النهاردة مش اخر حلقة لان الافكار كتير ومش هعرف ارتبها في حلقة واحدة فبكرة ان شاء الله تكون اخر حلقة❤
توقعاتكم❤
الحلقة 24
#رواية_مكتوبة_ليك❤
#بقلم_ايمان_جمال❤
___________________________________
في مطار القاهره الدولي وصل فهد وعبدالرحمن كان في انتظاره، وركب معاه العربيه و اتحركوا للفيلا
_في الطريق_
فهد: رن علي سالم خليه ينتظرنا عشان في حاجات في العربيه لازم ياخدها
عبدالرحمن: ما احنا كده كده راحين الڤيلا يعني هو ياخدها هناك
فهد: لا دي مش حاجه تخصني انا دي حاجه تخصه هو
عبدالرحمن: اممممم ماشي
فارس مسك تليفونه ورن على سالم وفهد هو اللي اتكلم
فهد: انت فين دلوقتي يا سالم؟
سالم: حضرتك وصلت؟
فهد: ايوا وجبت الحاجات اللي كنت محتاجها فخليك في الڤيلا واستناني
سالم: انا مع مدام ندى عند خالتها
فهد بصدمة: انت بتقول فين؟
سالم: مع مدام ندى عند خالتها وصلنا من ربع ساعه
فهد: اطلع ليها حالا وانا جاي في السكه
فهد قفل وما استناش سالم يرد وبيرن على ندى ومش بترد
عبدالرحمن: اهدى يا فهد خلاص هنوصل اهو
فهد: اهدي ايه وزفت ايه دلوقت هي ما بتردش علي التليفون
عبدالرحمن: ما يمكن في الشنطه ومش سمعاه
فهد قلق اوي، وسالم خلاص طلع لندى وخبط كتير وسمع صوت صريخها وكسر الباب ودخل وكان حازم بيحاول يعتدي عليها وهدومها كلها متقطعة، سالم ضرب حازم لحد ما اغمى عليه وندى اغمى عليها وسالم قلع چاكت البدلة وغطى جسمها، وفي خلال دقايق وصل فهد وطلع وشاف المنظر وانصدم ووقف مكانه وبعد ثواني شالها وجري بيها بسرعة
عبدالرحمن لسالم: الكلب ده تحطه في المخزن لحد ما نشوف فهد هيعمل معاه ايه
سالم: اوامرك ياعبدالرحمن بيه
عبدالرحمن بسرعة حصل فهد اللي مستنهوش، وبعد دقايق فهد وصل بندى المستشفى والدكتورة اتقابلت فيه
فهد: مراتي اغمى عليها ومش عارف مالها
الدكتورة للمرضة: خدي منه المريضه حاله ودخليها الاوضه
فهد هو اللي دخل ندى وحطها على السرير ورفض يطلع بس بعد الحاح من الدكتورة خرج، والدكتورة كشفت على ندى بس هي للأسف لسة مفاقتش وخرجت لفهد وعبدالرحمن كان وصل
فهد: خير يادكتورة
الدكتورة: هي اتعرضت لحالة اعتداء ودا باين على العلامات اللي على جسمها بس الحمدلله محصلش حاجة
فهد اتنهد براحة: طب هي فاقت؟
الدكتورة: للأسف لسة عشان عندها صدمة من اللي حصل، حضرتك تقربلها ايه؟
فهد: جوزها
الدكتورة: حضرتك اللي عملت فيها كدا؟
فهد بكسرة: لا طبعا مش انا بس اللي عمل كدا هيتحاسب
الدكتورة: تقدر تعمل بلاغ بتقرير المستشفى
فهد: لا انا هاخد حق مراتي بإيدي
الدكتورة سابتهم ومشيت
فارس: اهدى يا فهد واحنا هنتصرف
فهد: الكلب ده فين؟
فارس: في المخزن بتاعنا
فهد بسرعة خرج من المستشفى واتحرك للمخزن والحرس بتوعه كانوا موجودين ودخل جوا وعبدالرحمن وراه
فهد فضل يضرب في حازم ووشه كله دم وعبدالرحمن بيبعده عنه
عبدالرحمن: اهدى يافهد ماتوديش نفسك في داهية عشان وسخ ذي دا
فهد: سبني ياعبدالرحمن اموته
عبدالرحمن: دا كلب ووسخ ماتوسخش ايدك بيه
حازم بيحاول ياخد نفسه واتكلم بصعوبة: انا عاوز اتكلم ممكن؟
فهد: انت تخرس خالص
حازم: لازم تسمعني، انا يوم ماجيت اتأسف لندى انا فعلا ساعتها كنت خلاص نسيت اي انتقام بس للأسف ظهرتلي بنت عمتك على هيئة شيطان ولعبت في دماغي ودخلت نار الانتقام جوايا تاني
فهد: بنت عمتي مين؟
حازم بيتنهد بصعوبة وفهد مسكه من هدومه: انطق مين؟
عبدالرحمن: سيبه عشان يعرف يتكلم
فهد ساب حازم وبدأ يتكلم
حازم: شيماء
فهد بصدمة: شيماء؟!
حازم: ايوا هي، قالتلي انها بتحبك وعاوزة تبعد ندى وبكدا اقدر اتجوز انا ندى وقالتلي انها عاوزة تدمرها.......بياخد نفسه بصعوبة: وقالت انها عاوزة تكسرها ادامك وماتعرفش ترفع عينها فيك وهي اللي خططت لكل دا حتى هي كانت عارفة انها هتيجي لان هي اللي رسمت ليا الخطة دي
فهد هجم عليه ونازل فيه ضرب لحد ما اغمى عليه
عبدالرحمن: كفاية يافهد انت كدا هتموته
فهد: ياريت يافارس، دول كانوا عاوزين يدمروها ويدمروا فرحتي بيها
عبدالرحمن: اهدى عشان تعرف تفكر لان دلوقتي مبقاش حازم لوحده
فهد: اطمن على ندى الاول........وبص على حازم اللي مغمي عليه على الارض: والكلب دا يفضل هنا لحد ماقرر انا هعمل معاه ايه
فهد خرج ورجع بسرعة على المستشفى والبنات كانت عرفت وفارس وكلهم وصلوا المستشفى
ندى بدأت تفوق واول مافهد قرب منها صرخت بهيسترية: ابعد عني سبني ارجوك سبني امشي
فهد بيحاول يهديها: ندى اهدي انا فهد
ندى بدأت تستوعب ان فهد ادامها وعيطت: انت جيت؟
فهد بوجع: كنت عاملها ليكي مفاجأة ونزلت قبل معادي
ندى بتعيط اوووي وهو قرب عليها عشان يحضنها بس ندى بتبعد عنه وهو مش فاهم ليه بس قال يسيبها تهدى لان اكيد منهارة وشوية ودخلت الدكتورة وخرجت الكل بارة وفهد كان رافض بس الشباب خرجوه
فهد: ليه خرجتوني؟
فارس: الدكتورة عاوزانا كلنا نخرج فخلاص سيبها تكشف عليها براحتها
فهد: انا خايف عليها اوي
عبدالرحمن: ان شاء الله هتبقى كويسه بس انت اهدى بس
بعد شوية خرجت الدكتورة
الدكتورة: المريضه لسة مصدومة من اللي حصل ومحتاجة فترة ترتاح او تغيير جو
فهد: احنا المفروض ان فرحنا كمان شهر وهنسافر
الدكتورة: تمام السفر حلو ليها عشان تغير جو
الدكتوره سابتهم ومشيت وفهد دخل جوا والبنات والشباب دخلوا وراه ومهند اول ماعرف باللي حصل جه هو كمان
فهد قاعد جمب ندى وهي باين عليها الخوف جدا بس هيستحمل
نهلة بعياط: يا ريت كنا منعناكي انك تروحي
فهد بغضب: مش عايز كلام في الموضوع ده دلوقتي.......وبص لندى: ولما تبقي تفوقي حسابك معايا بعدين
فارس: انتي كويسه يا ندى؟
ندى بصتله وهزت دماغها بأه
فارس: حازم الكلب ده فين؟
فهد: ما حدش هيجي جمبه ده بتاعي انا وانا اللي هتصرف معاه
عبدالرحمن بيهمس لفهد: هتعمل ايه في موضوع شيماء؟
فهد بنفس الهمس: انا لازم اسافر عند جدي النهارده قبل بكره
عبدالرحمن: طيب و احنا هنفضل هنا ولا هنيجي معاك؟
فهد: كلنا هنروح هناك وكده كده اصلا جد ندى كان عاوزها تروح هناك قبل الفرح
عبدالرحمن: تمام انا هاكلم الحرس يجهزوا العربيات
فهد: تمام......وبص للكل: جهزوا نفسكم عشان هنروح عند جدي
ندى بصوت ضعيف: انا عاوزة اروح عند جدو
فهد بصلها وزعلان اوووي انها بعيدة عنه: حاضر
وبعد شويه طلبوا من الدكتورة انها تكتب امر خروج لندى وركبوا العربيات واتحركوا لقصر السيوفي، وبعد كام ساعه العربيات كلها وقفت قدام القصر
حامد رحب بيهم جدا وقلق اوي لما شاف ندى بالحالة دي وفارس حكاله وغضب اوووي
حامد بغضب وبصوت عالي: فين الكلب ده هاتهولي هنا
فهد بهدوء: حازم ده ما حدش هيتصرف معاه غيري......وبص لندى اللي في حضن جدها: انا رايح قصر جدي
فارس: ماشي يافهد وسيب البنات وعبدالرحمن ومهند هنا وروح انت
فهد: تمام....ومستغرب ان ندى ماخافتش ذي كل مرة لما يسيبها ويمشي لان حتى في سفره كانت بتخاف فضل باصص ليها ومشي
حامد لندى: اطلعي مع البنات اوضتك ارتاحي
ندى طلعت مع البنات فوق وتايهة خالص
ليلى: ندى يا حبيبتي اتكلمي معانا ما متفضليش ساكته كده
ندى دموعها نزلت: كان هيدمرني💔
صافي: اهدي محصلش حاجة وفهد لحقك خلاص
ندى بوجع: انا عملتله ايه عشان يفكر يأذيني كدا
نهلة عيطت عشانها: اهدي ياندى لازم تكوني قوية
ندى بإنهيار: سبوني لوحدي
البنات رفضوا بس هي صممت انهم يخرجوا
