دمرت نفسي "نوفيلا "

"البارت الثالث "

البارت الثالث :
.....................
نبيل أعصابه فلتت منه ودخل عليها بكل غيظ وحرقة دم منها ومن أفعالها وطريقتها المستفزة ورزع باب أوضتها جامد ....
_زيزي :ايه ده أنتا اتجننت ولاايه إزاي تدخل عليا أوضتي بالمنظر ده من غير ماتخبط ولاتستأذن ....
_نبيل دخل عليها وهي اعدة عالسرير وضربها قلم علي وشها وهي صرخت وبعدها جرجرهامن علي السرير من شعرها وضربها مرة علي دماغها وهي مازالت تصرخ وتقول الحقوني عااااااااااا ....
...الأب والأم صحيوا فجأة وطلعوا يجروا من الأوضة علي صوت الصريخ ......
_الأم :فيه ايه ياولاد ايه اللي بيحصل ده ....
_زيزي جريت علي أمها بسرعة وبتمثل عليها الدور علشان ماحدش يكلمها وتلبس نبيل أخوها في الحيطة وبدل مايلوموها علي تأخيرها يلوموه هو علي ضربه وقسوته معاها وعدم تفاهمه وقالتلها الحقيني ياماما نبيل مخليني لسه داخلة من عند صاحبتي كنت بذاكر وراح من غير سبب رزع عليا باب أوضتي ودخل ضرب فيا بالقلم وعلي دماغي أااااااااه ياماما دماغي مش قادرة ودايخة اوي ....
_الأم :حبيبة أمك يابنتي ايه ده أنتا مجنون يانبيل دي طريقة تضربها علي دماغها وكمان في الضلمة وهي ياقلب أمها من شدة الضرب صرخت حرام عليك ياأخي ماخوفتش عليها تتلبس ولايحصلها حاجة .....
_نبيل :بنتك مش متربية ولاعندها أخلاق وتستاهل الدبح مش الضرب كمان .....
.....وفجأة نبيل اتفاجئ بقلم قوي وشديد علي وشه من أبوه ...
_الأب :كده غلط كونك إنك بتقول عليها كده أنتا بتغلط فينا قبلها لأن احنا اللي مربينها وبتغلط في نفسك برضه ماهي لو كده تبقي في وشك أنتا مش أخوها واللي مربينها مربينك ماتقولش الكلام ده تاني .....
_نبيل :يابابا أنا ماأقصدش والله أسف بس تأخيرها ده لحد دلوقتي غلط كده .....
_الأب :عندك حق بس برضه براحة وبالأصول والهدوء مش بالطريقة دي والناس تسمع بينا ....
_نبيل :والله أول مادخلت من باب الشقة ندهت عليها اسألها براحة تجاهلتني ولاكأنها سامعاني ولاأنا بنادي عليها وقتها استفزتني بطريقتها دي واضطرتني اعمل فيها كده والله يابابا ....
...وفجأة زيزي قبل ماحد يلوم عليها عملت نفسها أغمي عليها ووقعت في الأرض ومثلت عليهم الدور قال يعني من ضرب أخوها فيها وهو أصلا ماكانش ضربها حاجة ولاضربه كان يذكر بشئ بس حبت تشغلهم عن ملامتهم عليها وتجيب الذنب علي نبيل أكتر وأكتر وبالفعل أهلها اتخضوا عليها وحملوها علي سريرها لإفاقتها لكن نبيل ماشغلش باله وقال بلاش دلع بنات هو أنا كنت ضربتها أصلا ولو حتي كنت موتتها كانت تستاهل كده وأكتر من كده وسابهم ودخل علي أوضته متعصب ومتنرفز .......
......................................................................
...في البيت عند شريف وسهام والأم والأب :
..................................................................
....الأب اخد من سهام بنته الدبلة وراح وداها لأهل حسام وقالهم كل شئ قسمة ونصيب وإنتهي الموضوع وطبعاً مارضاش يخلي شريف يروح هو علشان مايتهورش ولايعمل أي حاجة تزعل حد وبالفعل الأهل اخدوا الدبلة وكل إنسان راح لحاله وسهام حمدت ربنا علي كده ونسيت كل حاجة وإلتفتت لدراستها وحالها ..........
......................................................................
.....زيزي لماعملت نفسها أغمي عليها أمها وأبوها فوقوها وهي فاقت بسرعة بدل مايجبولها دكتور وتنكشف إنها كانت بتمثل عليهم وعملت نفسها إنها كانت من زعلها وصدمتها ونبيل قال ماليش دعوة بيها لادامها ماقبلتش نصيحتي وخوفي عليها هي حرة في نفسها هتأذي تأذي نفسها هتنفع تنفع نفسها هي مش صغيرة .....
......................................................................
_وبعد مرور شهر من أحداث قصتنا وأبطالها :
.............................................................
....زيزي وسهام اتعرفوا علي بعضهم في الكلية وبقوا أصداقاء وصحاب وزيزي مازالت علي حالها السئ بتتكلم مع علاء وتخرج معاه في عربيته بس من غير سهر ولاديسكو علشان قدام أهلهاومايشكوش فيها لحظة ومثلا تخرج يوم في الأسبوع مرة بحجة بتذاكر مع صاحبتها وترجع بدري علشان أهلها مايحسوش بحاجة ......
....وفي يوم من الأيام شريف كان خرج من كليته بدري وراح يجيب أخته سهام وشاف معاها زيزي عجبته جدا لهدوئها وجمالها وشكلها اللي باين عليه إنها بنت برئية ومحترمة ومؤدبة وقرر يسأل عليها سهام وسهام قالتله إنهم صحاب واتعرفوا علي بعض من فترة صغيرة وكويسين مع بعضهم فقرر يقول لأهله ويسألوا عليها وعلي أهلها وطبعا سيرة أهلها طيبة بين الناس كلها وماحدش يعرف زيزي بقي وأخلاقها السيئة هما يعرفوها فقط بالوش الحلو البرئ وبالفعل راح واخد أهله كلهم واتقدملها ووقتها نبيل أعجب بسهام بس استني لحد مايشوف شريف وزيزي هيعملوا ايه وموضوعهم يمشي إزاي وفيه رضا وقبول ولاايه الأخبار ........
.....زيزي ماكانتش موافقة علي شريف علشان بتحب علاء ومعشمها بالجواز ومغرياته الكدابة اللي بيتظاهر بيها قدامها كتير عربيته الفيرنا وشاب حلو وكده وعنده فلوس وأهله الأغنياء ولاد الأكابر وعايشين في فيلا وطبعاً كل ده كذب بس هي صدقت علي طول ولأنه من أول ماشافها وهو فهمها هي عاوزة ايه وايه دواها وايه اللي يجيبها وايه رغباتها فدخل عليها بيهم طعم وبلعته في لحظة وبقت تحت إيدة يمشيها زي ماهي عاوز ويجيبها زي ماهو عاوز وهي قدامه ضعيفة ومسلوبة الإرادة ولو حتي قالها اقتلي نفسك هتقتل نفسها علشان ترضيه لأنها بتحبه حب عما وأول مااتقدم ليها شريف عفاريت الدنيا كلها اتنططت في وشها وراحت لعلاء بسرعة وحكتله كل حاجة .........
_زيزي :علاء أنا جايلي عريس ومش موافقة عليه اعمل ايه قولي أنتا هتيجي تتقدملي أمتي بقي أصل هو كويس وبابا وماما ونبيل أخويا موافقين عليه وشايفينه عريس لقطة وأنا عاوزاك وبحبك أنتا ومستنياك تجيني ياحبيبي وتريحني من وجع قلبي ده وعذابي وأنا بعيد عنك ومش معاك ولافي حضنك ......
_علاء :خلاص لادامهم موافقين عليه وعاوزينه طاوعيهم وريحيهم ووافقي عليه لحد ماأكون نفسي وحالي كده واتكلم مع أهلي وبابا وماما يفضوا شوية من أشغالهم أحسن ده هما مشغولين عالأخر وتبقي تشوفيله أي حجة تطفشيه بيها وابقي اجي واتقدملك أنا وهما ......
_زيزي :يعني هو ده الحل ....
_علاء :أيوة ياروحي علشان وجع الدماغ ده نرتاح منه وهما كمان مايحسوش بحاجة ويشكو في أمرك .......
....وبالفعل زيزي سمعت كلامه ووافقت بالخطوبة واتخطبوا لبعضهم وبعدها بشهر نبيل قال لأهله وخطب سهام والكل كان فرحان أهل سهام وأهل نبيل وسهام ونبيل كانوا متفاهمين مع بعض وبيحبوا بعض وسهام كان ربنا عوضها بنبيل عن حسام لكن زيزي بتلعب بمشاعر شريف وماشية ورا كل حاجة مع علاء وبتسمع كلامه في أي حاجة يقولها عليها حتي لو غلط المهم بتحبه ومتعشمة يتجوزها ........
........................................................................
_وفي يوم من الأيام علاء وزيزي مع بعضهم في العربية وبيتكلموا مع بعضهم وضحك وهزار وهو يمسك إيديها ويحضنها ويبوسها وأخر مسخرة .....
_علاء :خلاص ياروحي هانت وقربت أكون نفسي واخلص حالي واجي اتقدملك إن شاءالله....
_زيزي :حبيبي بجد والله يعني خلاص اسيب شريف بقي أحسن ده أنا هضماه بالعافية والله.....
_علاء :إهدي واستني شوية بس ولما اخلص إن شاءالله خالص هجيلك اتقدملك ووقتها فلسعيه بقي ......
_زيزي :أوكيه ياقلبي امتي يجي اليوم ده بقي بحلم بيه والله نفسي اغمض عيني وافتحها الاقيني معاك وفي حضنك بجد قدام أهلي وأهلك والدنيا كلها بدل مااحنا عاملين زي اللي بيسرقوا كده .........
_علاء :قريب إن شاءالله ياعيوني .....
...لكن من سوء حظ زيزي شافتهم سهام بالصدفة وهي راجعة من المكتبة كانت بتصور ورق ومحاضرات ليها وبقت مصدومة مين الشخص ده اللي زيزي معاه غير أخوها شريف وكمان في عربية لوحدهم وفي مكان هادئ وبعيد عن الناس وكمان أفعالهم سيئة وخارجة عن الأخلاق والدين واضطرت تتصل بأخوها شريف وتبلغه وتعرفه ايه اللي حصل.........
_شريف :ألووو ياسهام أخبارك ايه ....
_سهام :أيوة ياشريف الحمدلله أنا بخير .....
_شريف :ياارب ياحبييتي خير محتاجة حاجة اجيلك اخدك من الكلية ولاحاجة ......
_سهام :لا ياشريف بس فيه حاجة أنا شوفتها وعاوزة أقولك عليها وخايفة تزعل مني وأكون سبب في أي حاجة وحشة تحصل بعد كده لاني أنا أصلا مصدومة ومش مصدقة اللي عيني شايفاه بس ماأقدرش أخدعك واسيبك علي عماك برضه أنتا أخويا وحبيبي اللي ماليش غيره في الدنيا كلها.......
_شريف :فيه ايه انطقي ياسهام خضتيتي .....
_سهام : أنا شوفت زيزي راكبة عربية وفي مكان هادئ وبعيد عن أي حد مع شاب غريب ماأعرفهوش وضحك وهزار وأخر قلة أدب بصراحة ماأقدرش احكي ياشريف ماكنتش متوقعة كده من زيزي خالص أنا حاسة إني بحلم ......
_شريف :إزاي الكلام ده ياسهام أنتي بتتكلمي بجد لاتكون واحدة شبهها يابنتي وتظلميها .....
_سهام :لاوالله ياشريف هو أنا صغيرة ولاهبلة عن زيزي صاحبتي وخطيبة أخويا برضه ده أنا بقالي ربع ساعة شايفاهم من بعيد كلام وضحك مع بعض وهزار لحد مااتصلت بيك اهوه ........
_شريف :خلاص ماشي ياسهام صوريهم صورة ولاحاجة وابعتيها ليا واتس علشان برضه ابقي متأكد واسألها ولو هي أنكرت اوريها صورتها ......
_سهام :اوكيه .....
......وبالفعل صورتهم سهام كام صورة وبعتتهم لشريف وشريف بقي شايف ومش مصدق عنيه ولا اللي شايفه ......
.....................................................................
....زيزي وعلاء روحوا وكل واحد منهم علي بيته ولما وصلت زيزي كلمها شريف وواجهها بالحقيقة بتاعتها .....
_زيزي :ألوووو ياشريف ....
_شريف :أيوة يازيزي أخبارك ايه.....
_زيزي :كويسة الحمدلله وأنتا .....
_شريف : الحمدلله كويس بس عاوز أسألك سؤال وتجاوبيني عليه بكل صراحة....
_زيزي :أسأل ياشريف عاوز ايه ....
_شريف:بتحبيني .....
_زيزي :أنتا بتقول ايه وايه السؤال الغريب ده أيوة طبعاً بحبك مش سألتني ميت مرة وأنا جاوبتك ....
_شريف:تمام طب مين الشاب اللي أنتي كنتي قاعدة معاه في عربيته وفي مكان هادئ بعيد عن أي حد وبتهزروا وتضحكوا مع بعض بطريقة سيئة
لوحدكم وايه علاقته وصلته بيكي .....
_زيزي :شاب مين اللي بتتكلم عنه ياشريف أنتا مجنون ولاايه وجبت الكلام ده منين .......
_شريف :والله أنتي كذابة وعندي الصور وأول ماتقفلي معايا هبعتهم ليكي علي طول .....
_زيزي :صور ايه ومين اللي بيصور أصلا ......
_شريف طبعاً ماحبش يجيب سيرة أخته علشان خطيبها مايزعلش منها وكمان يخاف عليها من زيزي تغير منها وتحطها في دماغها وتفكر تأذيها ولاحاجة ولاتوقع بينها هي ونبيل زي يعني ماشريف هيسيبها فهي تخلي نبيل يسيب أخته كمان فقرر يقولها إن هو اللي شافها وصورها مع الشاب .......
_زيزي :أنتا بتراقبني بقي وأنا مش حاسة .....
_شريف :لا مش مراقبك شوفتك صدفة للأسف كنت واثق فيكي .....
_زيزي :أيوة قصر الكلام أنتا عاوز ايه دلوقتي ......
_شريف:أعرف مين اللي كان معاكي مش أنا خطيبك ومن حقي اعرف برضه .....
_زيزي :تمام هعرفك ده علاء أنا وهو بنحب بعض
من زمان من قبل ماأعرفك ولاتعرفني ولما أنتا جيت واتقدمت ليا ماكنتش موافقة بيك ولاعاوزاك بس أهلي كانوا موافقين واتشاورت مع علاء وسألته لاني مش بخبي عنه أي حاجة أبدأ لاني بحبه وبموت فيه وقالي أراضيهم وأطاوعهم وانخطب ليك فترة كده ولما هو يكون نفسه ويجي هو وأهله يتقدمولي ابقي أشوفلك أي تليكيكة افلسعك بيها بس لو رفضت كانوا ممكن يشكوا فيا وانكشف أنا ويحسوا إن أنا في بالي ودماغي حد تاني هااااا ارتاحت وبركة إنك شوفت وعرفت لوحدك خلي عندك دم وكرامة بقي وسيبني وتعالي خود كل حاجتك أنا ماعوزتكش ليوم واحد أنا حبيبي علاء وبس حب عمري كله ......
.... طبعاً شريف بقي يسمع كل ده وحاسس إنو مصدوم في الإنسانة اللي بيحبها وشافها ملاك لكن كان مسجل ليها مكالمتها كلها علشان يسمعها لأهلها وأهله ويبقي كده عمل اللي عليه وزيادة وماافتراش عليها نهائي .....
_شريف :كده يازيزي ده أخر كلام عندك خلاص ....
_زيزي:أيوة أخر كلام عندي وتعالي وخود كل حاجتك بكرة إن شاءالله......
_شريف: طبعاً من غير ماتقولي هجيب أهلي واجي واخد حقي كله منك لاني ماليش ذنب في أي حاجة .....
_زيزي:تمام يلا تصبح على خير.....
_شريف :وأنتي من أهله سلام ....
....شريف قام بلغ أهله باللي حصل وفرجهم الصور وسمعهم المكالمة .....
_الأم :يالهوي معقول يابني اللي بيحصل ده وبعدين هي كانت تطول واحد زيك .....
_الأب :خلاص يابني ماتزعلش نفسك بكرة نروح نقولهم كل شئ قسمة ونصيب وتروح لحالها وأنتا تشوف حالك ....
_سهام :معقولة زيزي تطلع كده أنا مش مصدقة نفسي والله دي الكل في الكلية بيحبها وبيحب أخلاقها ......
_الام :من بره هلا هلا ومن جوا يعلم الله يابنتي المظاهر خداعة وبعدين زي ما بيقولوا ياما تحت السواهي دواهي ......
_الأب :خلاص ياجماعة بقي ريحوا نفسكم وكل شئ خلوه علي ربنا وهو اللي يعمل كل خير .....
_الأم :بس أكيد كده نبيل هيزعل برضه علشان أخته ويمكن يفك الخطوبة .....
_سهام :وايه يعني ياماما مايعملها هو أنا مهما أكون بحبه هيكون عندي أغلي من أخويا ولاايه ولانسيب أخويا يدبس ويسكت ويتجوز البنت الحقيرة دي اللي كانت بتلعب بيه فعلا لا طبعاً ياماما ماتقلقوش ولاتحطو في دماغكم كده خالص ......
_شريف:ماتقلقيش ياسهام أنا ماجبتش سيرتك ولاعرفتها إنك أنتي اللي شوفتيها وصورتيهم قولت أنا اللي عملت كده علشان ابعد عنك أي غيرة وأذية من بنت زي دي .....
_سهام :حبيبي ربنا يخليك ليا ومايحرمني منك أبدأ يااااااااارب وأنا والله لو هبيع الدنيا كلها علشانك أبيعها ده أنتا أخويا سندي في الدنيا دي بعد ربنا وبابا طبعاً ربنا يخليكو ليا يااارب 🤲
_الأم والأب :ربنا يخليكو لبعض ياارب ياولاد ......
....................................................................
.....تاني يوم في النادي زيزي وعلاء مع بعضهم ...
_زيزي :خلاص هيجي يفك الخطوبة النهاردة هو وأهله هو شافنا وكلمني سألني وأنا قولتله إني مش عاوزاه وبحبك أنتا .....
_علاء :برافوا عليكي بس أنتي اتسرعتي أنا كنت لسه ماكونتش نفسي والله ....
_زيزي :أنا في الأول أنكرت بس هو بعتلي صور ليا أنا وأنتا كان صورنا الكلب ده بس أنا هزعل ليه ما أنا هقول لأهلي وأهله الحقيقة واحدة ومش عاوزاه وبحب واحد تاني وهيجي يتقدملي عادي يعني فيها حاجة دي ......
_علاء :لا مافيهاش حاجة طبعاً ياحبي هجيلك وهتقدملك وطبعاً هنتجوز ونعيش في تبات ونبات ونخلف صبيان وبنات ......
_زيزي :ههههههه حبيبي هو أنا ليا مين غيرك .......
......................................................................
_في البيت عند نبيل في أوضته بيتكلم مع سهام :
........................................................................
_نبيل: حبيبتي عاملة ايه طمنيني عليكي فينك كده بقالك كام يوم مش بتفتحي فيس ولا واتس ولابتردي عالفون غير قليل وأنا مش عارف اجيلكم يوم أشوفك والله وأشوفكم كلكم......
_سهام :معلش يانبيل والله ظروف كانت عندنا الأسبوع اللي فات ومضغوطة محاضرات ومذاكرة وكده ياحبييي اعذرني والله .....
_نبيل :عذرك والله ياقلبي ربنا يوفقك يااارب بس اعمل ايه بقي في حبي ليكي بحبك أوي ياسهام وبتمني يجي اليوم اللي يجمعنا ربنا فيه مع بعضنا وفي بيتنا إن شاءالله......
_سهام :ونعمة بالله يانبيل ربنا يعملنا اللي فيه الخير ياارب ويتمم علينا فرحتنا بخير إن شاءالله ..........
_نبيل :ياارب ياحبي ......
.......................................................................
_في شقة غريبة غير محترمة وفي مكان زي المقطوع لو اتقتل فيه القتيل ماحدش يعرفه ولايحس بيه .......
_علاء : أيوة يابن عمي ماتقلقش سوتهالك علي نار هادية وخليتهالك زي الخاتم في صباعي وكمان ايه هتسيب خطيبها علشاني قال فاكراني هتجوزها ماأنا بقي قايلاها إني بكون نفسي والبت صدقت بجد .....
_ حسين :أيوة كده ياعم وأنا اللي ساعدتك من الأول البركة في العبدلله هو اللي سابهالك من الأول وعرفك دولابها ايه بس زي مااتفقنا لما المهمة تخلص إن شاءالله عاوز حقي بقي النص بالنص ده أنتا هتأخد من وراها وورا أهلها اد كده ده أنتا مدبر ومخطط من زمان من ساعة ما أنا شوفتها وعرفتها وعرفنا عنها كل حاجة وعن أهلها ........
_علاء : طبعاً اومال ايه ياوأد ماتقلقش هديك حقك وأنا بقي اهرب واكت من البلد الفقرانة دي وأشوف مستقبلي وحالي ..........
_حسين :وهتسيبني أنا بقي افرض هي عرفت إن شاءالله إن أنا ليا علاقة بالموضوع ده ....
_علاء :هتعرف منين بقي ياغبي هو أنا ولاأنتا هنظهر في الصورة أصلا ......
_حسين :ربنا يسهل يابن عمي ده أنتا عليك دماغ إنما ايه يلا معانا ربنا إن شاءالله طب وهننفذ الخطة إمتي بقي ......
_علاء :هانت قريب إن شاءالله أنا خلاص جهزت نفسي وجهزت العصابة وأنا وأنتا هنكون بره الصورة نهائي وبعدها هكت بره البلد نهائي أنا مجهز الباسبور خلاص والبت وأهلها متريشين عالأخر وهيخلقوا المبلغ من تحت الأرض دي بنتهم الوحيدة وبرضه بنت وهتبقي مع شباب وعصابة هيخافوا عليها وعلي نفسهم وسمعتهم وأنتا بقي تأخد حقك وتعيش حياتك وأنا كذلك الأمر وأعيش بره ملك زماني ....
_حسين :طيب والرجالة دول مش هيقاسمونا المبلغ ولاايه .......
_علاء: ياعم هيأخدوا حاجة بسيطة دول أهم حاجة مزاجهم عاوزين شرب وخلاص نديهم اللي هيشربوه ولو طلبوا ولا طمعوا في حاجة هنديهم كام ألف كده دول اتنين يعني مش ميت راجل وكمان هما مش محتاجين أصلا هما معاهم وبيلعبوا بالفلوس لعب أهم حاجة يخلصوا مهمتهم بس ماحدش يعرفهم بدل مايدخلوا في سين وجيم ..
_حسين :يااااه عليك وعلي دماغك السم دي جايبها منين يابن عمي .....
_علاء :اهو بقي .......
...................................................................
البارت خلص أتمني يكون عجبكم
انتظروا البارت الرابع
وإن شاءالله هيكون فيه مفأجئات كتير هتنصدموا بيها رأيكم بكل صراحة وتفاعلكم وتشجعيكم ليا دائما تفاعل حلو ياقمرات زيكم كده .....
بقلم وتأليف :أية علي....