دمرت نفسي "نوفيلا "

"البارت الخامس والأخير "

البارت الخامس والأخير :
.....................................
....حسين وعلاء والرجالةوصلوا للمكان اللي ماحدش يعرفه أبدأ ونزلوا علشان يطلعوا زيزي من شنطة العربية وفتحوا الشنطة وطلعوها علشان يطلعوا بيها الشقة فوق وزيزي فاقدة الوعي وغايبة عنه تماماً وبالفعل طلعوها وشالوها كلهم سواء وطلعوا بيها الشقة ودخلوها في أوضة وبهدلوها نهائي وبقت لعبة وتسلية لكل واحد منهم شوية واتدمرت زيزي نهائياً وكل ده وهي في دنيا غير الدنيا ولاحاسة بنفسها ولابأي حاجة خالص للأسف ضيعت نفسها بنفسها وبإستهتارها وبكل حاجة سيئة فيها بكفاية ظلمت خطيبها ولعبت بيه وبمشاعره وعواطفه وربنا عاقبها علي طول مالحقئتش تعيش بظلمها وإفتراها كتير .....
...وخرجوا الرجالة من الأوضة وناموا لحد الصبح وهي مازالت علي حالها وفي غيابها عن وعيها ......
......................................................................
_تاني يوم في بيت سعيد وفريدة ونبيل :
...........................................................
....سعيد وفريدة طول الليل صاحين علي نار ماناموش ولادقيقة من شدة قلقهم واتصلوا بكل صحباتها البنات وهما يقولوا ماشوفنهاش من ساعة ماخرجنا من الكلية وخلصنا محاضراتنا وكل أما بنت تقول كده يزيد قلقهم عليها اكتر ويحسوا إن فيه حاجة مش مطمنة في الموضوع وزيزي أكيد حصلها حاجة وفي خطر ......
..نبيل كان صحي رايح علي كليته وداخل يصبح علي باباه ومامته وافتكر إن زيزي رجعت وراحت كليتها ولانايمة بس اتفاجئ بمنظر الأب والأم قاعدين في أوضتها وشكلهم باين عليه القلق وشغالين إتصالات علي كل صحباتها البنات ومش بيعرفوا عنها أي حاجة والحكاية مش مطمنة نهائي ......
_نبيل :ماما مالك أنتي وبابا هي زيزي لسه مارجعتش ولاايه ....
_الأم :أيوة يابني واتصلنا نسأل عليها كل صحابها البنات للأسف مايعرفوش عنها أي حاجة من ساعة ماخلصوا محاضراتهم وماحدش فيهم شافها ولايعرف عنها أي حاجة أختك جرالها حاجة يانبيل قلبي واجعني عليها وقلب الأم عمره مابيكدب أبدأ ..
_نبيل :طب إهدي بس ياماما أنا هنزل أسأل عليها في المستشفيات وفي مصر كلها علشان لو بلغنا البوليس دلوقتي هيقول لسه ماعداش أربعة وعشرين ساعة علي غيابها من ميعاد خروجها من كليتها ماتقلقيش بس أنتي وبابا أنا مش رايح الكلية النهاردة وهدور علي زيزي كويس لحد ماالأقيها ياست الكل المهم تكونوا كويسين ...
_الأب :هنكون كويسين إزاي بس يابني وأختك غايبة عن البيت لحد دلوقتي ومانعرفش عنها حاجه..
...وبالفعل نزل نبيل يسأل ويدور بصورتها في كل مكان في مصر كلها مستشفيات وكل جهة حكومية للأسف مالهاش أي أثر ....
......................................................................
....عند علاء وحسين والرجالة بتاعتهم بعد ماصحيوا من نومهم فتحوا باب الأوضة علي زيزي مازالت زي ماهي في حالتها كده فاقدة وعيها ومتخدرة سابوها وخرجوا وقرروا يكلموا أهلها واخدوا فونها وفتحوه وجابوا من عليه رقم باباها ومامتها واتصلوا عليهم ...
_الأب :ألووو السلام عليكم ورحمه الله وبركاته...
_راجل منهم :وعليكم السلام ورحمه الله وبركاته...
_الاب :مين حضرتك ....
_الراجل : حضرتك بنتك عندي في الحفظ والصون بس عاوزين فدية مليون جنيه ونديهالك ....
_الأب :أنتا بتقول ايه وخطفت بنتي ليه هااا فهمني .....
_الراجل :لا من أولها كده هتتهور علينا يبقي تقول علي بنتك يارحمن يارحيم وبدل ماتيجي تأخدها سليمة هتأخدها ميتة فاهم وصحيح عارف إن بلغت البوليس فعلا بنتك هتكون ميتة فهات المليون جنيه معاك وخودها وترجعلكم البيت وتبات في حضنكم الليلادي ....
_الأب :أكيد طبعاً بس المبلغ ده مش متوفر معايا ....
_الراجل :إزاي ده أنتا مقاول كبير وغني وبتلعب بالفلوس لعب يعني وكلكم ناس متشبرقة عالأخر ...
_الأب :والله مامعايا بس هحاول أجمعه حاضر المهم بنتي لكن أمانة عليكم ماتكونوش عملتم فيها أي حاجة ولاأذتوها وربنا ماهرحمكم كلكم ....
_الراجل :هههههههه ماتقلقش بنتك سليمة بس أنتا اسمع كلامنا كويس وأوعي تلعب بديلك وتبلغ البوليس أنتم الخسرانين وهتخسروا بنتكم للأبد ....
_الأم وهي جنب الأب سامعة المكالمة قالت :
والنبي اسمع صوتها واطمن عليها .....
_الراجل :للأسف لسه مافاقتش أصلها من إمبارح وهي متخدرة وواقعة تحت تأثير بنج تقيل عليها وكمان كام ساعة وهتفوق كده إن شاءالله .....
_الأم :يالهوي يالهوي بنتي ياحبييتي ياترا مالك ولابيكي ايه وايه اللي حصلك يابنتي ياارب استرها يارب وبنتي ترجع في حضني تاني أااااه يابنتي ....
_الأب :إهدي يافريدة بس أنا هتصرف في المبلغ واروح اوديه ليهم واجيب البنت إن شاءالله ....
_الأم : طبعا ياسعيد فلوس الدنيا كلها فدا بنتي بص لو ناقص أي حاجة خود دهبي وكل سيغتي بيعهم لحد ماتجمع المبلغ ملايين الدنيا كلها ماتسواش حاجة قصاد بس إن بنتي الأقيها قدام عيني ومعايا وفي بيتنا ...
...واتصلوا بنبيل بلغوه باللي حصل فأول ماعرف رجع علي طول جري عالبيت ......
.......................................................................
...سهام راحت كليتها واتفاجئت بغياب زيزي واستغربت في نفسها مش عادتها يعني الغياب ياترا زعلانة ولاايه ومالهاش نفس تيجي ولافعلا هتتخطب زي ماكانت بتقول وبقت عاوزة تسأل عليها البنات بس انحرجت لايفكروها مشغولة بيها ولاغيرانة منها وحطاها في دماغها بسبب فك الخطوبة مع إنها لو كانت سألت كانت عرفت إن زيزي غايبة عن البيت وأمها وأبوها شغالين إتصالات علي كل صحابها ومش يعرفوا عنها حاجة وكانت سهام طول اليوم ترن علي نبيل مش بيرد عليها من إنشغاله ياما يكنسل ويقفل هو وأبوه وهما بيدوروا علي زيزي سهام استغربت وقالت في نفسها ياترا فيه ايه زعلانين مننا ولاحصلهم حاجة ولاايه عموما لو زعلانين يلا يزعلوا ولايفرقعوا احنا لينا ذنب وكملت يومها عادي وروحت البيت ولاشغلت تفكيرها بأي حاجة ......
........................................................................
...نبيل كان وصل البيت في لمح البصر لأبوه وأمه :
......................................................................
_نبيل بعد ماأبوه وأمه حكوا ليه الحكاية بقي مش مصدق واتعصب واتنرفز وقالهم إزاي الكلام ده يجرأ أكيد الواد اللي هي بتمشي معاه عمل فيها كده ....
_الأب :مش وقته يابني المهم نلحئق أختك قبل مايعملوا فيها حاجة ولايأذوها عاوزين ندبر المبلغ ده ونروح ندفعه ونجيبها منهم ....
_نبيل :أنتا بتقول ايه يابابا مبلغ ايه اللي احنا هندفعه هو احنا عبط ولاهبل نرمي فلوسنا كده لناس ياعالم شكلهم ايه وفعلا هيرجعوها ولالا ولاهي فلوس حرام لا طبعاً كده مايصحش ....
_الأم :اومال نسيبها تموت مننا وتضيع وتروح في شربة مية كده قولتلكم خودوا دهبي كله بيعوه ....
_نبيل :لازم نبلغ البوليس يقبض عالعصابة دي ويرجعلنا زيزي منهم ....
_الأب :لا يابني دول قالولي لو بلغنا البوليس هيعرفوا ويقتلوها يبقي احنا قبضنا ايه خلينا نروح نجيبها سليمة أحسن .....
_نبيل:ماشي بس موضوع الفلوس ده لا لازم نتصرف احنا مانضمنش الناس دول شكلهم ايه وممكن يأخدوا الفلوس وبرضه مايرجعوهاش لينا فلازم نكون أنصح منهم ....
_الأم :إزاي نعمل ايه يعني ....
_نبيل :هات مبلغ بسيط معاك يابابا يدوب ألف جنيه ميات ونحط كل ورقة منهم علي روزمة ورق أبيض ونرتبهم في شنطة ونديهالهم هما يفتحوا الشنطة هيلاقوها فلوس من عالوش يأخدوها واحنا نأخد زيزي ونشوف عملوا معاها ايه .....
_الأب :جدع والله يانبيل جبت الفكرة دي منين .....
_نبيل : من الأفلام والمسلسلات وكده كده النت مش مخلي حاجة يابابا بس احنا مانستعملهاش غير في المصلحة والصح ودول ناس بيستعبطوا وشكلهم نصابين ليه يأخدوا فلوسنا وياعالم هنلاقي زيزي عاملة ايه ولاهما عاملين معاها ايه بس قسما بربي لو أذوها مش هرحمهم من إيدي .....
_الأم :لا والله يابني أنا مش مستغنية عنك أنتا كمان والنبي يانبيل ومش ناقصة حرقة قلب أكتر من كده كفاية نطمن علي أختك وترجعلنا بالسلامة ......
...وبدأ نبيل هو وباباه في تنفيذ الفكرة بتاعته لحد مارتبوا الموضوع صح وفعلا خلوها تتصدق أول ماالرجالة تفتح الشنطة هيفتكروها فلوس .......
........................................................................
..في المساء عند علاء وحسين والرجالة بتاعتهم اللي خاطفين زيزي ....
....زيزي لسه تحت تأثير البنج العالي ومافافتش منه والرجالة بره بيضحكوا ويهزروا ومبسوطين عالأخر ..
...وفجأة زيزي بدأت تفوق واحدة واحدة وأول مافاقت لقت نفسها في مكان غريب وفي أوضة مقفولة عليها ولوحدها ومتبهدلة وفجأة من الصدمة ماقدرتش تنطق ولاتتكلم ولاأي حاجة قامت وقفت وراحت وقعت في الأرض تاني أغمي عليها وصوت الأرض خبط وهما بره سمعوها وقاموا جريوا عليها يشوفوها فاقت ولاايه ولقوها واقعة في الأرض فاقدة الوعي شالوها وحطوها عالسرير واتكلموا مع بعضهم واتفقوا ينجزوا ويخلصوا المهمة قبل ماتفوق وتعرفهم وتوديهم في داهية .......
.......................................................................
_في البيت عند سعيد وفريدة ونبيل منتظرين أي مكالمة منهم علشان يعرفوا العنوان ويروحوا بفلوس الفدية يدفعوها ويجيبوا زيزي .....
...وفجأة جات للأب مكالمة من الخاطفين لمعرفة المكان والعنوان ......
_الأب :ألووو ....
_الراجل :هاااا جهزت المبلغ ولالسه .....
_الأب :جاهز والله بس بنتي بالله عليكم بلاش تأذوها..
_الراجل :ماتقلقش هتأخد بنتك بس بالك ماتكون مبلغ البوليس لايكون أخر يوم في عمرها وعمرك أنتاكمان فياريت تكون ذكي يعني وتخاف علي بنتك وعلي نفسك ....
_الأب :لا جاي ومافيش بوليس والله ومعانا الفلوس جاهزة ......
الراجل :طب خود العنوان ده واكتبه عندك في ورقة وتعالي يلا ....
....وبالفعل الأب اخد العنوان ونبيل كتبه في ورقة علشان يفتكروه ومش ينسوه .....
....وفور مااخدوه نزلوا علي طول وحاولوا يصبروا الأم إنها ماتكونش قلقانة عليهم ....
_الأم :نبيل يابني قبل ماتنزلوا هي سهام عرفت حاجة ولاأنتا قولتلها علي حاجة ....
_نبيل :لا طبعاً ياماما هقولها ايه بس وبعدين طول اليوم بترن عليا ياما اسيبها ترن ياما اكنسل ...
_الأم :أيوة كده ياحبيبي ربنا يباركلك لأحسن تقول لأهلها يفرحوا فينا ويقولوا ذنب شريف ولاكأن حصل حاجة يابني ....
_نبيل :ماتقلقيش ياست الكل ....
........................................................................
....في البيت عند سهام وشريف وباباها ومامتها قاعدين متجمعين عالغدا أخر النهار مع بعضهم ....
_شريف :مالك كده أنتا ونبيل شايفك مش بتتكلمي معاه كعادتك يعني فيس ولاواتس أو عالفون ....
_سهام :مش عارفة والله ياشريف هو أصلا مافتحش طول اليوم رنيت عليه الجرس يخلص ومايردش ياما يكنسل عليا ومايرنش ومش بيفتح فيس ولاواتس وكمان زيزي أخته ماجاتش الكلية النهاردة والله مش عارفة حاسة إن فيه حاجة عندهم كده ....
_الأم :الله وأعلم يابنتي بظروف الناس وأحوالها ...
_الأب :احنا مالنا ياجماعة ربنا يسترها عليهم وعلينا وابقي يابنتي حاولي تكلميه برضه يمكن فيه ظروف طارئة عندهم ولاحاجة وهو مش عارف يكلمك ولايرد عليكي .....
_سهام :والله بقول كده وبعمل كده يابابا ربنا يسهل ..
........................................................................
...عند علاء وحسين والرجالة بتاعتهم :
.....................................................
..خلاص استعدوا كلهم لتنفيذ الخطة الأخيرة وكانوا بيتكلموا مع بعض بره علي إن زيزي جوا في الأوضة فاقدة وعيها لكن هي من سوء حظها فاقت وللأسف فاقت لنصيبها وقدرها وكانت الفوقة الأخيرة ليها .....
_حسين :ياااه أخيرا هنخلص بقي ....
_علاء :أيوة خلاص هما نزلوا العنوان ده وزمانهم علي وصول دلوقتي احنا ناخد البت في شنطة العربية متخدرة وأول مانستلم منهم شنطة الفلوس نرميها ليهم علي طول واحنا بقي نأخد فلوسنا والدنيا هتزهزه معانا وتروق وتحلي ونطلع عالمطار علي طول كل الباسبواتات جاهزة ليكم أربعة بلا مصر بلا غيره بلد فقر كده .....
_الرجالة :أيوة طبعاً كل واحد فينا يأخد حقه زي مااتفقنا .....
_حسين وعلاء :تمام يارجالة واحنا عند اتفاقنا يلا بينا ندخل نجيب البت ونشيلها كلنا مع بعضنا .....
...وللأسف زيزي بكل غباء خرجت من الأوضة بعد ماسمعت كل كلامهم وعرفت الحقيقة والتمثلية اللي اتعملت عليها ونجحوا فيها ....
....خرجت زيزي بكل عصبية شديدة وصريخ أه ياولاد الكلب كنتم بتلعبوا عليا وربنا لأوريكم كلكم لكن فجأة راح علاء عليها بضحك واخدها في حضنه وغمز لرجل منهم والراجل فهم كويس دخل الأوضة وجاب منها البنج وغرق المنديل بنج وخرج بسرعة ....
_علاء : حبيبتي ماتخافيش تعالي في حضني غصب عني والله هفهمك كل حاجة ....
_زيزي : خرجت من حضنه أنتا كداب أنا سمعت وعرفت كل حاجة خلاص ومش هسكت علي كده وهوديكم كلكم في ستين داهية ....
....لكن فجأة زيزي اتفاجئت بالراجل من ورا ضهرها شدها وحط المنديل علي مناخيرها وفي ثواني كانت غابت في دنيا تانية غير الدنيا وجرجرها عالأوضة ورموها عالسرير وقعدوا يتفقوا ويتكلموا مع بعضهم هيعملوا ايه كده الخطة باظت والبت كشفتهم خلاص ولو ادوها لأبوها وأمها هتعترف عليهم ويروحوا في داهية كلهم ....
_علاء :لا بقي كده عاوزين تفكير سليم غير كل تفكيرنا اللي فات ده ونفكر كويس أوي إزاي نسكت البت دي ....
_حسين :أيوة مصيبة ياعم وحطت علي دماغنا كلنا .....
_واحد من الرجالة :سهلة يعني نقتلها .....
_علاء:إزاي نقتلها ولما نسلمها لأهلها نسلمها ليهم مقتولة ....
_حسين :لا طبعاً كده هنروح في داهية أكتر وأكتر وهندخل السجن ونأخد إعدام ويتحط علي رقبتنا كلنا حبل المشنقة .....
_علاء :وبعدين ماكل اللي كنا بنخطفهم كنا بنأخد الفدية عادي ونسلمهم لأهلهم صاحيين وكانت تعدي عادي ولاحد يعرف حاجة وأنا كنت اخلع من كل واحدة فيهم بسبب وبحجة أنا ايه اللي حصلي وجالي من وراكي ....
_واحد من الرجالة :والله اللي قبلها كانت بتعدي لكن دي بقي حظها كده ياجدعان إنها تسمعنا وتكشفنا وتعرف كل حاجة يبقي نسيبها تودينا كلنا حبل المشنقة الصابع اللي يوجعك اقطعه وريح نفسك من وجعه دائما قطمه أحسن من نحته بينا يلا ندخل نقتلها ونخلص ونسلمها ليهم في شوال ونأخد منهم شنطة الفلوس ونختفي بالعربية علي طول عالمطار وهما علي مايطلعوها ويفوقوها لسه ويعرفوا ويمكن يودوها مستشفي نكون احنا في الطيارة كلنا هههههه.
_علاء وحسين :تمام بينا يارجالة استعنا عالشقا بالله....
...ودخلوا الرجالة كلهم علي زيزي في أوضتها وهي متخدرة علي سريرها وكانت تحت تأثير البنج بطريقة صعبة جدا .....
_حسين :طب هنموتها إزاي دي ....
_واحد من الرجالة :نفوقها الأول ونقتلها علشان نتأكد إنها ماتت خلاص ....
_علاء :ماشي وهتقتلوها إزاي ....
_الرجل التاني :عادي احنا نخليها فاقت واستردت وعيها ونقوم خنقنيها احنا الاتنين لما تطلع روحها في إيدينا وتموت نهائي كده كده البت أصلا مستوية عالأخر من كتر البنج والتخدير ومن مسكة واحدة من واحد فينا هتموت علي طول .....
_علاء :طيب يلا نفوقها وبالفعل فوقها علاء وأول مازيزي فاقت كلمته وقالتله علاء حبيبي ليه عملت فيا كده ده أنا بحبك أوي ....
_علاء :حياتي تعالي في حضني أنا أسف واخدها في حضنه وهجم عليها الرجل وخنقها وهي ماقدرتش تقاومه ولاكان عندها مناعة للمقاومة وبقت مستسلمة ليه وفي ثواني كانت زيزي ماتت في حضن علاء ....
_علاء بتريقة :هههههه أسف ياحبي مع السلامة نتجوز في الجنة إن شاء الله يلا بينا نجهز الشوال ونحطها فيه وناخدها في شنطة العربية ونروح نجيب الفلوس ونرميها ليهم عيني عليهم لما يلقوها ميتة ههههههه .....
....وكانت زيزي قد فارقت الحياة للأبد نتيجة إستهتارها وإفتراها وظلمها ولعبها بمشاعر وعواطف شاب علشان شاب غيره اتلعب بعواطفها هي كمان بل بالعكس لعب أدي بحياتها للأبد ولأنها كانت تثق في علاء الثقة العمياء بدون ماتعرفه ولاتعرف شئ عنه والدنيا علمتنا مانثقش في القريب قبل الغريب ....
........................................................................
...نبيل ووالده كانوا ركبوا ووصلوا للعنوان المكتوب وأول مانزلوا لقوا العربية بتاعة الرجالة منورة في وشهم .......
...علاء وحسين راكبين في الكنبة ورا .....
...الاتنين الرجالة نزلوا من العربية .......
_راجل منهم :أهلا وسهلا جاهزين ....
_الأب :أيوة جاهزين بس بنتنا فين ....
_الراجل التاني :موجودة حضرتك ....
_نبيل :بالكم لو أختي حصلها حاجة وربنا ماهسيبكم أختي الأول وبعد كده هتأخدوا الفلوس ....
...الراجل شد الشنطة منه وفتحها علشان يشوف الفلوس لقاها كلها من فوق فلوس فارتاح
ونده للراجل التاني وقاله :
هاتله أخته من شنطة العربية وبالفعل راح وفتح الشنطة وطلع منها الشوال فيه زيزي وشاله ورماه في الأرض قدامهم ....
_الراجل :سلام كده اخدنا حاجتنا وأنتم اخدتم حاجتكم وركبوا العربية ومشيوا بسرعة ......
....والأب وعلاء جريوا علي الشوال فتحوه وطلعوا منه زيزي ميتة بس هما مايعرفوش فاكرينها مغمي عليها ....
_الأب :بنتي مالك فيه ايه فوقها يانبيل والنبي ....
_نبيل : أكيد عملوا فيها حاجة الكلاب دول .....
.....وبقي نبيل يخبط علي وش زيزي جامد وعلي إيديها وعلي دماغها علشان يفوقها بس هي مش بتفوق فشالوها ووقفوا عربية عالطريق وطلعوا بسرعة علي أقرب مستشفي ولما دخلوا بيها المستشفي اخدوها الدكاترة بس للأسف لقوها ميتة وخرجوا بره لنبيل ووالده .....
_الأب :خير يادكتور هي عاملة ايه .....
_نبيل :طمنا بالله عليك يادكتور اختي كويسة....
_الدكتور :كويسة ايه دي جاية ميتة أصلا وبقالها ساعات كمان دي كانت مخنوقة وقبلها كانت متبنحة بنسبة متكررة وكبيرة البقاء لله وربنا يصبركم .....
....نبيل بقي في حالة ذهول مش مصدق اللي شايفه ولااللي بيسمعه واتعصب واتنرفز بطريقة صعبة وبقي يقول بأعلي صوته :
الكلاب الخونة كانوا مدينها لينا مقتولة قتلوها إزاي ده يجرا ليه كل ده عملتي ايه يازيزي يخليكي يجرالك كده ......
...وفجأة الأب حط إيده علي قلبه ووقع في الأرض فاقد وعيه ....
_نبيل :بابا دكتور الحقنا بسرعة واخدوا الاب ولقوه أصيب بذبحة صدرية شديدة ....
...والأم اتصلت بنبيل تطمن عليهم وتسألهم عملوا ايه بس للأسف نبيل ماردش عليها لانه مش عارف يقولها ايه خايف يصدمها وفي نفس الوقت خايف يكدب عليها ويخدعها ....
....وبعد شوية اتصلت الأم فاضطر نبيل يرد يواجهها بالحقيقة ...
_الأم :خير يابني عملتوا ايه .....
_نبيل :جمدي قلبك ياماما ....
_الأم بخضة :أختك جرالها حاجة يانبيل ....
_نبيل :أختي تعيشي أنتي ياماما وبابا مااتحملش الصدمة وقع في الأرض وجاته ذبحة صدرية وفي العناية المركزة دلوقتي .....
_الأم :أاااااااه بنتي ماتت وأبوك وراها هيموت يالهوي يانااااااااااااا وفجأة لفت بيها الدنيا لفة شديدة ووقعت في الأرض ميتة ....
_نبيل سمع صوت خبط في الأرض ....
مامااااااااا وجري من المستشفي عالبيت وكسر باب الشقة عليها وللأسف كان عنده أمل تفوق لكن بكل المحاولات كانت الأم اتوفت وماقدرتش تتحمل الصدمة .......
...والأب تلاتة أيام وكان كذلك الأمر مات ......
........................................................................
....الرجالة كانوا في الطريق وبيفتحوا شنطة الفلوس يشوفوها اتفاجئوا بيها ورق أبيض من فوق فلوس ومن تحت ورق أبيض .....
_علاء:ايه الأخبار الفلوس كاملة ....
_الراجل :ياخبر أسود فلوس ايه ده ورق أبيض ...
_حسين :إزاي يعني احنا اللي اتنصب علينا وكل تعبنا ده راح فاشوش ....
_علاء:اومال أنتم رجالة إزاي يابهايم وقدام في المهنة والكار ينضحك عليكم بالمنظر ده هو أنتم صغيرين ولابترضعوا لسه .....
_الرجالة :هنعمل ايه بس أول مرة تحصل معانا مااحنا طول عمرنا محترفين وبنعمل أصعب الخطط ونأخد فلوسها ....
_علاء :كان لازم تاخدوا حذركم من أبسط الأمور ...
_حسين :ياخبر أسود هنسافر بايه وهنعيش إزاي وهنعمل ايه في مصيبتنا السودة دي ولاكأننا عملنا أي حاجة منكم لله ...
.... وطبعاً اختل توازنهم وهما سائقين وماشين في طريق ضلمة صحراء وجبال واتفاجئوا بالعربية وقعت بيهم من أعلي جبل وللأسف نزلت وولعت واتفحمت بيهم كلهم .....
...................................................................
.... نبيل دفن أمه وأبوه وأخته في وقت واحد وبقي هو لوحده يتيم وكانت حالته صعبة جداً ومابقاش ليه في الدنيا حد غير سهام حبيبته وفعلا كانت جنبه وكل حاجة ليه ووقفت معاه وساندته وحزنت كثيرا هي وأهلها علي هذا الوضع ومابقوش مصدقين اللي حصل فجأة ليهم في يوم وليلة وكانت هي اللي بتدعمه وتشجعه وتصبره علي حاله وفضلت معاه لحد ماخلص كليته واتخرج وبقي طيار قد الدنيا كلها وبقي ليه مكانة عاليه وكون نفسه وحاله وبعدها اتجوزوا وكملت كليتها عنده واتخرجت وأصبحت "ميس" مدرسة إنجليزي متفوقة جدا وكانت هي ليه الأب والأم والاخت وكل الاهل ليه في الدنيا وأهلها كانوا معاهم دائما ....
...وكانت حياتهم مع بعض سعيدة وخلفت بنتين تؤأم وسموهم زينيب وفريدة علي اسم مامته وأخته وبعدها ولدين تؤأم وسموهم سعيد وشريف وده كان بناءا على طلب سهام تسمي شريف علي اسم أخوها حبيبها وسندها في الدنيا كلها وبعدها قررت تعتزل من عملها وتتفرغ لبيتها وتربية أولادها وتعليمهم ورعايتهم لأن مافيش أهم وأفضل من بيتها وزوجها وأولادها هما أغلي ماليها في دنيتها وكان ربنا عوض علي نبيل كبير بالزوجة الصالحة والأولاد والعزوة والأهل عن أهله وأخته الله يرحمهم .....
...................................................................
...شريف اتجوز بنت صديقة ليه معاه في كلية الهندسة من بنات الجدد دفعة أولي بس طبعاً قبل أي حاجة سأل عليها هي شخصيا كويس وكان بيسأل عليها كل شاب صاحبه ويراقبها ويمشي وراها في كل مكان بتروحه وسأل عليها إن كانت مرتبطة ولا مافيش حد في حياتها لحد مااتأكد من كل حاجة وعرف إنها فعلا شخصية محترمة وكل هدفها في الحياة دراستها وتفوفها وراح واتقدملها واتخطبوا واتجوزوا وهي كملت كليتها عنده وأصبحوا مهندسين اد الدنيا وناجحين وربنا كرمهم ببنت وولد سموهم مالك ومرام وكانت حياتهم أجمل حياة وكلهم أهل واحدة .....
...................................................................
....وبكده انتهت قصتنا ويااارب تكون عجبتكم رأيكم فيها بكل صراحة وإن شاءالله اكتب ليكم أحسن وأفضل القصص والروايات ...
....بقلم وتأليف :أية علي...