_البارت الثاني:
......................
وبعد ماأنهت سهام المكالمة سقطت عالأرض فاقدة للوعي من الصدمة لأنها ماقدرتش تتحملها والكل قام جري عليها من خوفهم وشدة قلقهم .....
_الأم :بنتي حبيبتي مالك الحقوني بسرعة الحئق أختك ياشريف .....
_شريف :حمل أخته ودخلها علي أوضتها وحاول يفوقها لكن كانت هي مش بتستجيب معاهم ....
_الأم: ياترا يابنتي مالك فيكي ايه بس ومين اللي كلمك وعمل فيكي كده وخلاكي يجرالك اللي جرالك ده ياساتر استر ياارب بنتي هتموت مني في دقيقة ..
_شريف :أكيد الزفت اللي اسمه حسام هو فيه غيره اللي منكد عليها وعلينا عيشيتنا اومال لو ماكانتش هي أحسن منه بس نقول ايه بقي شحات وبيتأمر وأنتم ساكتين ليه علي اللي بيعمله ماأنتم اللي عملتوه بني أدم وخليتو ليه قيمة علينا وادتوه أكبر من حجمه ....
_الأب :يابني مش وقته وتعالي نجيب لأختك دكتور دلوقتي ولما تفوق ونطمن عليها نبقي نعرف منها ايه اللي حصل المهم هي الأول .....
_شريف :خليك يابابا هتصل بزميلي محمد باباه دكتور ممتاز جدا نشوف ظروفه وأحواله ايه ونأخد سهام عنده العيادة بدل مانروح المستشفي لسه ونتبهدل بيها ونبهدلها وهي تعبانه كده وفي حالتها دي لكن أبو صاحبي عيادته قريبة من هنا ....
_الأم: ببكاءبسرعة يابني والنبي أختك هتروح مننا وأنا قلبي واجعني عليها وهي بالمنظر ده قدامي .....
....وبالفعل اتصل شريف علي محمد صاحبه ......
_محمد :ألووو ازيك يا شريف أخبارك ايه....
_شريف : الحمدلله يامحمد عمي مشغول دلوقتي ولافاضي ....
_محمد :لا موجود دلوقتي معانا وشوية وهيروح العيادة وبالليل هينزل عالمستشفي ليه فيه حاجة ولاايه ياعم قلقتني ......
_شريف :سهام أختي أغمي عليها فجأة وفقدت وعيها ومش عارفين نعملها ايه وكنت عاوز اجيبها العيادة قريبة عن المستشفي لأنها مش راضية تفوق نهائي .....
_محمد :طب ياعم ولاتقلق هقوله حالا وأنتا عارف أبويا يعني جدع وواقف مع أي حد سواء كبير أوصغير ده إحتمال هو اللي يجيلكم البيت كمان .....
_شريف: ربنا يخليك يااارب يامحمد .....
....واتكلم محمد مع أبوه علشان يستأذنه ويشوف ظروفه وأحواله .....
_محمد :بابا شريف صاحبي أخته سهام تعبانة جدا وهو عاوز ليها دكتور واتصل بيا علشان يجيلك العيادة لأنها أقرب من المستشفي ....
_الأب :طب هي تعبانة مالها يامحمد بالظبط .....
_محمد : أغمي عليها وفاقدة الوعي نهائي وبيحاولوا يفوقوها مش بتفوق ....
_الأب :لا يابني هروح أنا ليهم أنا كنت أصلا هنزل العيادة لكن هعدي في طريقي الأول أشوفها بدل مايتبهدلوا بيها ويبهدلوها وأكيد إغمائها وفقدانها للوعي وكمان مش بتستجيب ولابتفوق دي صدمة عصبية حاجة مزعلاها أو إنفعلت أوي .....
_محمد :ربنا يخليك ياارب يابابا هقول لشريف حالا يستناك ....
_الأب :تمام يابني وأنا هلبس ونازل حالا كلهم بناتنا ولازم نعامل ربنا علشان ربنا يعاملنا في بناتنا وفيكم يااارب .....
....وبالفعل نزل الأب علي بيت شريف وراح وكشف علي سهام وقاس ليها الضغط وكتب ليها علي شوية أدوية وحذرهم بعدم الإنفعال لأن ده نتيجة صدمة عصبية شديدة......
_شريف :ربنا يخليك يااارب ياعمي مش عارف أقولك ايه والله أنتا ومحمد حقيقي ونعمة الصحاب ونعمة الأب اللي زي حضرتك كده بجد أبويا سعيد بيك وبمعرفتك جدا أنتا نورتنا النهاردة بس غصب عنه مش عارف يتعرف عليك أوي من زعله شوية علي سهام وتعبها بس لازم تنورنا مرة تانية ....
_الأب والد محمد : يابني ولايهمك كلكم ولادنا بس رجاءا ممنوع الإنفعال ولازم هي تنتظم وتأخد الأدوية في ميعادها والإلتزام بيها وأنتم برضه تكونوا معاها وتشجعوها علي كده .....
_شريف : طبعاً ياعمي نورت الدنيا كلها ......
........................................................................
_في المساء في الديسكو زينيب وحسين مع بعضهم شرب ورقص ودلع وإستهتار وكلها شلة فاسدة بنات وشباب ......
....زينيب بترقص مع حسين وبيضحكوا .....
_حسين :مش يلا بينا بقي الشلة هناك بتنادي علينا تعالي نروح نقعد معاهم شوية نشرب كاسين كده ولاحاجة ونريح شوية وسطي اتهد يابت أنتي ماتعبتيش يخربيت وسطك ده .....
_زينيب :خمسة وخميسة عليك ياوأد أنا مابزهقئش ومابتعبش ده الديسكو والرقص والفرفشة دول متعتي وحياتي اللي عايشة علشانها علام ايه وزفت ايه هو فيه أحلي من تكبير الدماغ والعيشة بحرية ...
_حسين :ههههههه طب عن إذنك مع نفسك بقي ....
_زينيب :أوووووكيييييه وبطريقة صايعة بقي من بنت منفلتة .......
...وبالفعل راح حسين للشلة وقعد معاهم يهزروا ويضحكوا ويشربوا وتسالي وزينيب بترقص هناك مع نفسها وفجأة شافها شاب عجبته وحليت في عنيه وحب يتسلي شوية ويرقص معاها وراح عليها .....
_الشاب :يامسائو ياعسل بترقص لوحدك ليه ....
_زينيب :كده الأنتيم بتاعي كان بيرقص معايا من شوية بس تعب وراح قعد مع الشلة رجالة أخر زمن ..
_الشاب : ههههه حمار بعيد عنك ده أنتي عسل ورقصك يجنن بس ولايهمك ارقص أنا معاك ياعسل وارقصك وافرفشك وادلعك لكن اسيبك وحيد كده لا إزاي ....
_زينيب :ههههههههه أيوة كده أحب الفرفشة والدلع والمفرفشين والمدلعين كده ......
_الشاب :أيوة كده بينا يلا اديلووووووو ياجامد وفضلوا يرقصوا مع بعض رقص غير محترم ويمسكوا بعضهم ....
_الشاب :اسم الجميل ايه ....
_زينيب : زينيب اسمي الحقيقي منهم لله بابا وماما قال ايه سموني علي اسم ستي أم أبويا الله يرحمها أصل أبويا كان بيحب أمه أوي هههههههه لكن أنا اسمي زيزي اسم شهرتي وبعتبره الحقيقي ....
_الشاب :ياعيني ظلموكي والله بالاسم ده مايستاهلش الجمال ده كله أنتي كنتي يبقي اسمك جميلة قمر نجمة شمس حاجة تليق بمقامك ياجامد ...
_زينيب :هههههههه حبيبي وربنا وأنتا اسمك ايه بقي .....
_الشاب :علاء وحياتك ......
_زيزي :ياعلوة ياجامد ههههههههههه ........
_علاء :ياناس ياناس أحلي علوة في الدنيا ده ولاايه ....
...الشلة شافتهم مع بعضهم وقالوا لحسين وحسين أول ماشافهم النار شالت في جسمه وقام جري عليهم ومسك زيزي وضربها بالقلم ......
_زيزي :أااااااه مالكش دعوة بيا بتمد إيدك عليا ياحيوان ياحقير .....
_علاء راح عليه ومسكه ضربه بالبوكس في وشه وحب يعمل نفسه قدام زيزي رجولة علشان تخلع حسين وتخليها معاه واهو يتسلي بيها يومين زي حسين وغيره وغيره .....
_زيزي :جدع ياعلاء اخدت حقي من الحيوان ده ماعاش ولاكان اللي يمد إيده علي زيزي يايلا فاهم ...
_حسين :وربنا ماهسيبكم أنتم الاتنين يازيزي .....
....ومشي حسين والشلة اخدوه يهدوه ويبعدوه عن علاء بدل مايضربه بإزازة ولاحاجة ولايأذيه ......
_زيزي راحت لعلاء ومسكت فيه وقالتله حبيبي أنتا ده خلاص الشته ده كان واد خيخة كده وطري ....
_علاء :يابت وربنا ده أنا هفرفشك عالأخر فكك فكك .....
.......................................................................
_في البيت عند سعيد وفريدة أهل زيزي :
....نبيل في أوضته مدايق من تأخير أخته اللي بقي متكرر زيادة عن اللزوم وبقت دائما تخرج وترجع بالليل وإنها بتذاكر عند ديدي صاحبتها طبعاً ماتوقعوش إنها ممكن تخدعهم وتغشهم وتضيع ثقتهم الزيادة فيها ونبيل مستني علي نار وشغال رن عليها عالفون وهي مطنشاه ومش بترد عليه علشان مايسمعش صوتها في ديسكو في وسط رقص ووش وأغاني وصوت علاء معاها وهو بيتكلم ويضحك وفي النهاية قفلت الفون نهائي وده زاد جنون نبيل أكتر وأكتر وبقي مش عارف يعمل ايه وفكر لو كان معاه رقم حد من صحباتها البنات يسألهم عليها بس للأسف مش معاه أرقامهم فخرج بره الصالة لباباه ومامته وهما بيتفرجوا عالتلفزيون ومعتمدين إن بنتهم بتذاكر وواثقين فيها كويس ....
_نبيل :ماما بابا هي زينيب إزاي ماتجيش لحد دلوقتي وأنتم إزاي اعدين كده بتتفرجوا عالتلفزيون ولاعلي بالكم حاجة خالص هو أنتم ماتعرفوش الساعة داخلة علي كام دلوقتي .......
_الأم :لا يابني هي قالتلي النهاردة إنها راحة تذاكر عند ديدي صاحبتها وإحتمال تتأخر ولو إتاخرت زيادة عن اللزوم معاها وانشغلوا في المذاكرة ممكن تبات عندها ويروحوا عالكلية علي طول ......
_نبيل : نعم أنتم بتتكلموا إزاي وبعدين انا مش مقتنع ولامصدق 1٪إنها بتذاكر عند صاحبتها من أمتي وهي فالحة وبتذاكر يعني هي بتعرف تذاكر لوحدها ده احنا مدخلينها الكلية بالعافية بفلوس اد كده وكان مجموعها زبالة في الثانوية العامة ايه فجأة الوحي نزل عليها كده وبعدين ماتذاكر في بيتها وفي أوضتها هنا وكده كده النت موجود تبقي تسأل صحابها عن أي حاجة هي واقفة فيها أو تذاكر عالنت ....
_الأب :مالك يابني إهدي كده بس ...
الأم :يابني وماله هي عرفت مصلحتها كويس وربنا هداها وبقت تشوف مذاكرتها وحالها خلاص وقدرت تعبنا علشانها تكره لأختك كده ياحبيبي ....
_نبيل :يبقي في بيتها وبأخلاقها زي كل بنت محترمة ...
_الأم :لا مالكش حق بقي يانبيل أنتا بتشك في أخلاق أختك ولاايه ولافي تربيتنا ليكم ....
_نبيل :متأسف ياجماعة أنا داخل أوضتي لاني أصلا مش مستحمل أي حاجة .....
_الأم والأب :ربنا يهديكم ياولاد يااارب 🤲
وزهقئوا من الفرجة عالتلفزيون وقاموا ناموا ......
......................................................................
في البيت بالليل عند سهام وشريف والأب والأم :
....سهام بدأت تفوق من إغمائها وتعبها وتسترد وعيها وكانت مامتها معاها في أوضتها من قلقها عليها وشريف والأب كل واحد منهم راح أوضته ينام علشان يقدروا يصحوا لحالهم ومطمنين علي سهام لادام الأم معاها وهي كده كده واخدة حقنة مهدئة وأول ما تروح مفعولها هتبتدي تفوق وتبقي كويسة ....
_سهام بصوت تعبان ومرهق وبدأت تفتح عينيها :
ماما هو ايه اللي حصل بالظبط أنا مصدعة أوي ...
_الأم :صحيت من نومها لأن النوم كان خاطفها وغفلت جنبها لكن أول ماسمعت صوت بنتها صحيت عليه علي طول بكل فرحة حبيبتي يابنتي أنتي فوقتي ياما أنتا كريم يااارب عاملة ايه دلوقتي ياقلب أمك...
_سهام :صداع ياماما جامد اوي .....
_الأم :سلامتك ألف سلامة ياحبيبتي كده تخضينا عليكي ده احنا هنموت من القلق عليكي .....
_سهام : شوفتي اللي حصلي ياماما وبكت كثيراً بكل حرقة وصدمة......
_الأم :ولاتشغلي بالك راح في ستين داهية هو وأهله بكرة يجيلك سيد سيده اللي يتألك مال ويستاهلك بجد ويكون زينا كده أدب وأخلاق وإحترام مش الواطي ده ......
_سهام وهي تبكي :شوفتي اللي عمله فيا ياماما طب ماكان يقول هيجرا ايه يعني والله ماكنت هزعل .....
_فلاش باااااك :
.......................
..سهام أول مافونها رن وشافته إن هو حسام خطيبها فرحت وافتكرته بيصالحها وردت عليه .....
_سهام :ألو ازيك يا حسام صباحك زي العسل .....
_حسام :يسعد صباحك ياحبيبتي بصي بقي كل شئ مابينا إنتهي أنا سافرت الإمارات بره لخالي راجل غني ومتريش وهيجوزني بنته ومش هيطلب مني أي حاجة واحنا أهل في بعضنا وواحد وكمان أمي راضية ومبسوطة وفرحانة جدا المرة دي لأنها بتحب خالي وبنته وعاوزة تتطمن علي ابنها مع واحدة تعرفها وتتضمنها كويس وكمان ابنها يعيش عيشة مرتاحة مش أنتم عالم جلدة وبتموتوا عالمليم ومش هاين علي أهلك يساعدونا وأبوكي مهندس كبير وقديم يعني وعلي قلبكم اد كده سلام ياقطة وقتك معايا إنتهي خلاص ......
....سهام سمعت كلامه ده وجاتها صدمة من الكلام ووقعت أغمي عليها في الأرض وفقدت وعيهاوأهلها جريوا واتخضوا عليها وشافوها مالها .......
....شريف مسك فونها يشوف ايه المكالمة اللي دايقتها ولقاه حسام والفون فيه برنامج تسجيل المكالمات تلقائي فرجع المكالمة الأخيرة وسمع كلام حسام لسهام ووقتها الدم غلي في عروقه ومابقاش عارف يعمل ايه واتعصب واتنرفز ......
_شريف :الكلب الحيوان يعمل كده وربنا ماهسكتله لابد لاهيكون أخر يوم في عمره وهجيبه إن شاءالله حتي لو تحت الأرض ......
_الأب :يابني نطمئن علي أختك الأول بدل مااحنا سايبنها واقعة كده مكانها ......
_الأم :في ستين داهية مكان ماهو المهم بنتي هتروح مني علي حتة عيل مايستهلهاش .....
...وبالفعل شريف شالها علي سريرها واتصل بصاحبه وجاب والده الدكتور وكشف عليها واداها حقنة مهدئة لحد مافاقت بالليل وحاولوا يتناسوا الموضوع لحد مايطمنوا عليها وحلفوا لازم أول ماتفوق تقلع دبلتها ويروح شريف ولاوالده يودوها لأهله ويقول لهم كل شئ قسمة ونصيب ......
_بااااااااااااك :
.......................
_الأم : حبيبتي يابنتي إهدي وأنسي خالص واعتبريها ذكري ومرحلة وحشة في عمرك وعدت ربنا عملك الخير ورحمك منه ده ماكانش هيسعدك وكان طمعان فينا هو وأهله كانوا عاوزين ينهشونا ويأكلونا دول لقونا ناس محترمين افتكروا نفسهم هيستعبطونا لكن احنا أه غلابة فعلا ومحترمين بس مع المحترمين اللي زينا مش هبل ولاعبط نرمي فلوسنا ومالنا لناس زي دول لازم الناس تكون عندها عزة نفس وكرامة ......
_سهام :صح ياماما عندك حق أنا خلاص مابقتش عاوزاه بعد كل اللي عمله فيا ده مالوش أمان وماكنتش أقدر أمن علي نفسي معاه ولامع أهله ده كان ممكن علشان نفسه يعمل أي حاجة ويدوس عاللي منه واللي ليه علشان الفلوس وبكت سهام بصدمة أاااااااه ياماما دي كانت فترة خطوبة صعبة عليا أوي أنا كنت بحب الكلب الحيوان ده علي ايه ...
_الأم اخدتها في حضنها : حبيبتي إهدي بقي وغيري الموضوع أبوس ايدك علشان صحتك الدكتور مانع عنك أي إنفعال بكرة ربنا يعوضك باللي أحسن منه ويستاهلك ........
_سهام :ياارب ياماما أنا مش هفكر في خطوبات تاني ولاالكلام ده أنا هخليني في مذاكرتي ودراستي والتفت لحالي وهخلي ده أهم شئ في حياتي وقدام عيني وبس .....
_الأم :بسم ماشاء الله عليكي ياحبييتي أيوة كده ....
...والأم اخدتها في حضنها وكانت سهام حاسة براحة نفسية كبيرة وهي في حضن مامتها ونسيت كل حاجة مزعلاها ونسيت الموضوع واتكلت علي الله ورمت كل حمولها عليه ........
........................................................................
...زيزي سهرت مع علاء في الديسكو لحد ماالساعة دخلت علي واحدة منتصف الليل وهي رقص وشرب وضحك وهزار وفجأة اتفاجئت بالوقت المتأخر .....
_زيزي :يالهوي ده أنا إتاخرت الليلادي أوي ....
_علاء :عادي فكك خلينا مع بعض مش أنتي قايلالهم ممكن تباتي عند صاحبتك خلاص يلا نسهر مع بعض ونكمل باقي الليل وتبقي تروحي علي كليتك الصبح علي طول وابقي قوليلهم المذاكرة اخدتنا ....
_زيزي :لا مش للدرجاتي خليها بعدين علشان يرضوا يسيبوني براحتي وبعدين نبيل أخويا صعب اوي ممكن يقتلني ربنا يستر ومايكونش صاحي ولااخد باله إني مش موجودة ....
_علاء :براحتك طب ماتيجي أوصلك في عربيتي ...
_زيزي :ههههههه يلا بينا هي عربيتك دي بتاعتك ...
_علاء :أيوة بتاعتي وملكي ....
_زيزي :نوعها ايه ....
_علاء :فيرنا .....
_زيزي :هههههه اشطا ايه الحلاوة دي يلا بينا ده أنتا متريش اهوه مش زي الواد حسين الفقران ده .....
_علاء :ههههههه يلا أمه في العش ولاطارت ده واد مايستحقيكيش ......
....وبالفعل زيزي ركبت العربية مع علاء ووصلها لحد باب بيتها وأصلا العربية دي مش بتاعته هو شغال عليها سواق بالأجرة واهو بيركب فيها بنات ويسرق من وراها فلوس ويضحك علي سواقها ويقول إنها مش بتجيب فلوس ولاشغل يعني شاب مش محترم ولامستقيم وطبعاً بيتمنظر بيها عالبنات وهما يجروا وراه علشانها وهو يتسلي بيهم شوية لحد مايزهئق منهم ويشوف غيرهم ووقعت في سكته زيزي بقي اللي هو عرف هي عاوزة ايه وبقي يضحك عليها بيه .....
زيزي :سلام بقي رقم تليفونك صحيح علشان ابقي اكلمك هتوحشني ياحبي .....
_علاء :أنتي أكتر ياحياتي يلا سلام وخودي بالك من نفسك كويس ...
_زيزي : ماتقلقش عليا وبعدين ده أنا تحت بيتنا اهوه الحمدلله الشقة ضلمة يعني كلهم نايمين هطلع هوس هوس ولاحد يحس بيا علشان ماابقاش في تحقيق طول الليل......
_علاء :طب عاوز بوسة ...
_زيزي :ضربته في صدره بدلع وقلة أدب هههههههه عيب ياوأد مش من أول يوم كده الصبر شوية .....
...ونزلت زيزي من العربية والشارع والمنطقة ضلمة وهوس هوس نهائي في نص الليل بقي ....
....وطلعت بالراحة عالسلم وفتحت باب الشقة بالمفتاح براحة علشان ماحدش يسمعها ولايصحي بس نبيل كان صاحي في أوضته مستنيها لانه مش عارف يوصلها لافون ولاأي حاجة ولايعرف أرقام حد من صحباتها يسألهم عليها وفجأة أول ماسمع صوت المفتاح خرج من الأوضة ونده عليها زيزي لكن هي تجاهلته بكل بجاحة وقوة وكأنها لما تسمعه ولم ينده هو عليها ودخلت علي أوضتها ولكن هو لم يتحمل وأعصابه فلتت منه ودخل عليها بكل غيظ وحرقة دم منها ومن أفعالها ......
......................................................................
البارت خلص توقعاتكم ايه اللي هيحصل .....
استنوني البارت الجاي ...
تفاعلكم معايا وتشجيعكم ليا دائما تفاعل حلو كده ياقمرات زيكم وعاوزة تعليقاتكم بأرأئكم سواء حلو أو مش حلو ....
بقلم وتأليف :أية علي.....
أنت تقرأ
دمرت نفسي "نوفيلا "
Nouvelles"قصتنا قصيرة وبسيطة جدا لكن أحداثها كثيرة ومليئة بحكم ومواعظ نأخذها في حياتنا ونتعلم منها ونطبقها علي نفسنا في حياتنا العلمية والعملية لأن كل اللي في قصتنا واقعي وفي دنيتنا بيحصل وأشياء كلها واردة تحصل وفعلا بتحصل نتعلم إننا نربي أولادنا التربية الس...
