آلـثلاثـينـيةوآلمـراهـق

آلبـآرت آلثآلث

بعد شهر ......

عرفت الولد اكثر واكثر خوش ولد وحباب بس هو كولش سبورتي ويحب يشاقه عكس محمد هادئ وميحب الشقه والسوالف كلعاده يكعدون الصبح اسويلهم ريوك ويبقئ ايهم يجفص بحجيه ومحمد يغلط عليه

ايهم : عاشت ايدج خالتي العزيزه

ريهام : ههههه بالعافيه وليدي

ايهم : يا وليدج يمعوده اانتي وين وامي وين بعدج صغيرونه ولا جن انتي ام هذا البعير

محمد : اكل وانت سسسسسسساكت

ريهام : ههههههه

محمد : يله بسرعه فضها

ايهم : اي شبيك يا خويه د خلينه ناكل براحه

ريهام : هههههههه خلي الولد علئ راحته

محمد : كوم فضها هناك ازقنب

ايهم : خالتو مشتهي برياني من ايدج الحلوه

ريهام : مو تدلل عيون خاله صار اسويلك برياني

محمد : ييييممممه كوووم انت ولك

ايهم : فدوووه الكلبج خاله راح اضرب المحاظرات وارجع من وكت

محمد : لك كووووووووووم ساااااقط

ايهم : ي ي ي كايم وجعه امي كون مايخلني اتهنئ ويه خالتي

ريهام : هههههههههه

طلعوا كملت شغلي وبديت اطبخ كملت البرياني وطبيت اسبح واسمع صوت هومي يصيح غسلت بسرعه وطلعت كال ماانتظر محمد صبيلي صبيت اني وياه وكعدنه ناكل وطوال ماهو كاعد يتغزل بيه واني اضحك عليه

وماخذه كلامه شقه كملنه غدا صبيتله جاي وكعد يشرب لمن يجي محمد رجع محمد وكعدو مناكر بليل يطلع يجبنه حلويات وموطه كرزات ويجي اني مااقبل فشله هو خطار يمنه بس من اجه لليوم هو هيج عرفت منه ابو تجار واخو اكبره من صيدلاني وحالتهم زينه هو حتئ سياره عنده ياخذ محمد وياه لشغل

ثاني يوم مراح لدوام واني اريد اروح لسوك استحي اخلي بوحده ومحتاجه شغلات ضليت احوص هو حس بيه كتله هيج وهيج كلي امشي اخذج اني بسياره صدك رحت وياه اشتريت غراض وهم نصهن هو دفع ورجعنه بس ما كلت لمحمد هيج طلعت وياه هذا عكره يكوم يصيح

وحتئ هو ما جاب طاري مرت الايام وكولش صار صديقي وقريب عليه واكثر وقت هو يمي مايروح اساله ليش ماتروح يكلي ماعنده محاظرات وباقي يدك سوالف وياي واني هم رتاحيت وياه وحجيته علئ حياتي وزواجي وشلون زوجوني غصب وهيج وهيج

جنت محتاجه احد افضفضله كل البكلبي واني اسولفله اذكر شلون جان يعاملني رجلي وشلون يضربوني وابجي وهو خطيه حييل انقهر وهو يفشر ويغلط عليهم ويخلني اضحك بلكوه