلة بنتك سهام وخطيبها نبيل ...
_الأم :أه والله ياخوفي عليكي يابنتي من البت القادرة دي هتحطك في دماغها وتغير منك وممكن تأذيكي وأنتي ماتوصليش لبجاحتها ولاتيجي فيها حاجة بت شر صحيح ....
_سهام :ماتخافيش ياماما ربنا معايا قبل أي حاجة وأنا ماليش دعوة بيها وبعدين لسه بدري عالجواز ياعالم مش يمكن الخطوبة تتفك لأي سبب تافه من الأسباب ....
_الأم :ماهو أكيد من دلوقتي بقي مش هتطيقك مخطوبة لأخوها وهي مفكوك خطوبتها وتعالي قابليني لو الواد اللي هي فضلته علي أخوكي ده راح وعبرها هتشوفي شرها أكتر وأكثر ربنا يسترها عليكي يابنتي ياارب 🤲....
_شريف :ماما ماتقلقيش نبيل راجل وجدع وبيحب سهام وهيعرف إزاي يحافظ عليها ويحميها لانه هو وأهله عارفين زيزي علي حقيقتها كويس ماتقلقيش وخليها على ربنا ......
_الأم والأب :ونعمة بالله يابني ربنا يسترها عليكم ياارب ويجعل الخير من نصيبكم ويبعد عنكم الشر...
........................................................................
.....في البيت عند نبيل ووالده ووالدته قلقانين علي زيزي وتأخيرها وكمان بالأكتر لما قفلت تليفونها وهما يرنوا وماحدش بيرد عليهم الهاتف مغلق أو غير متاح بقوا هيموتوا من قلقهم عليها .....
_نبيل :عاجبكم كده بقي عمايل بنتكم دي هي ايه مش بتتعلم عمرها ولابتحرم .....
_الام :يالهوي يابنتي دائما موقعة قلبنا عليكي كده ...
_نبيل :هتلاقيها بتتصرمح مع الواد الصايع بتاعها ده أنا داخل أنام وماحدش فيكم يدخلني في مواضيعها تاني ولايشغلني بيها بعد كده لاني أنا خلاص قرفت منها ومابقتش أطيق اشوفها قدامها لاني ممكن أموتها في لحظة وارتاح منها واريحكم أنتو كمان ...
_الاب :أنتا اتجننت يابني تموت أختك برضه ...
_نبيل :أنا داخل أنام تصبحوا علي خير ....
ودخل نبيل نام وعلي إن زيزي بقي سهرانة ماهي دي عادتها دائما تأخير وسهر وإهمال وإستهتار متزايد ...
...والأب والأم بقوا هيموتوا من القلق عليها وبيقولوا ياارب ترجع بقي ونطمن عليها دي عمرها مااتاخرت التأخير ده كله غريبة ده احنا داخلين علي وش الفجر .......
.......................................................................
....حسين وعلاء والرجالةوصلوا للمكان اللي ماحدش يعرفه أبدأ ونزلوا علشان يطلعوا زيزي من شنطة العربية وفتحوا الشنطة وطلعوها علشان يطلعوا بيها الشقة فوق وزيزي فاقدة الوعي وغايبة عنه تماماً .......
........................................................................البارت خلص أتمني يكون عجبكم
انتظروا البارت الخامس والأخير
رأيكم بكل صراحة وتعليقاتكم وتفاعلكم وتشجعيكم معايا دائما......
بقلم وتأليف:أية علي .......